تعبـانه مره بسبب دا الشي لدرجة أبكي لما أفكر فيه ,الرياضيات زي الهم والوجع بقلبـي ,

[Cho Kakao]

السلام عليكم ورحمة الله وبركاته
مرحبا

للأمانه أنا ماليا أبدا بتاتا بقوه بالرياضيات ولا احبو ولا افهمو ولا افكر بيوم احبو

لكن الحاجه تدعو لذلك

و قريت بعضهم يقولو إنو الرياضيات اغلبو اعاده للي اخدناه بالثنوي اولى

بس للأمانه أحتاج إجابه شافيه لأني جدا مريضه بقوه خلاص نفسيتي تعبت وتفكيري زاد بدا الموضوع مره

شوفو لو تدوني كتاب مره كبير بالكيميا او الانجلش أحلو وافهمو واحفظو كمان

لكن الرياضيات لا ولا ولا وستين مليون لا

بصراحه دايما أبكي بسبب الرياضيات لدرجة أتعقدت نفسيا بسببو وما أفكر بيوم أحل شي في اختصاص رياضيات ., لكني مستعده افهم كل شي بالدنيا <خصوصا الـ English

تلاقوني أبدع بالانجلش مره لأني عشقت الماده مو بس حبيتها وهيا إن شاء الله حتكون تخصصي

بس إيش رايكم ؟ تنصحوني أروح لمدرسه خصوصيه ؟ للرياضيات ؟ واللي تنصحني بكدا تعرف مدرسه رقمها ؟ ومكانها بجده طبعا مو برا *_*

انا سألت مامي تقول براحتـك بس لا تروحي عند مدرسه مصريه لأنو تدريسهم مو تمام

انا للأمانه جربت تدريس استازه مصريه يقولو هيا اشطر استازه بالرياضيات وتفهم كويس ومن دا الكلام الطويل
بس اكتشفت إنو تدريسها مره مو تمام ونجحت بمجهودي والله العظيم وبالترفيع مو لأني كنت اروح عندها لأني كنت مجبوره مره وقتها

لكن دحين خايفه من دي الماده مره اكتر من اللي تتصورو

فـ : ساعدوني عندي عقده نفسيه مره

إيش تقترحو عليا كــحل حلو ؟ويرضي جميع الاطراف ,

أختكم : شوكــولا ^_^

[ساره الفيصل]

انتي دامگِ حاطه براسگِ
فگرة إن الماده صعبه ماراح تنجحي حتى لو جبتي مدرسه
حاولي تحببي نفسگِ بالماده
قولي دايم مادة الرياضيات سهله وإن شاء الله بتحلين زين
عموماً انتي لازم تحضري الدوره التأهيليه
وَ رگزي مع الإستاذه وَ لو فيه أي نقطه موب فاهمتها
قولي لها تعيد لگ ../
وَ إذا مافهمتي شوفي من بنات القاعه الي فهمت تفهمگِ
المهم لاااااااااااااازم تقنعي نفسگِ
إن مافيه شيء سهل وَ لازم تبذلين جهد
وَ حاولي تحببين نفسگ بمادة الرياضات
وَ الله يوفقنا جميعاً :)

[Cho Kakao]

يارب قلبو انا فاهمه إنو لازم احوب الماده بس برضو مني قادره خلاص أحسو قرار اخدتو بالحياه من زمان وانتهى ومره انصدمت <صعقه كهربائيه 220 لما شوفت الرياضيات مكتوب بالجدول ! _ !

[ابوراكان 2009]

لاتخافين ربي بيسهلها هاذي السنة فقط التحضيرية رياضيات وبعدين مافيه رياضيات في كلية الاداب والعلوم الانسانية فقط في كلية الادارة والاقتصاد 000ولعلمك الرياضيات وباقي الواد صح وخطأ 000الله يوفقك انشاءالله

[Cho Kakao]

يارب يكون الاختبار سهل مره يارب

يارب بس تكون صح وخطأ واختياري لأني ماحقدر احل لو كانت في معادلات حتلخبط مره ! _ !

[طفلة الورد]

حبيبتي شكولا والله الماده حلوه وسهله انا شفتها ..انا لمن ادرس رياضيات احاول اني استمتع وانا احل من جد احط ببالي كأنها لعبه اعملي مثلي ..

ترى انتي مكبره الموضوع ومخوفه نفسك بزياده .. ومثل ماقالت الأخت ساره لاتحطين ببالك اننها صعبه والله تصعب عليك هونيها وتهون ..

يابنت الحلال توكلي على الله وبتييسر ..

أسأل الله لك التوفيق دائما ..

[ديراوي]

توكلي على الله

[aseel88888]

حبيبتي أهم شيء إنك مقتنعة بكفائتك و إنك مصرة لكي تتخطي ماتحسيه و تخافي منه

و ربي يوفقك و نشوفك في أعلى مرتبة

[نغم الحياه]

لاتخاااااااااااااااااافي عودي نفسك أنك ماتخافي
خلي روحك رياضيه مع الرياضيات
ولو حطيتي في بالك أنها صعبه بتصعب عليكي
لكن حطي في بالك أنها سهله والله تسهل أكتر ماتتخيلي

وأول شي إتوكلي على الله
وأدعي في صلاتك ربي يسهلها عليكي

[جداويه111]

الله يوفقنا كلنا ويسهلها على الجميع يارب
انا مبنى 4 روم 420
انا انتساب بخطه ب ياريت تضيفوني على المسن عشان نستفيد من بعض للبناااااات رجاء خاص nooooone111@hotmail.com