يا معشر الرجال اعذروني :) فأنتم الافضل ؟؟؟!

[سكون الورد k.a.u]

المشاركة الأصلية كتبت بواسطة تلميذ منتسب 8 المرأة اكثر التزام وحرص لتطبيق انظمة ولوائح عملها التي تعمل به بالاضافة الى انها اكثرة انتاجية وقد تكون المشكلة في الشخص المراجع لتلك الدوائر الحكومية لجهله بالانظمة المعمول بها ولذلك يجد ذلك المراجع نوعا من الصعوبات

+

المشاركة الأصلية كتبت بواسطة •♥fŗŌồtą ^ ^ والملكه بلقيس كيف فلح قومها !! لا تبني حكمك على اشياء انتي بس شفتيها

=

عزيزتي / شادن ..
من ظلمنا للمجتمع اننا نأخذ عينه غير مستوفيه الشروط ونعمم النتائج على المجتمع اجمع ..
تعاملك مع نساء غير أكفاء لايسمح لك ِ بالجزم ان من شاهدتي جهلهن وتعاملتي مع قُصر إدراكهن لمسئوليات وموجبات العمل اللاتي يعملن به ، يجعلك ِ تعممين علينا الفشل وعدم الفهم !! .
فنحن من أنجب هؤلاء الرجال ، وكنا وراءهم .
اكتفي بهذا القَدر من الحديث لعدم كفاية مساحة المنتدى لأكتب عن المرأهـ .

دمتم بود

[•♥fŗŌồtą]

^


^

كل ذا الحريم يسووه ؟؟

وش بقيتي للرجال ياخت شادن

كل عصر لو عظمائو بس مو معناتو ننساهم وما ناخذ العبره من قصصهم

انتي اطلقتي حكم انو الحريم مره ما ينفعو للاداره

على اي اساس عشان بس راجعتي فرع للبنك وعندنا بالجامعه

مو امكن الحريم هما الي يطبقو الانظمة حرفيا !!

والرجال فرضا يتهاونو فيها عشان كذا تمشي المعاملات بسرعه !!

الشي ذا ما يعتمد على جنس الشخص يعتمد على اخلاقو

[•♥fŗŌồtą]

المشاركة الأصلية كتبت بواسطة تلميذ منتسب 8 +1 الملكة بلقيس : صاحبة العلم والحكمة والبصيرة النافذة ومن بعض مااتصفت به حسن التفكير وحزم التدبير دهائها حسن المشاورة البراعة في المناورة لم تكن متسلطة ديكتاتورية في تنفيذ القرارات كانت تشاور وتأخذ برأي من حولها مع العلم أنها هي الملكة العظيمة صاحبة الملك المهيب بصيرتها النيرة التي رأت ماهو أبعد من مصلحة الفرد وهو مصلحة الجماعة وسلامتكم

يعطيك العافيه على الاضافه

[سنفورة موت]

المشاركة الأصلية كتبت بواسطة •♥fŗŌồtą ^ ^ كل ذا الحريم يسووه ؟؟ وش بقيتي للرجال ياخت شادن كل عصر لو عظمائو بس مو معناتو ننساهم وما ناخذ العبره من قصصهم انتي اطلقتي حكم انو الحريم مره ما ينفعو للاداره على اي اساس عشان بس راجعتي فرع للبنك وعندنا بالجامعه مو امكن الحريم هما الي يطبقو الانظمة حرفيا !! والرجال فرضا يتهاونو فيها عشان كذا تمشي المعاملات بسرعه !! الشي ذا ما يعتمد على جنس الشخص يعتمد على اخلاقو

^^

صراحه ماقدرت ارد بعد رد القميله كفت ووفت

ياختي اصابع يديك مو سواء واللي فرق ذي فرق الثانيه

يسعدكن المولى

يالبى الحريم

[توونآ]

ههههه لسا قبل كم يوم امي كانت تبغى تنقل اختي لمدرسه جنب بيتنا وراحت لعند المديره
وع قول امي مسوين بشكه وطاقينها حنك وفصفص المهم المديره قالت لامي روحي مركز الشمال
يوم راحت مركز الشمال قالو لها مين قالك من عندنا النقل معروف من المدارس !!!
طلع كلو تصريفه * نذاله * قله امانه * كذب
طبعا ابوي كان بيسوي لهم مشاكل ع دي الحركه بس هون
ونقلها عن طريق واسطه من اصحابو
يعني الحرريم اغسلي يدك منهم
الله يعيننا بس دايم متحسره اني بنت

[مَـزٍآج ..}..]

لا للتعميم ي استاذة . .

ف على العكس تماماً يوجد لدينا كادر نسائي في الكليه رائع جداً . .

اعتقد موضوعكـ فضفضة لما في نفسكـ اكثـر من فكرهـ للمنافشة ..

[خالد9921]

وكنت أعتقد في مخيلتي بأننا ملائكة لاحول لنا ولا قوة ضعفاء ومخلصات في أعمالنا مجتهدات في مساعدة بعضنا البعض بل وسريعات في تنفيذ معاملات الغير وإفادة من حولنا ..

والله معروف إن المرأه جزأ لا يتجزأ من أي مُجتمع بشري
وطالما إنها جزأ منه ف هي تتأثر بالمناخ المحيط ما بالك إنها الحلقة الأضعف بين ذكر وأنثى ؟
الله يقول بكتابه الرجال قوامون على نساء
ومافي أدق من كذا بالتأثر وإن المربط قيادة الرجال فعلا للنساء كعهد الصحابة الله يرضى عنهم !

