InstagramTwitterSnapChat


 
وصف

العودة   منتديات سكاو > الملتقيات الجامعية > ملتقى اختبارات مركز القياس الوطني
   
   


لكل اللي جابوا درجات عالية باختبار قدرات الجامعيين افيدونا الله يسعدكم

ملتقى اختبارات مركز القياس الوطني

إضافة رد
 
أدوات الموضوع إبحث في الموضوع انواع عرض الموضوع
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
  #1  
قديم 08-12-2013, 07:08 PM

ريم17 ريم17 غير متواجد حالياً

جامعي

 
تاريخ التسجيل: Nov 2008
التخصص: mix
نوع الدراسة: إنتظام
المستوى: متخرج
الجنس: أنثى
المشاركات: 495
افتراضي لكل اللي جابوا درجات عالية باختبار قدرات الجامعيين افيدونا الله يسعدكم


السلام عليكم ورحمة الله وبركاته
الموضوع باين من عنوانه كل واحد جاب نسبة عاليه في قدرات الجامعيين يقول لنا كيف ذاكر وكيف استعد لانه اختبااري قررب ومو عارفه كيف استعد له..
وجزاكم الله من خيري الدنيا والاخرره.

 


توقيع ريم17  

نقرتين لعرض الصورة في صفحة مستقلةنقرتين لعرض الصورة في صفحة مستقلة اليوزر مشترك نقرتين لعرض الصورة في صفحة مستقلةنقرتين لعرض الصورة في صفحة مستقلة
سبحان الله وبحمده سبحان الله العظيم
يااارب بشرني بخبر قبولي معيدة بأفضل جامعة ويسر لي دراسة الماستر والدكتوراه بامتياز مع مرتبة الشرف الأولى ولكل من قال امييين..
اللهم اني أسألك نجاحا يعقبه فلاح

 

رد مع اقتباس

 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 10-12-2013, 01:04 AM   #2

اقتصادي لغوي

جامعي

الصورة الرمزية اقتصادي لغوي

 
تاريخ التسجيل: Oct 2013
كلية: كلية الاقتصاد والادارة
التخصص: اقتصاد
نوع الدراسة: متخرج - انتظام
المستوى: متخرج
البلد: المدينة المنورة
الجنس: ذكر
المشاركات: 247
افتراضي رد: لكل اللي جابوا درجات عالية باختبار قدرات الجامعيين افيدونا الله يسعدكم

أستاذة ريم :)

أنا جبت 88 في قدرات الجامعيين ( 86.5 في الجزء اللفظي .. و 89.4 في الكمي .. والتوتال 88 ) .. وهادي كانت أول مرة اختبر فيها هذا الاختبار .. والموزونة عندي 88.84

زمان عام 1426 هـ ( يعني قبل حوالي 8 سنوات ) اختبرت قدرات الثانوية وجبت 86

خريج ثانوية عامة ( علمي ) 1418 هـ بمعدل 98 ٪

أخدت سنتين هندسة ( تخصص كهربائية ) وما كملتها

خريج اقتصاد من جدة 1426 هـ بمعدل 4.47

حاليا باقيلي ترم واتخرج ماجستير تعليم اللغة العربية لغير الناطقين بها

وناوي اقدم على ماجستير ثاني في الاقتصاد في جدة عشان اخلصو واقدم لبعثة دكتوراة في الاقتصاد لأمريكا .. دعواتكم :)

