ضع بصمتك وتجربتك هنا :)

[د.مشبب]

المشاركة الأصلية كتبت بواسطة فتى تثليث .. وحاولوا كل معمل تمسكوا كتاب البراكتيكل وترسموا وتوفروا عليكم وقت .. .

ممكن توضح لنا ما هو الـــ{ كتاب البراكتيكل }

والله يعطيك العافيه على المشاركة الطيبه

[محمد الداود]

::
سمعت من بعض طلاب Med10 أن بعض الطلاب يتجهوآ لمكتبة الكلية
لمراجعة المحآضرآت بعد انتهآء الدوآم.
اش رآيكم ??
من وجهة نظري ..
أشوفها خطوة ممتآزة بحيث نلتزم بعدم الذهاب إلا بعد الانتهاء من المحآضرات
وبعد ماا تخلص سسوي اللي تبيه ^_^ ...

[الامل المنشود 2010]

المشاركة الأصلية كتبت بواسطة محمد الداود :: سمعت من بعض طلاب med10 أن بعض الطلاب يتجهوآ لمكتبة الكلية لمراجعة المحآضرآت بعد انتهآء الدوآم. اش رآيكم ?? من وجهة نظري .. أشوفها خطوة ممتآزة بحيث نلتزم بعدم الذهاب إلا بعد الانتهاء من المحآضرات وبعد ماا تخلص سسوي اللي تبيه ^_^ ...

أهلا وسهلا،،،،،

هل تقصد أن الطلاب بعد المحاضرات لازم يتجمعوا في المكتبة للمراجعة؟

إذا كان هذا ما تقصده فهي فكرة جميلة ورائعة،،

لكن أعتقد إن البعض سوف يرفض الفكرة بسبب الدوام الطويل

وبعضهم يحتاج إلى الراحة،،،،

لكن أنا معاكم إن شاء الله،،،،

[JuStice]

.

وعليكم السلام ورحمة الله وبركاته ,

راح أديكم نبذة عن كل مادة حسب وجهة نظري .. وإذا عندكم أي سؤال فـ اسألوا كل اللي نفسكم فيه (:

- Foundation : مادة أساسيات الطب , تتقسم لـ 6 مواد مُصغَّرة .. مصطلحات طبية , مهارات skills , علم وظائف الأعضاء , أدوية , أحياء دقيقة , علم طفيليات .

سهلة جدًا وراح تنبسطوا فيها .. لأن كل مادة من المواد المُصغرة دي حـ تاخدوا فيها كم محاضرة وبس .. فـ بالراحة تقدروا تجيبوا فيها درجة مرتفعة


- Embryology : المادة حلوة وشيّقة وخفيفة .. لأنها زي القصة لازم تتابعوها من الأول للآخر عشان تفهموا .. هي تحتاج صور ومقاطع فيديو حتى توضح لكم أكتر فـ هنا الأفضل إنكم تبحثوا

عن صور وفيديو زيادة في النت , المادة عليها ساعة وحدة .. ودا معناه إنها ما راح تأثر في المعدل إلا شيء بسيط سواء جبت 100 أو 60 , ودا الشيء ممكن يخلي كتير من الشباب يسحبوا عليها .. لكن صدقوني

راح تستفيدوا منها كتير وتستمتعوا , وقت المحاضرة اسألوا الدكتور عن الكلمات الغريبة وخلوه يشرحها لكم وسجلوها .


- Histology : مادة كلامها كتير ! عن أنواع الخلايا والأنسجة في الجسم وإيش مميزاتها وخواصها .. مشكلتها الأولى إنهم ضاغطينها في نص ترم , ومشكلتها التانية والأكبر هي دكتورها !

