كلية العلوم الطبية التطبيقية - قسم العلاج الطبيعي

[DarkRoXaS 13]

انا إن شاء الله ابغى علاج طبيعي ادعيلي يارب ....

[حشاش وماسك رشاش]

للاسف .. الدكاترة مهم محصلين وظايف .. كيف حتكون العلوم الطبية .. بس دي اظن عدد وظايفها محدودة .. يعني الا اقصدو المستشفى الوحدة مسلا تبا 3 وظايف تقنية مختبرات و5 وظايف تخصص اشعة وزي كدا يعني عدد محدد.. بس مدري في مجال تاني للعمل غير المستشفيات ؟!!
بس احلى شي انو دراسة 3 سنوات وسنة تطبيقيه ... بس السنة التطبيقيه دي تاخدي مكافأة شهرية كطالب ولا تاخد زي طلاب الطب سنة امتياز ؟؟
وطبعا اكيد ازا تبي تخلصي في 3 سنوات لازم تلتزمي بالخطة الدراسية وما ادري هل معقولة انو الطالب يقدر يمشي عالخطة ؟؟
سوري عالاطالة

[m!ss-oudy]

.
.
.

الله يعطيكً العـآفيهً وربي يكتب لنـآ الخيرً

[weddah]

المشاركة الأصلية كتبت بواسطة صدى الأحلام يعطيك الف عافية ما قصرتي بس لو سمحتي عندي سؤال : حابة اعرف كيف دكاترتكم حقون العلاج الطبيعي ؟؟ يعني شديدات ولا طيبين زي كدا . يعني حابة تعطيني فكرة عنهم اكيد حتقولي ايش دا السؤال وحتستغربي بس انا احتاج اجابتو ضرووووووري لاسباب اتمنى انك تفيديني

يا هلا اختي بالعكس سؤالك حلوو وما استغربه

احنا عندنا دكتورات ودكاترة رجال يدرسونا كلهم تقريبا مره رائعييين من ناحية الشرح والفهم واغلبهم شهاداتهم عالية وحتى في التعامل يصيروا قريبين مننا وتعاملهم رااقي معانا وصوتنا مسموع الحمدلله

هذا طبعا للناس اللي تستاهل مو معقولة انسانة مهملة وتبغى الدكتورة طيبة معاها

هذا الشي لا تشيلي همه ابدا وربي يوفقك ان شاء الله ويكتبلك الخير

[weddah]

المشاركة الأصلية كتبت بواسطة عبير الفيفي الله يعطيك الف عافية ع الموضوع الاكثر من رائع بالتوفيق

الله يعاافيك يارب
وربي يوفقك اختي عبير

المشاركة الأصلية كتبت بواسطة حبه سوكـرا.. مشكوره اختي ع الافادة

العفوووو يا سكره حاضرين

المشاركة الأصلية كتبت بواسطة m!ss-oudy . . . الله يعطيكً العـآفيهً وربي يكتب لنـآ الخيرً

ياارب يكتبلكم الخير ولازم ترضووا باللي ربي يكتبه لكم

[weddah]

اسمحولي اضيف معلومات ممكن تفيدكم ما حطيتها بالموضوع


الاعداد اللي تقبلها كليتنا ابدا مو كثير
يعني كل قسم حوالي 20 الى 30 مو اكثر

ما عدا التمريض يكون فيه العدد اكبر

وكمان كليتنا مو مختلطة بين الطلاب والطالبات

بس كثيير دكاترة رجال يجووا يدرسوا البنات في الكلية
وممكن دكتورة تروح تدرس الاولاد وتعطيهم محاضرات

وكليتنا من اسمها "تطبيقية"
الدراسة تركز على العملي والتطبيق في المستشفى من اول سنة

[weddah]

المشاركة الأصلية كتبت بواسطة darkroxas 13 انا إن شاء الله ابغى علاج طبيعي ادعيلي يارب ....

يااارب نشوفك معانا في العلاج الطبيعي ويعجبك القسم
اهم شي ربي يكتبلك اللي فيه الخير لك واللي ينااسبك

[weddah]

المشاركة الأصلية كتبت بواسطة حشاش وماسك رشاش للاسف .. الدكاترة مهم محصلين وظايف .. كيف حتكون العلوم الطبية .. بس دي اظن عدد وظايفها محدودة .. يعني الا اقصدو المستشفى الوحدة مسلا تبا 3 وظايف تقنية مختبرات و5 وظايف تخصص اشعة وزي كدا يعني عدد محدد.. بس مدري في مجال تاني للعمل غير المستشفيات ؟!! بس احلى شي انو دراسة 3 سنوات وسنة تطبيقيه ... بس السنة التطبيقيه دي تاخدي مكافأة شهرية كطالب ولا تاخد زي طلاب الطب سنة امتياز ؟؟ وطبعا اكيد ازا تبي تخلصي في 3 سنوات لازم تلتزمي بالخطة الدراسية وما ادري هل معقولة انو الطالب يقدر يمشي عالخطة ؟؟ سوري عالاطالة

ياخوي الوظايف بيد ربنا ولو تطالع اي قسم بتلاقي ناس ما توظفت لكن لو نشوف الاحسن او الفرص الاكثر يمكن يكون المجال الطبي احسن من غيره لان اغلب اللي يشتغلوا سواء دكاترة او غيره اجانب ومحتاجين سعوديين واللي اعرفه انه فيه نقص في الاطباء السعوديين

ومن ناحية كليتنا زي ما قلت هي كلية جديدة مالها 6 سنين تقريبا ودفعاتنا تخرج من كل قسم حدود 20 الى 30 طالب وطالبة كثير اتوظفوا سواء مستشفيات حكومية او خاصة او اشتغلوا معيدين في الجامعة بما اننا الدفعات الجديدة وكثير سافروا ابتعاث

واي مستشفى اكيد بتحدد عدد محتاجته حسب حجم المستشفى وعدد المرضى وحاجتهم يعني المستشفيات الكبيرة تقبل كثيير اخصائيين في المختبر وغيره
مجال الشغل اساسا في المستشفى طبعا بس فيه خيارات ثانية تختلف من تخصص للثاني

السنة التطبيقية تاخذ راتب امتياز زي طلاب الطب مووش مكافأة بس مادري كم الصراحة مره يزيدوه مره ينقصووه

الخطة الدراسية انت مجبر تلتزم فيها لان نظام الدراسة عندنا سنوي والجدول ينزل جاهز مو انت تحط جدولك على كيفك ما تقدر تاخذ صيفي ولا تعتذر ترم لاازم تمشي على جدولك


ان شاء الله اكون وضحت اشياء كثير ليك اخوي ولغيرك
وعادي تطول وتاخذ راحتك المهم نستفيد
وموفقين يارب

[سارونا$]

الله يسعدك يااااااااااااااااااارب
ريحتيني وربي :)
جزاك الله كل خير

[نبض الحيآه]

طيب انا عندي سؤال مثلن انا مانقبلت ف دي الكليه بعد التحضيري معدلي ماسمحلي ادخلها
اقدر ادرس سنه في كليه العلوم واحول لدي الكليه
واش هيا شروط التحوويل ؟؟
وصح كمان التحويل يكون بعد سنه ولا ترم؟؟؟
وشكرا