حاب أشاركم باللي أعرفو وربنا يحققلنا اللي نتمناه

فيه البداية ماني حاب اتكلم عن الاختبار من حيث هوا ربحي أو أو الخ .. وهل فعلا يقيس قدرات حقيقية .. وهل فعلا نحتاج لهادي القدرات في الماجستير أو الدكتوراة .. وهل يجب أن يكون فيه قدرات جامعيين للمقلبلين على الماجستير وآخر مستواه أعلى للمقبلين على الدكتوراة .. وهل فعلا فيه فرق حقيقي بين اختبار قدرات الثانوية واختبار قدرات الجامعيين .. وهل قدرات الجامعيين مرات يكون اسهل في أوقات معينة من السنة وأوقات يكون صعب .. وهل اللي تخصصو لغة عربية مثلا أو تاريخ لازم يخوض هادا الاختبار الخ الخ الخ .. اكيد فيه ناس عاجبهم الاختبار وفيه ناس محايدين وفيه ناس تنتقد شيء أو اشياء في الاختبار .. وللعلم اختبار gre نفسو عليه اشكالات كبيرة في أمريكا نفسها حتى بعض الجامعات ( وان كانت قليل ) ما تعطيه اي اعتبار وتهتم في قبولها للطلاب على مؤشرات تانية .. فازا كان هذا حال ال gre العتيد فما بالك بقدرات الجامعيين اللي مالو كم سنة عندنا ولايزال محلي ما وصل للعالمية زي gre أو gmat والأشياء الكبيرة هادي ههههههههههه ..

المهم الآن هوا صار عائق في جيلنا ( ما واجهوه أهل أول ) عشان نلتحق ببرامج الماجستير أو الدكتوراة ولابد نلقى طرق انو نتجاوزو ونعديه ونجيب الدرجة المطلوبة عشان نواصل مشوارنا وما نوقف محلنا .. والقدرات هادا ان شاء الله لينا معاه كلام تاني ازا صرنا دكاترة او موظفين في أماكن تسمحلنا نطور فيه أو أو أو حتى نلغيه ونحط مكانو اشياء تانية حسب ظروف داك الوقت كمان .. فزي ما يقولو لكل مقام مقال وربنا يعين :)

عموما فيه بعض التكنيكات اللي استخدمتها في الإجابة في قدرات الجامعيين ( راح اذكرها بدون ترتيب ) :

1- مثلا في ذهني دائما انو الاجابة على السؤال الواحد أو الفقرة الوحدة ما تاخد أكتر من دقيقة

لكن طبعا عمليا بتاخد ع الاقل من دقيقة الى دقيقة ونص

والسؤال اللي احس اني اخدت فيه دقيقتين أو أكتر يعتبر مصيبة ارتكبتها واعاهد نفسي وأنا جالس اجاوب اني ما اعيد الخطأ الفادح دا مره تانية

خلاص كل سؤال لوه دقيقة وانتهينا لأن الوقت ما يسعف

2- عيني كانت دائما ع الساعة وكم باقي من الوقت مقارنة بكم باقي من الاسئلة ( وسويت الشيء هادا في كل قسم من أقسام الاختبار ) .. ولأني كنت قريب من شاشة البروجكتور فكان الوقت واضح وضوح الشمس قدامي هههههههه

3- من عاداتي السيئة في الاختبارات اللي من هادا النوع السريع اني اكون محني ظهري وأنا أجاوب وطبعا كان فيه واحد على يميني جالس وظهرو معتدل وشوية يحط رجل على رجل .. فأتمنيت أقدر أسوي زيو لأن هذا يريح الظهر وبالتالي يريح الأعصاب

4- أحاول اني أجي الاختبار مرتاح ونايم قبلها كم ساعة وآكل بس مو مره متقلها عشان تكون معدتي مرتاحة

5- السؤال اللي ما أعرف اجابتو اعديه واشوف غيرو واقول لنفسي ازا بقي وقت رجعتلو

6- عادة ما احب احط اجابات على طريقة شختك بختك .. مع اني في بعض الاختبارات سويتها مثلا لما قدمت لاختبار توفل لبعثة في الخطوط السعودية .. وللأسف ما انقبلت ههههههههه .. بس ما سويتها لما قدمت لاختبار أرامكو ( برنامج التشغيل ) عام 1419 وجبت المركز الأول في اختبار قدراتهم ..