إحنا جانا بـ معظمها رئيس القسم د. محمد باداوود .. و الله لا يوريكم .. شرحه عبارة عن قراءة بحتة .. وممل بطريقة فظيعة وفيه كتابين للمادة من تأليف نفس الدكتور راح يقولكم اشتروه .. الكتاب الأول تعبان

وصوره سيئة , والكتاب التاني للرسم .. عشان ترسموا الخلايا والأنسجة وعليه 5 درجات . المادة مو صعبة .. لكن دكتورها سيء , وأفضل طريقة لها هي مذاكرتها أول بأول واستعارة كتاب لها من المكتبة يكون

فيه صور واضحة وملوّنة .. أنا استعرت لها كتاب ممتاز مليان صور والشرح فيه جدًا واضح بس نسيت اسمه , كنت أذاكر الشرح من كتاب باداوود - لأنه مختصر - لكن الصور

من الكتاب اللي استعرته من المكتبة .. عمومًا اطلعوا على كتب الهستولوجي بالمكتبة واختاروا اللي يناسبكم .


- Anatomy : من أكتر المواد اللي راح تعجبكم .. خاصة لما تنزلوا المشرحة بعد المحاضرات وتشوفوا اللي درستوه على أنسجة طبيعية قدامكم والمادة تحتاج مذاكرة وحفظ أول بأول ,

حسب ما أذكر جانا في معظم المادة د. باداوود


- Biochemistry : رغم كلامها الكتير والتفصيلي .. إلا إنها مفيدة , وأنا بدأت أستمتع فيها عـ النهاية لما بدأت أفهمها .. وعليها 5 ساعات عشان كدا تندرج ضمن المواد المهمة لأنها تأثر عـ المعدل ,

وتحتاج جهد وصبر في المذاكرة والمراجعة .. وفي كل جزئية من المادة راح يجيكم دكتور مختلف عن السابق , بالنسبة للمحاضرات أنا كنت أذاكر أول تلاتة أجزاء منها (بروتينات , إنزيمات , كربوهيدرات) من

أوراق مدرس خصوصي اسمه د. حداد وأوراقه ممتازة جدًا جدًا وخلتني أفهم المادة بعد ما كنت مستصعبها .. بقية المادة كانت شيتات الدكاترة واضحة بالنسبة لي فـ كنت أذاكر منها .

كتير من الشباب دخلوا عند مدرسين خصوصيين .. وعلى رأسهم د. حداد , شرحه ممتاز على حسب كلام اللي أخدوا عنده لكنه نصّاب درجة أولى وجشع وطمّاع ما همّه غير الفلوس , فـ نصيحتي ;

لا تضيعوا فلوسكم عليه واكتفوا بـ أوراقه اللي راح تلاقوها في المكتبة ومنتشرة بين الشباب .


- Pathology : يقولوا إن أكبر معدّل رسوب كان في دي المادة !! ما أدري ليش .. عمومًا أنا ما كنت شايفها صعبة .. بأول اختبار فيها جبت درجة ممتازة ولله الحمد .. كان الاختبار سهل جدًا ,

يمكن مشكلة المادة هي آخر شابتر فيها عن الأورام والسرطانات .. الشابتر كبير ومهم , أعطانا الجزئية الأولى فيه دكتور ممتاز , أما اللي درسنا الجزئية التانية كان سيء وضعنا معاه .

بالنسبة لـ شيت الأورام والسرطانات فـ الدكتور الأول (الممتاز) قالنا ما نعتمد على عروض الباوربوينت لأنها مختصرة وأعطانا شيت طـــــــويـــــــل 164 صفحة !!

وقالنا إنه شامل لكل جزئية شابتر الأورام والسرطانات . وقت المذاكرة كانت الشباتر كلها كوم , وجزئية الأورام دي لوحدها كوم تاني !

وفي الاختبار النهائي بصراحة أنظلمنا ظلم صريح .. المفروض الاختبار ساعتين لكن قالوا لنا ساعة ونص وكانت الأسئلة صعبة جدًا ومستواها أعلى من مستوانا وكمان يا دوب بالقوة الواحد يلحق يراجعها

لأنه مافي وقت ! كان فرق كبير 180 درجة بين الاختبار النصفي - السهل جدًا - وبين النهائي .

