تجمع للمتقدمات للكيمياء الحيوية السريرية فقط

[batbot]

السلام عليكم و رحمة الله و بركاته...
كيفكم بنوتات ؟ و كيف اختبارات القبول معاكم؟
الله يكتب لنا القبول جميعا يارب

بنات...
مابقي شي على اختبار السريرية
فياريت اي وحده تعرف
مكان الاختبار
طريقة اسئلة الاختبار
مراجع الاختبار
تحطها هنا

و شكرا

[batbot]

هذا رابط ممكن تستفيدوا منه
http://www.skaau.com/vb/showthread.php?t=357446

[رائعه]

انا كمان معك ,,

ومو عارفه المكان بالضبط ؟؟ ولاعارفه طريقة الأسئله ؟؟

ياليت احد يفيدنا مشكورين ,,

وافتكرت كنت حابه اسال الاسئله كلها راح تكون انجليزي ولاكيف ؟؟؟ لأنو انا دراستي للبكالوريس كانت عربي !!!!

[batbot]

اتوقع بالانجليزي
بحكم دراسة الطب بالانجليزي

[miss estakoza]

انا اتوقع انو طريقة الاسئلة ماحتختلف عن اختبار أمس كثير.. يعني أكيد أختياري و تظليل ..
حسب معلوماتي ان القسم بيدرسوا لبنكوت برضو يعني اتوقع حيكون تركيزهم عالأيض و كمان الهرمونز و الطبية ..
بكرة إن شاء الله حكلم القسم اسألهم عن مكان الأختبار ..

[batbot]

و إساليهم كمان على المراجع


بنات مين عنده ورقه ملخصة للهرمونات
لانو انا مااخذت هذي الماده

[فرفوشة]

الله يسهل عليكم يارب بس بالله بعد ماتختبروا ياريت تحطوا كيف كان الاختبار
وش جالكم وان شاء الله ربنا يكون معاكم

[Areej alrefai]

أنا اليوم رحت للقسم الحيوي السريري مالقيت رئيسة القسم كان عندها اجتماع وسألت دكتوره موجوده في القسم كل مااسئلها سؤال يخص الامتحان تقول مااعرف وقالت لي تعالي الساعه وحده تلقي رئيسة القسم فاضيه قلت لها عندي امتحان فأعطتني تلفون ادق عليهم بكره وأسأل ....

وقالت لي راح يستبعدوا الكيماء العامه يافرحت امي فيا قاعده في جده من اليوم الين السبت الجاي عشان الامتحان وتقول مايقبلوا .......والله محتاره اقطع تذكره وارجع ولا اجلس واجرب حضي تقول نقبل اللي تخصصهم كيماء حيوي اما العامه لأ...

لا احد يسألني لان ماراح ادخل النت الين ارجع تبوك لان في الشقه ماعندي نت انا الحين في الاندلسيه ....وكل الي قالته لي قلته ....

[فتكات]

طيب كيمياء عامه ما يقبلوا
ليش يوافقوا لكم ويصرفدوا العالم
الحمد لله والشكر

ثاني شئ يعنى المكان ليش ما يكتبوه
لازم احنا نتكشف المكان
ولا زلام اصحى الصباح بدري واقعد ادق وادق لما يروداو اسالهم ولوما ردوا اروح الجامعه وادور واسألهم
وربي افكر اسحب على الماستر احس من اوله رفعوا ضغطي

[miss estakoza]

صباح الخير ..
كعادتي اليومية في البعبصة في موقع الجامعة لقيت كم حاجة يمكن تفيدنا ان شاء الله ..

الدليل الدراسي لطلاب السنة الثانية والثالثة
حتلاقوا ملفات pdf لبيوكمستري و جيناتيك فيها تلخيص و شرح للمنهج ..

توصيف المواد
هذا برضو يعطي فكرة عن كل مادة .. أختاروا BCHM وحتطلع مواد البيوكمستري ..

تقريباً المواد تتلخص في medical biochemistry - hormones - immunology - genetics - nutrition

يمكن تكون حاجات بسيطة بس عالأقل نعرف اللي لنا و اللي علينا و نعرف هما ايش بياخدوا في البيوكمستري بالزبط ..
الله يوفقنا جميعاً ..