بصراحة قعدت افكر قبل اختبار قدرات الجامعيين هل استخدم في الاسئلة اللي ما اعرفها شختك بختك ولا ما استخدمها .. فقلت لأ لا تستخدمها مهما حصل لانو ممكن يكون فيه طريقة معينة في التصحيح تخليهم يعرفو انو هل انتا جبت اجابة قريبة أو بعيدة مره .. بالتالي اذا اتكررت الاجابات الخاطئة البعيدة جدا عن الصحيحة ممكن هذا الشيء يخليهم ( او يخلي الكمبيوتر ) ينقصلي درجات من باب استخدامي للعشوائية بدلا من استخدامي للطريقة العلمية .. لكن في حالات نادرة اذا كنت حاس الاجابة صحيحة بنسبة 98 ٪ مثلا اختارها واقول ربنا يستر .. فالحاصل تركت اجابات كثيرة بدون جواب وما استخدمت شختك بختك

7- دائما قبل ما أفتح كل قسم من أقسام الاختبار القي نظرة سريعة على القسم بسرعة واعرف نوعية الاسئلة في هذا القسم هل هيا قطع أكتر أو رسومات أكتر أو رياضيات اكتر الخ .. واقارنها بالوقت المعطى لاجابة هذا القسم .. عشان لا يكون عندي دائما رهبة او قلق من الجاي قدام في القسم من اسئلة

8- القسم اللي نطلع منو ونروح على قسم ثاني ما احاول ارجعلو ابدا لأني احس بكركبة وضيقة خصوصا انو هذا الشيء كمان ممنوع في الاختبار فانتا تخاف احد يكفشك ههههههههه

9- بالنسبة للقطع استخدمت طريقة قرأت عنها في الكتاب التعريفي الخاص ب STEP .. اللي هيا اقرأ الأسئلة قبل ما تروح للقطعة .. بالتالي انتا ما تضيع وقتك في قراية قطعة كاملة ما راح تحتاج لكل معلومة صغيرة وردت فيها .. وفعلا استفدت من هادي الطريقة

10- طبعا استفدت من كتاب البابطين وكتاب محمد حسن طيب لكن للأسف ما اعطيتهم حقهم في المذاكرة خصوصا الكتاب الثاني .. وطبعا ما نظرت في أي كتاب ثاني ماهو مخصص لقدرات الجامعيين تحديدا .. ومن الاشياء اللي استفدتها من كتاب الباطين خصوصا وممكن وردت كمان في الثاني انو مرات يعطيك لحل المسألة الرياضية طريقتين وحدة ممكن نسميها بدائية وتانية تقليدية .. وكمان تتعلم منو ومن التاني انك تفكر في السؤال وتكون لماح لأشياء في السؤال تساعدك على اجابة المسألة الرياضية بدون جهد يذكر لأنو مرات تكون الأرقام معطاة بطريقة تسهل الحسابات بشكل سريع لو انتبهت ليها .. وطبعا لا شك استفدت كتير من كتاب الطيب في طريقة حل اسئلة الرسوم ( الأشكال ) اللي يقولك اذكر الشكل التالي او يقولك ايش هوا الشكل الغريب عن المجموعة الخ .. وكمان لاحظت انو كتاب محمد حسن الطيب النص التاني منو تقريبا كلو عن الأشكال الهندسية ( مثلث دائرة مربع متوازي الأضلاع هرم مخروط اسطوانة الخ ) فما كنت مهتم كتير اني اذاكرو لانو من خلال اطلاعي على نماذج للاختبار في كتاب الباطين وبعض النماذج اللي مرت عليا في النت هنا في الموقع وكدا لاحظت انو مافيها كثافة في الاشكال الهندسية او تكاد تكون نادرة جدا .. فما اهتميت اذاكر الجزء هذا وقلت لو جاء شيء من هادا راح تكون القوانين معطاة عندي بس الله يعينني افكر في المسألة واستخدم القوانين وربنا يعين :)

الخلاصة الكتابين هادي ( وشفت فيه كتاب تاني من جزئين بس ما اشتريتو ولا أدري عن محتواه ) تفيدك من ناحية انك كل ما اطلعت على اسئلة اكتر وحاولت تجاوبها واتعرفت على طرق اجاباتها يصير عندك حصيلة لا بأس فيها عن نوعية الاسئلة اللي ممكن يجي زيها في الاختبار .. يعني في الأخير انتا بتحفظ بالتدريج طرق الاجابة على معظم اسئلة القدرات وكلو واحد وذاكرته وطريقتو في الاستعداد للاختبار في مدة قصير او مدة طويلة .. طبعا المدة الطويلة والعمل على مراحل وهدوء أفضل بكتير من العجلة لما نحضر لاختبار زي هادا :)