والحمدلله على كل حال

.

[Dr.Passed]

جزاكم الله خير يا دكاتره كتير استفدنا من كلامكم
بس مو اول ناس اسمعكم تشتكو من ال Pathology للدرجه دي يعني كلكم بتشتكو!! كيف كنتو بتزاكروها؟


وكيف كنتو تقسمو وقتكم على المواد؟ هل كان لازم كل المحاضرات الي اتاخدت في اليوم ترجعو تخلصوها وتحفظوها في نفس اليوم؟؟

كان عندكم وقت تسوو اي شي تاني في يومكم ولا ماف وقت يادوبك نوم اول ما ترجعو وتقومو عشان تزاكرو؟ كيف كان وضعكم؟


وبعدين ممكن الواحد يثبت جدولو على شي معين و ما يكسرو لو ايش؟ انتو كده بتسوو؟

[Dr.Passed]

بالنسبه للدكتور محمد و الدكتور منشود

عندي تعليق

انا اقترح تخلو الستادي قروب حقتكم نهايه كل اسبوع بس يوم واحد الربوع مثلا...ما احس من جد حيلتزمو كلي يوم...عشان الدوام طوييييبل و بعض الناس عندهم ارتباطات و المحاضره لسا جديده في المخ احسن تتراجع مع نفسكم اول..احس حتكون لكم مناسبه اكتر نهايه الأسبوع يوم واحد تناقشو في كل الي درستو


مجرد نصيحه

[واثق الخطا]

الشباب اللي قالولكم عن الدراسة في المكتبة بعد الدوام ما كان قصدهم ستدي قروب لالا عادي ممكن تذاكر لوحدك كطريقة بحيث انك تلتزم بالمذاكرة كل يوم لأن المكتبة ما فيها مشتتات انتباه زي البيت

:)

[د.مشبب]

المشاركة الأصلية كتبت بواسطة د.مشبب ممكن توضح لنا ما هو الـــ{ كتاب البراكتيكل } والله يعطيك العافيه على المشاركة الطيبه

لو سمحتوا يا أخوان أحد يجاوب ...

ثانياً ,, ممكن توضحوا لنا طريقة الإختبارات " يعني الأسئلة " لكل مادة ..
هل هي اختيار من متعدد أو أسئلة مقالية ...

وشكراً

[JuStice]

المشاركة الأصلية كتبت بواسطة د.مشبب لو سمحتوا يا أخوان أحد يجاوب ... ثانياً ,, ممكن توضحوا لنا طريقة الإختبارات " يعني الأسئلة " لكل مادة .. هل هي اختيار من متعدد أو أسئلة مقالية ... وشكراً

.

قصدهـ كتاب الهستولوجي الثاني المخصص للرسم .

بالنسبة للاختبارات .. فـ الترم الأول كان اختيارات ومقالية وتوصيل (match) ,

أناتومي , هستولوجي , بايوكمستري .. كان فيها أسئلة مقالية .. باقي المواد كانت خيارات ويمكن شوية توصيل .

واختبارات العملي بعض المواد اختيارات وبعضها كتابة .. زي الأناتومي اختبارها للعملي يكون كتابة .. يجيب لك قطعة أو رسمة فـ تتعرف عليها وتكتب ,

بينما اختبار العملي للباثولوجي مثلاً كان كله خيارات .

.