تحت مجتمع ذكوري لا يرحم ولا يرى انجازاتنا وتفوقنا وسيرنا للبيروقراطية بنظام وكمال ....

ماحد قال لا يرحم لكنّه مجتمع ما يصل للكمال وغبي ببعض الأمور
تبي تفهميني إن غلطة الشاب عندنا بالمغازل مثل البنت ؟!
حدّث العاقل بما يعقل وطالما إنتي ناقده على وسطك ما يعني بالضرورة إن الوسط الآخر ملائكي
فيه هضم لحقوق غيرك هههههههههههههههههههه !

فكل مافات من كلام فهو خيال ... عزيزي الرجل انتم أفضل من النساء في تسهيل الامور وتبسيط المعاملات وتسوية المقامات فلا تعترفوا بالغيرة

عزيزك والله انه يبزوط كثير بالسعوديه

وتعطيل الامور بدأت اكره ذاتي حين أراجع جهة نسائية سواء كانت تعليمية أو حتى دائرة حكومية

عارفين إن الوضع عندكم مرمطه اكثر واكثر ومباني المدارس تشهد بدون حتى اداراتكم
لكن راح اوضح لك إن التأصيل للموضوع جداً خاطئ
واللي شفتيه مجرد صورة ماهي بالضرورة تعني جنسكم الا قطعاً كمان لا تعنيه ..

من جهل السيدة المقيمة على مكتب كمكتب الوزير وتعامل كالأمير ولا تخدم حتى الغفير اقسم بانها لاتعلم شي ولاتفقه في شي ...

طيب وما سألتي نفسك سعادة الوزير كيف سمح لنفسه يعيّن نموذج سيئ زي كذا ؟
ما سألتي هذا الوزير شخباره وهو ما يدري مين يشتغل بمكاتبه ؟؟
الصورة هنا واضحة ولا يبغالها تعقيد حول إن اللي تشوفيه مجرد صور رخيصة مأمورة من الآخريين
ما تاصل إنك تنقدين على جنس كامل وتصورين لنا جنسنا انه عبقري على حسابنا !!
من حقنا ننقد ومواضيع زي كذا بصراحه جدا سيئه واخشى انها ترسم الكمال للبعض بذكورنا !
لان نفس هالوزير يعني فرع الرجال نفس الشي حسبالك يقهوينا كل يوم طال عمرك ؟!

^

طلعت ريحته

ففي قضية البنوك عند حدوث أي مشكلة على الفور تحول لقسم الرجال

مالهم مرجعية بفروعكم وش تبيهم يسوون ؟!
ارجعي لنظام البنك اول شي وشوفي كيف اصلا هو يتعامل مع جنسكم والاوامر على موظفاتكم !

أما في الجامعات فلا تكفي هذه الصفحة في الحديث عن اجرامهن نعم ولذلك أتوجه بالاعتذار الشديد للرجال فأنتم أفضل منا في هذه الأمور ......

وش المانع إنها تكون عميدة بدال وكيلة ؟
مو كل الشغلات تمشي من عندكم اساسا انتم ما عندكم مرجعية نهائية للقبول مثل مسمى العميدة !

شاكر لك

[Patricia]

صادقة شدونة .. الحريم اخلاقهم تجارية في الدوامات ..
ع بالها مشغلينها عشان تطق حنك وتسولف مو تخدم العالم ..
وللأسف الغالبية العظمى اكل ومرعى وقلة صنعة ..

تدرون اش مشكلتهم .. حريمنا .. لو تصير مستخدمة ترفع خشمها ع امة محمد تقول وكيل وزارة ..

الله المستعان .. هذا الواقع ..

[كرزه...]

حرام اش التحطيم دا ..
:
:
اعترافك صارم شديد قاسي ..لايتقبله كلا الجنسين
انت بكدا كأنك ترجعينا لعصر الجاهلية بقولك " اقسم بانها لاتعلم شي ولاتفقه في شي "
و " فذلك الملاك الذي تراه في الصباح لاتعترف بالكفاءة والأفضلية تعترف فقط في التنكيد عليك فلها أساليب عدة في التعطيل ألم اقل لكم بأنني كرهت معشر النساء "

يا اختي الأمور الي تتكلمي عنها توجد لكلا الجنسين .. ومن الممكن ان تكون أكثر عند النساء لكن انتي الآن حكمتي على كـــــــــــــــــــــــــــــــــــــــــــــــــ ـــــــل نساء العالم بمجرد مراجعتك للجهة معينه ..
كثير من نساء العالم لهم بصمه في المجتمع والتاريخ ..وسيدتنا عائشة رضي الله عنها ..كانت أفقه الناس وأعلم الناس وأحسن الناس رأيًا في العامة كان الصحابة رضي الله عنهم يأخذون عنها الأحاديث ويسألونها بأمور الدين..وغيرها الكثير ..
انتي ظالمه بحكمك وبإعترافك اختي راجعي نفسي ..والي قيم الموضع ب 5نجوم ابصم بالعشره انه رجل ..وانا كانت امرأه فهي ظالمه ايضا بحكمها مثلك ..
اعتذر اختي اني انفعلت ..لكن كلمات قاسيه جدا على نفسك اولا ..
تحياتي لك

[كرزه...]

المشاركة الأصلية كتبت بواسطة سكون [center فنحن من أنجب هؤلاء الرجال ، وكنا وراءهم .[/center]

صادقه سكون
نحن من انجب هولاء الرجال ..
واعتذارك لايمثل إلا نفسك فقط ..