11- اخدت فكرة لا بأس بيها عن الامتحان انو الامتحان لقدرات الجامعين يركز اكتر شيء على المنطق وبدرجة أقل على الرياضيات وعلى معرفتي بمفردات اللغة .. لانو تقرييا المنطق والعلاقات المنطقية في نظري هيا جوهر ولب اختبار القدرات .. طبعا مع القدرة على تفعيل مهارات التفكير السريع وتظليل الاجابات والاشياء السابقة اللي ذكرتها ليكم فوق :)

12- طبعا ما أنسى أقول انو هادي اللي الاشياء اللي انا مقتنع فيها .. وممكن تناسب أحد تاني وممكن ما تناسبو .. بس كمان ممكن يكون فيه اشياء متفق بين الجميع انو لا خلاف عليها .. فلابد نستفيد من بعض

13- جبت معاية مراسيم ( اقلام رصاص ) ومساحة كلها جودتها عالية .. بس اكتشفت انو مراسيمهم افضل من اللي انا جبتها من ناحية التظليل للاجابات .. مراسيمهم من نوعية المراسيم اللي تتعبأ من ورى المرسام .. كل ما خلص الرصاص تشيل قطعة وتركبها من ورى المرسام وتطلعلك قطعة جديدة تستخدمها .. بس مساحة المرسام هذا سيئة جدا .. فالأفضل تجيب معاك مساحة ممتازة

14- وكنت جايب علبة موية صغيرة عشان ازا عطشت اشرب منها .. وطبعا الاحسن انك تروح على دورة المياة وتتأكد انو بطنك فارغة نوعا ما من المياه والسوايل الخ خصوصا اذا كنت زيي تتوتر اذا كنت في اختبار ومحتاج تروح الحمام وما تقدر تطلع وانتا في وسط الامتحان .. فالأفضل بكل تأكيد انك تروح الحمام قبل ما يبدأ الاختبار عشان اعصابك تكون رايقة وذهنك صافي

15 - أخيرا كان نفسي آخذ دورة في الاعداد لهذا الاختبار بس من سوء حظي ما دخلت أي دورة من الدورات

وسلامتكم :)

يعني هادي تقريبا أهم الأشياء اللي في بالي عن اختبار قدرات الجامعين وطريقة التعامل معاه حبيت اشاركم فيها

وحاب أسمع منكم ونتناقش سوا ويا ليت جميع اللي اختبرو هادا الامتحان وجابو درجات عالية يشاركونا بطرقهم في التحضير للاختبار والتكنيكات اللي استخدموها في الاجابة على الاختبار عشان تعم الفائدة الجميع

تحياتي وربنا يحققلنا اللي نتمناه

 

اقتصادي لغوي غير متواجد حالياً   رد مع اقتباس
 

الأعضاء التاليه اسماءهم يقولون [ شكرا ] لـ اقتصادي لغوي على هذة المشاركة:

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 10-12-2013, 06:59 PM   #3

هدوٍء~

جامعي

الصورة الرمزية هدوٍء~

 
تاريخ التسجيل: Aug 2009
كلية: كلية الاعمال برابغ
التخصص: HR
نوع الدراسة: متخرج - تعليم عن بعد
المستوى: متخرج
البلد: جــــدة
الجنس: أنثى
المشاركات: 588
افتراضي رد: لكل اللي جابوا درجات عالية باختبار قدرات الجامعيين افيدونا الله يسعدكم

انا دخلت القدرات وجبت 78 والحمد لله
خريجة ادارة اعمال - ادارة موارد بشريه معدلي ولله الحمد فوق ال 4
فكرت اعيد الاختبار عشان اجيب درجة اكبر من 77 بس قلت خلاص لازم اقتنع بالنسبه وان شاء الله انقبل في ماجستير ادارة الاعمال