[الامل المنشود 2010]

المشاركة الأصلية كتبت بواسطة JuStice . وعليكم السلام ورحمة الله وبركاته , راح أديكم نبذة عن كل مادة حسب وجهة نظري .. وإذا عندكم أي سؤال فـ اسألوا كل اللي نفسكم فيه (: - Foundation : مادة أساسيات الطب , تتقسم لـ 6 مواد مُصغَّرة .. مصطلحات طبية , مهارات skills , علم وظائف الأعضاء , أدوية , أحياء دقيقة , علم طفيليات . سهلة جدًا وراح تنبسطوا فيها .. لأن كل مادة من المواد المُصغرة دي حـ تاخدوا فيها كم محاضرة وبس .. فـ بالراحة تقدروا تجيبوا فيها درجة مرتفعة - Embryology : المادة حلوة وشيّقة وخفيفة .. لأنها زي القصة لازم تتابعوها من الأول للآخر عشان تفهموا .. هي تحتاج صور ومقاطع فيديو حتى توضح لكم أكتر فـ هنا الأفضل إنكم تبحثوا عن صور وفيديو زيادة في النت , المادة عليها ساعة وحدة .. ودا معناه إنها ما راح تأثر في المعدل إلا شيء بسيط سواء جبت 100 أو 60 , ودا الشيء ممكن يخلي كتير من الشباب يسحبوا عليها .. لكن صدقوني راح تستفيدوا منها كتير وتستمتعوا , وقت المحاضرة اسألوا الدكتور عن الكلمات الغريبة وخلوه يشرحها لكم وسجلوها . - Histology : مادة كلامها كتير ! عن أنواع الخلايا والأنسجة في الجسم وإيش مميزاتها وخواصها .. مشكلتها الأولى إنهم ضاغطينها في نص ترم , ومشكلتها التانية والأكبر هي دكتورها ! إحنا جانا بـ معظمها رئيس القسم د. محمد باداوود .. و الله لا يوريكم .. شرحه عبارة عن قراءة بحتة .. وممل بطريقة فظيعة وفيه كتابين للمادة من تأليف نفس الدكتور راح يقولكم اشتروه .. الكتاب الأول تعبان وصوره سيئة , والكتاب التاني للرسم .. عشان ترسموا الخلايا والأنسجة وعليه 5 درجات . المادة مو صعبة .. لكن دكتورها سيء , وأفضل طريقة لها هي مذاكرتها أول بأول واستعارة كتاب لها من المكتبة يكون فيه صور واضحة وملوّنة .. أنا استعرت لها كتاب ممتاز مليان صور والشرح فيه جدًا واضح بس نسيت اسمه , كنت أذاكر الشرح من كتاب باداوود - لأنه مختصر - لكن الصور من الكتاب اللي استعرته من المكتبة .. عمومًا اطلعوا على كتب الهستولوجي بالمكتبة واختاروا اللي يناسبكم . - Anatomy : من أكتر المواد اللي راح تعجبكم .. خاصة لما تنزلوا المشرحة بعد المحاضرات وتشوفوا اللي درستوه على أنسجة طبيعية قدامكم والمادة تحتاج مذاكرة وحفظ أول بأول , حسب ما أذكر جانا في معظم المادة د. باداوود - Biochemistry : رغم كلامها الكتير والتفصيلي .. إلا إنها مفيدة , وأنا بدأت أستمتع فيها عـ النهاية لما بدأت أفهمها .. وعليها 5 ساعات عشان كدا تندرج ضمن المواد المهمة لأنها تأثر عـ المعدل , وتحتاج جهد وصبر في المذاكرة والمراجعة .. وفي كل جزئية من المادة راح يجيكم دكتور مختلف عن السابق , بالنسبة للمحاضرات أنا كنت أذاكر أول تلاتة أجزاء منها (بروتينات , إنزيمات , كربوهيدرات) من أوراق مدرس خصوصي اسمه د. حداد وأوراقه ممتازة جدًا جدًا وخلتني أفهم المادة بعد ما كنت مستصعبها .. بقية المادة كانت شيتات الدكاترة واضحة بالنسبة لي فـ كنت أذاكر منها . كتير من الشباب دخلوا عند مدرسين خصوصيين .. وعلى رأسهم د. حداد , شرحه ممتاز على حسب كلام اللي أخدوا عنده لكنه نصّاب درجة أولى وجشع وطمّاع ما همّه غير الفلوس , فـ نصيحتي ; لا تضيعوا فلوسكم عليه واكتفوا بـ أوراقه اللي راح تلاقوها في المكتبة ومنتشرة بين الشباب . - Pathology : يقولوا إن أكبر معدّل رسوب كان في دي المادة !! ما أدري ليش .. عمومًا أنا ما كنت شايفها صعبة .. بأول اختبار فيها جبت درجة ممتازة ولله الحمد .. كان الاختبار سهل جدًا , يمكن مشكلة المادة هي آخر شابتر فيها عن الأورام والسرطانات .. الشابتر كبير ومهم , أعطانا الجزئية الأولى فيه دكتور ممتاز , أما اللي درسنا الجزئية التانية كان سيء وضعنا معاه . بالنسبة لـ شيت الأورام والسرطانات فـ الدكتور الأول (الممتاز) قالنا ما نعتمد على عروض الباوربوينت لأنها مختصرة وأعطانا شيت طـــــــويـــــــل 164 صفحة !! وقالنا إنه شامل لكل جزئية شابتر الأورام والسرطانات . وقت المذاكرة كانت الشباتر كلها كوم , وجزئية الأورام دي لوحدها كوم تاني ! وفي الاختبار النهائي بصراحة أنظلمنا ظلم صريح .. المفروض الاختبار ساعتين لكن قالوا لنا ساعة ونص وكانت الأسئلة صعبة جدًا ومستواها أعلى من مستوانا وكمان يا دوب بالقوة الواحد يلحق يراجعها لأنه مافي وقت ! كان فرق كبير 180 درجة بين الاختبار النصفي - السهل جدًا - وبين النهائي . والحمدلله على كل حال .

