استفسار ياليت تساعدوني

[مناال]

انا كنت تحضيري والحمدلله انقبلت طب وجراحة (خطة جديده) لكن دحين رفض اخويه اني ادرس طب حا ولت اقنعه لكن بدون فايده..المهم الحين ابغى اعرف هل يمكن احول ؟وكيف؟ومتى ؟وفين اروح؟وفيه شروط معينة يعني لازم مثلا ادرس طب وبعدين احول والا كيف؟ رجاء الي يعرف يساعدني ..دعواتكم لي..

[A N G E L]

هلا اختي
الله يعينك والله :)
....
افتكر انو احد الاعضاء كان يبا يحول..قالولو انو لازم يدرس سنة كاملة
بعدين يقدر يحول :)
تقدري تروحي العمادة وتسالي وترتاحي
ومنها لو انو تقدمي على طلب تحويل من الآن تقدمي :)
...
الله يعينك ويسهل امرك
اتمنى اكون افدتك

[كيدو]

سؤال بس عشان اروق شوي هو ولي امرك ؟

اذا كان كذا الله يعينك << معليش بس ......

نصحيتي لك الدعااااااااااااااااااااااااااء

ادعي انو الله يغير رأيه ويقتنع

وللاسف ماتتقدري تحوللي الا بعد سنه

وبالتوفيق .....

[mzat kau]

الله يعينك .. ويسهل عليكي ان شا الله يقتنع ولو ماقتنع قدمي طلب امكن سبحان الله يرضو يحولوكي بس هوا بشكل عام ماينفع تحويل الا بعد مرور سنه كامله انتي جربي وقولي لاخوكي كدا امكن ماتدري امكن ربي يسهل وبعد السنه دي يرضالك

[مناال]

مشكورة يا اختي بس ابغى اعرف كيف اقدم طلب تحويل من الاودس والا لازم اروح الجامعة..معليش على الازعاج بس والله مني اعرف اش اسوي..

[mzat kau]

التحويل لا اتوقع من الجامعه او في ايقونه اظن اسمها التحويل للكليات الصحيه جربي فيه واذا محتارة ارسلي للعميد مشاظ واحكيله عن ظرفك وانا متاكده مليون بالميه راح يساعدك لانه ماشاالله مايقصر وع فكرة تلاقي ايميلو في المنتدى ابحثي عن ايميل مشاط وبيطلعلك والله يوفقك ويوفقنا

[كيدو]

راجعي عماده القبول والتسجيل وإن شاء الله راح يفيدوكي

[memestudent]

الله يساعدك وان شاء الله اخوك يوافق انو تدخلي طب
نصيحة: اذا عندك اخ ثاني قوليلو يكلم امام المسجد اللي يصلي اخوك فيه ويحاول يقنعوا انك تبغي طب

[mzat kau]

ممم ميمي فكرة برضو امكن ربنا يهديه

[dr.hope]

مع احترامي لأخوكي

إلا اني ارى بإن رغباتي انا من يحددها وليس غيري

فهذا مستقبلي وليس مستقبل أخي

وأتمنى نعرف ايش سبب رفضه ؟؟

اتمنى انك تراجعي نفسك لإنك اذا انتي تبغي طب وبس عشان اخوكي رفض غيرتي قناعتك بمستقبلك

هذا شي خطيربصراحة

مليون واحد كان يتمنى يدخل طب من التحضيري وانتي بعد ما اثبتي نفسك وجدارتك بالطب

تبغي تتخلي عنه بسهولة

والله ما راح اتخلى عن حلمي لو مين وقف في طريقي

....

اسف على نبرتي الحاد ولكن لا احب ان يتحكم غيري في مصيري الذي اخترته بنفسي

اسف مرة اخرى