هل أنا مدمنة ..!

[ياآليتني]

قبل كل شئ اعذروني ..!
أنا ما ادرس بجامعتكم ولا شئ كنت اتمنى اكون طبيبة بس العادات الله يمحقها ...
لكن شفته المنتدى الوحيد اللي حسيت انه فيه تفاعل وممكن الاقي جوااب على سؤالي بما ان تخصصكم طبي ..

أنا سويت عملية من شهر وتوي طلعت من المستشفى بعد ما صار لي مضاعفات وكنت وقتها بمووت

من التعب النفسي أقوى من الجسدي وكنت ما اقدر أنام لمدة يومين متواصلة وبالأخير جاني دكتوري

حنون وطيب مرره قال خلاص راح اعطيك ابرة مورفين اذا شفتك مرره تعبانه ..

طبعاً انا أول مره اسمع فيها او اجربها من دخلت المستشفى...

كنت احس براااحة لمن يعطيني اياها مع عض الضعف بالتنفس لكن كنت ارتاح بشكل عام واحس

صدري توسع من الضيقة اللي كان فيها خصوصا لمن يحطوا الاوكسجين..

ضليت على هالحال اربع ايام بعدين جاني يضحك قال خلاااااص بعدين تدمنين ماراح اعطيك

قلت عادي اصلا احس خلاص ارتحت ...

و بعد فترة بالمستشفى صرت ابكي بكاء هستيري من بعد المغرب الين ينتهي وقت الزوار بدون سبب

بس احس اني بموت و ودي انام وماني قادرة احس عيوني بتطلع من السهر...

جاتني الدكتورة هدتني بس قالت مورفين لاااا يسبب لك ادمان واثار خطيرة

والحين طلعت من المستشفى على مسؤوليتي بعد ماسمعت الدكتور يقول عند الباب

Difficult patient

بكيت و بكيت و بكيت حسيت مافي احد يرحم حتى الدكاترة بس يعاملوك بالعربي طيب وبالانجليزي يتأففوا منك ...
بعدها طلعت على مسؤوليتي والحين نفس الشئ سهر وبكااااااااااااء احس بتجنن ودي بمنوووم او شئ يحطني بغيبوبة ....

احيان اشك انو ادمااان و احيان اقول هذي حالتي وماراح تتغير لا بالمورفين ولا بغيره

[مهموم والله]

أول شيء خيتو يآهلا فيكي معانا بالمنتدى ..

ثاني شيء انا صراحة ماني طبيب لكن انا افضل تشوفي طبيب اكثر من طبيب يشخص حالتك ولاتعتمدي على كلام دكتور واحد فقط ..

ثالث شيء وهو الأهم اذا تبغي الراحة الحقيقة فخلي علاقتك مع ربك قووووية (( ألا بذكر الله تطمئن القلوب )) اذكري الله وادعيييه وصلي ركعتين حتى يفرج عنك كربتك ..

ماحبيت امر من هنا بدون ما اضع ردي واحاول افيدك قدر الإمكان لكن للاسف ماعندي خبرة بمجال الطب فأتمنى مايكون ازعجك ردي ..

دُمتي بخير

[ياآليتني]

بالعكس كلامك صحيح ...تسلم أخوي مهمووم والله يفرج عني و عن كل مسلم يارب

[surgeon]

اختي المورفين هو مسكن للالم قوي جدا ويسبب ادمان عليه اذا استخدم بكثره

بس بسالك كم مرة اخذتي الابره؟؟؟؟؟

[ياآليتني]

تسلمين دكتورة سيليا ع الخاص

اخوي سرجون يمكن خمس مرات اعطاني اياها

[FeezO]

لا ما عندك ادمان اختي

مدمن المورفين تجيه اعراض كثيره اذا امتنع عنه
بداية الاعراض :ارق, اسهال, سيلان الانف , تعرق الجسم
بعد مده يتعرض لفقدان الشهية, حكة في الجلد , الم شديد في البطن و استفراغ

[ياآليتني]

شكراً لك أخوي Feezo ولكل من رد على سؤالي...

[فارس&]

سبحان الله وبحمده ... سبحان الله العظيم

[فتى تثليث]

الله يشفيك ويعافيك ان شاء الله

[N-A-20]

المشاركة الأصلية كتبت بواسطة مهموم والله أول شيء خيتو يآهلا فيكي معانا بالمنتدى .. ثاني شيء انا صراحة ماني طبيب لكن انا افضل تشوفي طبيب اكثر من طبيب يشخص حالتك ولاتعتمدي على كلام دكتور واحد فقط .. ثالث شيء وهو الأهم اذا تبغي الراحة الحقيقة فخلي علاقتك مع ربك قووووية (( ألا بذكر الله تطمئن القلوب )) اذكري الله وادعيييه وصلي ركعتين حتى يفرج عنك كربتك .. ماحبيت امر من هنا بدون ما اضع ردي واحاول افيدك قدر الإمكان لكن للاسف ماعندي خبرة بمجال الطب فأتمنى مايكون ازعجك ردي .. دُمتي بخير

اتفق معااك في رايك