من حيث الاستعداد احس اني متعوده على الاختبارات يعني قالو اختبار ستيب رحت اختبرت قالو قدرات جامعيين رحت اختبرت وبالثانويه اختبرت قدرات عامه وتحصيلي وجبت بالعامه 78 وبالتحصيلي 70 وكسور ودخلت اختبار توفل قبل كذا ودخلت اكثر من اختبار لغه انجليزيه في جامعات كثير منها عفت وسي بي أي يعني انا عندي الاختبارات هوايه اني ادخلها واحب اشوف نفسي انا فين بالضبط وايش مستوايا

بالنسبه للاستعداد .. بصراحه ماستعديت كثير يعني انا من ساعة ماختبرت اختبار القدرات العامه والتحصيلي بالثانوي صار عندي غرام لكتاب القدرات 1 و 2 رام وكتاب الامين بالاضافه لكتب طبعتها من النت وصرت على طول اقرا فيها واحب احل المسائل وكذا ودائما ادخل على موقع قياس اشوف السؤال الي يحطوه واحله

وبيني وبينك نزلت كتاب البابطين ومافتحته

بالنسبه لاخ اقتصادي اللي يقول ان الاختبارات هذي عائق انا اشوف العكس تماما وهذي الاختبارات هي اللي تحدد الفروقات العقليه ومدى الاستيعاب للطلاب وفيها شفافيه اكثر من أي اختبار ثاني باختصار هي اختبارات تخليك تحس بالعدل

اتمنى انك تجيبي درجة عاليه ان شاء الله فيه اهم شي انتي تحاولي تحبي الاختبار وماتحطيه ك عائق قدامك عشان تجتازيه

 

توقيع هدوٍء~  

 



 

هدوٍء~ غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 10-12-2013, 08:14 PM   #4

كناريا

جامعي

الصورة الرمزية كناريا

 
تاريخ التسجيل: Apr 2010
كلية: كلية العلوم
التخصص: كيمياء حيوي
نوع الدراسة: متخرج - انتظام
المستوى: متخرج
البلد: جــــدة
الجنس: أنثى
المشاركات: 38
افتراضي رد: لكل اللي جابوا درجات عالية باختبار قدرات الجامعيين افيدونا الله يسعدكم

انا اختبرت قدرات الجامعيين وجبت في الاختبار 71 انا صراحة حسيته زي القدرات العامة
اهم شي اتوكلي على الله وخلي املك بالله كبير

 

كناريا غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 11-12-2013, 01:59 PM   #5

Aroma Flowr

جامعي

 
تاريخ التسجيل: Feb 2009
التخصص: كيمياء حيوي
نوع الدراسة: ماجستير
المستوى: متخرج
الجنس: أنثى
المشاركات: 374
افتراضي رد: لكل اللي جابوا درجات عالية باختبار قدرات الجامعيين افيدونا الله يسعدكم

متى الاختبار أنا اعرف انوه شهر 3 صح وإلا أنا غلطانه

 

توقيع Aroma Flowr  

 

يَآړبٌ♡ قَلبيّ مُتمَسّگ ، ﺑ ﺣ͠لم كبير ف / ﭑگتُبہْ ﻟيْ ..//

 

Aroma Flowr غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 12-12-2013, 12:28 AM   #6

هدوٍء~

جامعي

الصورة الرمزية هدوٍء~

 
تاريخ التسجيل: Aug 2009
كلية: كلية الاعمال برابغ
التخصص: HR
نوع الدراسة: متخرج - تعليم عن بعد
المستوى: متخرج
البلد: جــــدة
الجنس: أنثى
المشاركات: 588
افتراضي رد: لكل اللي جابوا درجات عالية باختبار قدرات الجامعيين افيدونا الله يسعدكم

ايوه شهر 3 اتوقع
انا اختبرت في ذو الحجه

 

هدوٍء~ غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 15-12-2013, 03:49 PM   #7