وفقك الله يادكتور،،،،،

وعندي سؤال في المشاركة

المشاركة الأصلية كتبت بواسطة Dr.Passed بالنسبه للدكتور محمد و الدكتور منشود عندي تعليق انا اقترح تخلو الستادي قروب حقتكم نهايه كل اسبوع بس يوم واحد الربوع مثلا...ما احس من جد حيلتزمو كلي يوم...عشان الدوام طوييييبل و بعض الناس عندهم ارتباطات و المحاضره لسا جديده في المخ احسن تتراجع مع نفسكم اول..احس حتكون لكم مناسبه اكتر نهايه الأسبوع يوم واحد تناقشو في كل الي درستو مجرد نصيحه

Good idea

Thanks

المشاركة الأصلية كتبت بواسطة واثق الخطا الشباب اللي قالولكم عن الدراسة في المكتبة بعد الدوام ما كان قصدهم ستدي قروب لالا عادي ممكن تذاكر لوحدك كطريقة بحيث انك تلتزم بالمذاكرة كل يوم لأن المكتبة ما فيها مشتتات انتباه زي البيت :)

صحيح،،

شكــرا لك ،،،،،

المشاركة الأصلية كتبت بواسطة JuStice . قصدهـ كتاب الهستولوجي الثاني المخصص للرسم . بالنسبة للاختبارات .. فـ الترم الأول كان اختيارات ومقالية وتوصيل (match) , أناتومي , هستولوجي , بايوكمستري .. كان فيها أسئلة مقالية .. باقي المواد كانت خيارات ويمكن شوية توصيل . واختبارات العملي بعض المواد اختيارات وبعضها كتابة .. زي الأناتومي اختبارها للعملي يكون كتابة .. يجيب لك قطعة أو رسمة فـ تتعرف عليها وتكتب , بينما اختبار العملي للباثولوجي مثلاً كان كله خيارات . .

ممكن توضح لنا يادكتور كيف طريقة الأسئلة المقالية؟؟

يعني تعبر ولا تعدد نقاط ولا شرح؟؟

وكيف هل الدكاترة يركزوا على اللغة الإنجليزية في الاسئلة المقالية؟؟

وشكرًا لــــــك ،،،،،