ياشباب .. وقفتكم معي ابي احد فاهم يجاوبني

[فهدالحامد]

السلام عليكم ورحمة الله وبركاته







اسعد الله مسائكم بالمسرات ..








ياجماعة أنا متحمس بس ما ادري كيف ابدا


عندي كم سؤال وياليت اللي يعرف يساعدني .. واللي مايعرف فمشكور مقدما لايحوسني اكثر من ما انا محتاس


أنا طالب سنه تحضيرية اداري وانساني خطة ب طبعا انتساب .
في الاساس ابي اتخصص في دراسات اسلامية


س1/ هل تتعارض الخطة ب مع التخصص اللذي ارغبه؟

س2/ المواد التي في الخطة ب (_ ماهضمتها_) أقدر أغيرها؟

س3/كم مدة السنة التحضيريه ( لاتقولون سؤال غبي ) ابي افهم هي نصف سنه او سنه كامله ؟

س4/ مرتبط باللي قبله هل هذه السنه او النصف سنه محسوبه من ضمن الاربع سنوات الجامعيه
او خارج الحسبه؟


اخواني آسف على الازعاج .. بس مخي مقلوب دوام وبيت وحوسه .. وما استوعبت النظام إلى الحين.

وأنا من سكان الرياض وهذا ايميلي

fahad--alhamed@hotmail.com

وانا سعيد بالتواصل مع جميع الزملاء من مدينة الرياض


والسلام عليكم ورحمة الله وبركاته,,

[ارسمك وامحيك]

مرحبآ ,, <؛< لقافة

س1/ هل تتعارض الخطة ب مع التخصص اللذي ارغبه؟

لآطبعآ تدخل القسسم اللي تبغآه بس على حسب ادبي ولا علمي

س2/ المواد التي في الخطة ب (_ ماهضمتها_) أقدر أغيرها؟

شف يآطويل العمر عآد انت مضطر انك تهضمها لان مواد خطة (أ) راح تدرسها بالترم الثآني وخطة (أ) راح يدرسون الترم الثاني مواد خطة (ب) وطبعا هذي السنة مافي لا تعديل لا حذف لا اضافة ولا شي

س3/كم مدة السنة التحضيريه ( لاتقولون سؤال غبي ) ابي افهم هي نصف سنه او سنه كامله ؟

طبعآ سنة كآملة

س4/ مرتبط باللي قبله هل هذه السنه او النصف سنه محسوبه من ضمن الاربع سنوات الجامعيه او خارج الحسبه؟

واللهـ مدري للحين ماعرفت بس ناس يقولون انها خارج الحسبة بس اسأل

وتمنياتي لك بالتوفيق

[ROoOFaNA]

بالتوفيق انشاء الله

[الزعـــــــــيم]

الله يوفك والى الامام دوما

[فهدالحامد]

الف شكر أختي : ( ارسمك وامحيك )

على سرعة تجاوبك و اجاباتك الشافية و( لقافتك ) المرغوب فيها , والتي انقذتني من ورطتي :)

على امل ان يجيب احد الاخوة عن سؤال : هل السنه التحضيرية تحسب من ضمن السنوات الاربع ؟


والشكر موصول للاخوان الذين تمنوا لي التوفيق في ردودهم , وارجوا التوفيق للجميع,,

[memoo2009]

السلام عليكم

هل السنه التحضيرية تحسب من ضمن السنوات الاربع ؟


السنه التحضريه تدخل مع الأربع سنوات يعني تخصص وتدرس بتخصصك 3 سنوات هذا طبعا اذا مشيت على الخطه الي هم حاطينها لك

[فتاة جامعيه]

السلام عليكم : انا كنت كذا حايسه مثلك لكن السنه التحضيريه تدخل ضمن الاربع سنوات وان شاء الله اذا خلصت هاذي السنه على خيرلازم تجيب معدل عالي عشان تدخل التخصص اللي تبغاه ونصيحه حاول انك تتعرف على طلاب من خطه أ عشان الترم الثاني تتبادل معاهم الكتب وتستفسر عن أسلوب الاساتذه..... والله يعينك ويوفقنا جميعا يا رب

[][..sMaA..][]

حسب معرفتي انها مو سنة اضافية لا ماتزيد من سنوات داستك حسب ماقالت العميدة لنا .. لان كل العالم بتدرس متطلبات الجامعة احنا بس سولنا هيا فسنة خاصة ..

[موظف بالجامعة]

س1/ هل تتعارض الخطة ب مع التخصص اللذي ارغبه؟
ج1 / جميع طلاب السنة التحضيرية سواسية في مسألة التخصصات أو التسكين في الكليات فالتخصصات التي يدرسها طلاب الخطة ( أ ) ستدسينها أنتي في الفصل الدراسي الثاني ومادمتني في المسار الإداري والإنساني يحق لك دخول قسم الدراسات الإسلامية .
س2/ المواد التي في الخطة ب (_ ماهضمتها_) أقدر أغيرها؟
لا يحق لك تغير المواد ويعتبر الجدول ثابت طوال السنة التحضيرية .
س3/كم مدة السنة التحضيريه ( لاتقولون سؤال غبي ) ابي افهم هي نصف سنه او سنه كامله ؟
سنة دارسية أي فصلين ، وفصل صيفي إن وجد .
س4/ مرتبط باللي قبله هل هذه السنه او النصف سنه محسوبه من ضمن الاربع سنوات الجامعيه
او خارج الحسبه؟
نعم محسوبة .