بخصوص المجلس التأديبي

[walaa saleh]

السلام عليكم

في موضوع جدا قالقني ابغا اعرف عنو
اليوم انا وصحبتي خرجنا من الجامعه من غير علم اهلنا
ومسكونا الامن الرجال و رجعونا عند الامن الحريم
وكتبونا مخالفات وسحبو بطايقنا
وحققو معانا و قالو بيحولونا مجلس تأديبي

ابغا اكلم وحدة قد حصلها موقف
عشان اعرف ايش المجلس التأديبي دا
ايش راح يسوولنا
هل ممكن يوصل الخبر لاهالينا او لا !


وشكرا وبليز ردو عليا ابغا اتطمن

[بنت ناس وقلبي ألماس]

وعليكم السلام ورحمة الله وبركاته

يفيدونك الأعضاء الكرام

[suzan111]

الحمد لله ماسرلي ذا الشي بس سمعت انو سلوكك ينقص ف الوثيقة
زي ايام المدرسه السيره والسلوك وبعدين صعب تلاقي وظيفه وعن انو يوصل لااهلك مدري ؤالله وذا اللي اعرفو وربي يفكك من كل شر

[نواف بن فهد]

ما بتأثر عليك بالوظائف ، لان ماعد يطلبونها

وانا تخرجت ولا قد طلبوها مني بكل المقابلات الي دخلتها

اما بالنسبة للمخالفة على حسب تقرير الامن، اذا خروج فقط فالموضوع باذن الله بسيط

والله يصلحك ويوفقك

المشاركة الأصلية كتبت بواسطة suzan111 الحمد لله ماسرلي ذا الشي بس سمعت انو سلوكك ينقص ف الوثيقة زي ايام المدرسه السيره والسلوك وبعدين صعب تلاقي وظيفه وعن انو يوصل لااهلك مدري ؤالله وذا اللي اعرفو وربي يفكك من كل شر

شهادة حسن السيرة والسلوك، شهادة بدون درجة ولا هي مع الوثيقة ، هي ورقة روتينية كانت بعض الوظائف تطلبها والان تقريبا محد يطلبها