يوم شااااق

[د.كلي اشراقة وطموح]

السلام عليكم
ابغى اسأل اي دفعه اكبر من11
انتو عارفين انو الدوام الكليات الصيه يخلص على 3 او 4
طيب نجي من الجامعه مرهقين ما نعرف ننام او نذاكر لو نمنا يمكن يروح الوقت ولو ذاكرنا يمكن مانقدر نركز مع التعب

والمواد يبغالها داي باي داي معليش
ابغى اطلب منكم تقترحم جدول يومي لنا كيف تنظظمي وقتك متى تريحي متى تذاكري متى تترجمي زي كدا الله يسهل على الجميع هيا صح حتكون السنه ضغط ولاتقارن بالتحضيري بس مع التنظيم كل شي يمشي
فيا ايها وايتها الأطباء الكبار افيدونا بتجاربكم

[Dr.Passed]

المشكله انا مني عارفه لسا مارتبت اموري و كيف ابغى جدولي...بس هادا الي كنت اسوي في حياتي دايما ازا حامشي نفس البرنامج في الطب كده حيكون بس غالبا لأ برنامجي دا لازم يتغير...حيتغير طبعا إن شاء الله
احس حيكزن تعب زي ماتقولي...انا لازم بعد الجامعه اروح الجيم لازم لازم لازم هادا شي مستحيل ميسير ههههههه
امكن اخد مزاكرتي معايا و اقعد اجري على السير و اقرى الي اختو واحاول ادخلو مخي...حاحاول اخلص المزاكره قد ما اقدر قبل ما ارجع سكني او بيت سيتو ازا رجعت عندهم...بعدين حاتحمم و انملي ساعه و لاساعتين بالكتير و بعدين اقوم اتأكد انو المحاضرات حقت اليوم كلها في مخي...ولمن اخلص ازا كنت عند ستو قعدت معاهم شويه او ازا في سكني قعدت مع البنات شويه و بعدين ينتهي يومي اقعد شويه مع نفسي ارتاح...اسوي الشغلات البسيطه قبل النوم بعدين انام


غالبا هادا حيكون برنامجي

بس الويكند إن شاء الله حاجدولو مزبوط على مزاكره... بس طبعا برنامج الأيام العاديه دا لازم يتغير لمن استقر على جدول تاني اسبوع حرجع اقولك و إن شاء الله يكون افضل من دا

[Dr.Passed]

ههههههههههههه وي يابنوتات على رسايل السكن فجأه ههههههه انا في سكن خااااااااااااااااااااااااااااااص مش الجامعه عشان ماما وبابا مسافرين =( p:

[د.كلي اشراقة وطموح]

د باسد
عجبني تنظيمك لجدولك اليومي وانا دحين جالسه اخطط لجدول كويس
فينكم دفعه 10 والي قبلها ماف احد يبغى يفيد يساعد؟؟

[dr.am]

قولوا الحمد لله ماعندكم ارتباطات ثانية مثل الزوج والأطفال عموما جدولي حيكون فل بالمعنى العربي والأنجليزي اول ماأرجع حيكون في 3ساعات لبيتي (ماراح اقول لكم وش اسوي) وبعد المغرب 3 ساعات لدراستي اقرا واترجم واستغل كل ثانية طبعا جوالي مقفول و انا خارج التغطية وطبعا عالسريع لانه عندي التزامات اخرى وبعدها اصلي العشاء مع انه كالعادة متأخر ثم اجهز العشاء وحيكون 3ساعات لبيتي مرة اخرى يعني راح انتهي عالساعة 11:30 والله يكتب اجرنا

[JuStice]

.

وعليكم السلام ورحمة الله وبركاته ,

أفضل شي بعد العودة من الدوام إن الواحد ينام شوية من ساعتين إلى ثلاث ساعات مو أكثر ,

لأنه بالنسبة لي صعب أرجع من دوام يوم طويل ومرهق وعلى طول أذاكر اللي أخدناه .. لازم أعطي نفسي وقت راحة كافي .

طبعًا الواحد يحدد له عدد ساعات معين للمذاكرة باليوم وكل واحد وحسب طاقته .

.

[د.كلي اشراقة وطموح]

المشاركة الأصلية كتبت بواسطة dr.am قولوا الحمد لله ماعندكم ارتباطات ثانية مثل الزوج والأطفال عموما جدولي حيكون فل بالمعنى العربي والأنجليزي اول ماأرجع حيكون في 3ساعات لبيتي (ماراح اقول لكم وش اسوي) وبعد المغرب 3 ساعات لدراستي اقرا واترجم واستغل كل ثانية طبعا جوالي مقفول و انا خارج التغطية وطبعا عالسريع لانه عندي التزامات اخرى وبعدها اصلي العشاء مع انه كالعادة متأخر ثم اجهز العشاء وحيكون 3ساعات لبيتي مرة اخرى يعني راح انتهي عالساعة 11:30 والله يكتب اجرنا

د.ام كلو بأجرو الله يعينك ويسهلك اسمك انك عديتي كم شوط والله يقدرك وتكملي الباقي

[د.كلي اشراقة وطموح]

عن نفسي بفكر انو اول ما ارجع من الدوام اتغدى واخذ شور
بعدين اترجم كل المواد وانام بدري بعد العشا على طول
واصحى بدري اصلي وابدأ مذاكره والله يسهل

[Majed7]

المشاركة الأصلية كتبت بواسطة dr.am قولوا الحمد لله ماعندكم ارتباطات ثانية مثل الزوج والأطفال عموما جدولي حيكون فل بالمعنى العربي والأنجليزي اول ماأرجع حيكون في 3ساعات لبيتي (ماراح اقول لكم وش اسوي) وبعد المغرب 3 ساعات لدراستي اقرا واترجم واستغل كل ثانية طبعا جوالي مقفول و انا خارج التغطية وطبعا عالسريع لانه عندي التزامات اخرى وبعدها اصلي العشاء مع انه كالعادة متأخر ثم اجهز العشاء وحيكون 3ساعات لبيتي مرة اخرى يعني راح انتهي عالساعة 11:30 والله يكتب اجرنا

ما شاء الله عليكيـ ..

الله يوفقك ويعينك بدراستك وحياتك .. وإنتيـ قدها إن شاء لله ^_^

[د.كلي اشراقة وطموح]

عن نفسي بفكر انو اول ما ارجع من الدوام اتغدى واخذ شور يريح حسمس من بعد التعب
بعدين اترجم كل المواد وانام بدري بعد العشا على طول
واصحى بدري اصلي وابدأ مذاكره والله يسهل