اريج رامي

جامعي

 
تاريخ التسجيل: Oct 2010
كلية: كلية الاقتصاد والادارة
التخصص: محاسبه عام
نوع الدراسة: ماجستير
المستوى: متخرج
البلد: منطقة مكة المكرمة
الجنس: أنثى
المشاركات: 118
افتراضي رد: لكل اللي جابوا درجات عالية باختبار قدرات الجامعيين افيدونا الله يسعدكم

السلام عليكم ورحمة الله وبركاته

اخت هدوء لو سمحتى بما انك اختبرتي في شهر ذي الحجه . كيف كانت نوعيه الاسئله ؟

والقطعه ايش عنوانها اللي جاءت لكم ؟
بليز ممككن تذكرين الاسئله اللي تتذكرينها ؟

وشكرا

 

اريج رامي غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 17-12-2013, 08:00 AM   #8

A.r.s

ثابت الخطوه

 
تاريخ التسجيل: Jan 2010
التخصص: mineral and rock
نوع الدراسة: إنتظام
المستوى: السابع
الجنس: ذكر
المشاركات: 626
افتراضي رد: لكل اللي جابوا درجات عالية باختبار قدرات الجامعيين افيدونا الله يسعدكم

المشاركة الأصلية كتبت بواسطة اقتصادي لغوي مشاهدة المشاركة
أستاذة ريم :)

أنا جبت 88 في قدرات الجامعيين ( 86.5 في الجزء اللفظي .. و 89.4 في الكمي .. والتوتال 88 ) .. وهادي كانت أول مرة اختبر فيها هذا الاختبار .. والموزونة عندي 88.84

زمان عام 1426 هـ ( يعني قبل حوالي 8 سنوات ) اختبرت قدرات الثانوية وجبت 86

خريج ثانوية عامة ( علمي ) 1418 هـ بمعدل 98 ٪

أخدت سنتين هندسة ( تخصص كهربائية ) وما كملتها

خريج اقتصاد من جدة 1426 هـ بمعدل 4.47

حاليا باقيلي ترم واتخرج ماجستير تعليم اللغة العربية لغير الناطقين بها

وناوي اقدم على ماجستير ثاني في الاقتصاد في جدة عشان اخلصو واقدم لبعثة دكتوراة في الاقتصاد لأمريكا .. دعواتكم :)

حاب أشاركم باللي أعرفو وربنا يحققلنا اللي نتمناه

فيه البداية ماني حاب اتكلم عن الاختبار من حيث هوا ربحي أو أو الخ .. وهل فعلا يقيس قدرات حقيقية .. وهل فعلا نحتاج لهادي القدرات في الماجستير أو الدكتوراة .. وهل يجب أن يكون فيه قدرات جامعيين للمقلبلين على الماجستير وآخر مستواه أعلى للمقبلين على الدكتوراة .. وهل فعلا فيه فرق حقيقي بين اختبار قدرات الثانوية واختبار قدرات الجامعيين .. وهل قدرات الجامعيين مرات يكون اسهل في أوقات معينة من السنة وأوقات يكون صعب .. وهل اللي تخصصو لغة عربية مثلا أو تاريخ لازم يخوض هادا الاختبار الخ الخ الخ .. اكيد فيه ناس عاجبهم الاختبار وفيه ناس محايدين وفيه ناس تنتقد شيء أو اشياء في الاختبار .. وللعلم اختبار gre نفسو عليه اشكالات كبيرة في أمريكا نفسها حتى بعض الجامعات ( وان كانت قليل ) ما تعطيه اي اعتبار وتهتم في قبولها للطلاب على مؤشرات تانية .. فازا كان هذا حال ال gre العتيد فما بالك بقدرات الجامعيين اللي مالو كم سنة عندنا ولايزال محلي ما وصل للعالمية زي gre أو gmat والأشياء الكبيرة هادي ههههههههههه ..

المهم الآن هوا صار عائق في جيلنا ( ما واجهوه أهل أول ) عشان نلتحق ببرامج الماجستير أو الدكتوراة ولابد نلقى طرق انو نتجاوزو ونعديه ونجيب الدرجة المطلوبة عشان نواصل مشوارنا وما نوقف محلنا .. والقدرات هادا ان شاء الله لينا معاه كلام تاني ازا صرنا دكاترة او موظفين في أماكن تسمحلنا نطور فيه أو أو أو حتى نلغيه ونحط مكانو اشياء تانية حسب ظروف داك الوقت كمان .. فزي ما يقولو لكل مقام مقال وربنا يعين :)

عموما فيه بعض التكنيكات اللي استخدمتها في الإجابة في قدرات الجامعيين ( راح اذكرها بدون ترتيب ) :

1- مثلا في ذهني دائما انو الاجابة على السؤال الواحد أو الفقرة الوحدة ما تاخد أكتر من دقيقة

لكن طبعا عمليا بتاخد ع الاقل من دقيقة الى دقيقة ونص

والسؤال اللي احس اني اخدت فيه دقيقتين أو أكتر يعتبر مصيبة ارتكبتها واعاهد نفسي وأنا جالس اجاوب اني ما اعيد الخطأ الفادح دا مره تانية

خلاص كل سؤال لوه دقيقة وانتهينا لأن الوقت ما يسعف

2- عيني كانت دائما ع الساعة وكم باقي من الوقت مقارنة بكم باقي من الاسئلة ( وسويت الشيء هادا في كل قسم من أقسام الاختبار ) .. ولأني كنت قريب من شاشة البروجكتور فكان الوقت واضح وضوح الشمس قدامي هههههههه

3- من عاداتي السيئة في الاختبارات اللي من هادا النوع السريع اني اكون محني ظهري وأنا أجاوب وطبعا كان فيه واحد على يميني جالس وظهرو معتدل وشوية يحط رجل على رجل .. فأتمنيت أقدر أسوي زيو لأن هذا يريح الظهر وبالتالي يريح الأعصاب

4- أحاول اني أجي الاختبار مرتاح ونايم قبلها كم ساعة وآكل بس مو مره متقلها عشان تكون معدتي مرتاحة

5- السؤال اللي ما أعرف اجابتو اعديه واشوف غيرو واقول لنفسي ازا بقي وقت رجعتلو

6- عادة ما احب احط اجابات على طريقة شختك بختك .. مع اني في بعض الاختبارات سويتها مثلا لما قدمت لاختبار توفل لبعثة في الخطوط السعودية .. وللأسف ما انقبلت ههههههههه .. بس ما سويتها لما قدمت لاختبار أرامكو ( برنامج التشغيل ) عام 1419 وجبت المركز الأول في اختبار قدراتهم ..

بصراحة قعدت افكر قبل اختبار قدرات الجامعيين هل استخدم في الاسئلة اللي ما اعرفها شختك بختك ولا ما استخدمها .. فقلت لأ لا تستخدمها مهما حصل لانو ممكن يكون فيه طريقة معينة في التصحيح تخليهم يعرفو انو هل انتا جبت اجابة قريبة أو بعيدة مره .. بالتالي اذا اتكررت الاجابات الخاطئة البعيدة جدا عن الصحيحة ممكن هذا الشيء يخليهم ( او يخلي الكمبيوتر ) ينقصلي درجات من باب استخدامي للعشوائية بدلا من استخدامي للطريقة العلمية .. لكن في حالات نادرة اذا كنت حاس الاجابة صحيحة بنسبة 98 ٪ مثلا اختارها واقول ربنا يستر .. فالحاصل تركت اجابات كثيرة بدون جواب وما استخدمت شختك بختك

7- دائما قبل ما أفتح كل قسم من أقسام الاختبار القي نظرة سريعة على القسم بسرعة واعرف نوعية الاسئلة في هذا القسم هل هيا قطع أكتر أو رسومات أكتر أو رياضيات اكتر الخ .. واقارنها بالوقت المعطى لاجابة هذا القسم .. عشان لا يكون عندي دائما رهبة او قلق من الجاي قدام في القسم من اسئلة

8- القسم اللي نطلع منو ونروح على قسم ثاني ما احاول ارجعلو ابدا لأني احس بكركبة وضيقة خصوصا انو هذا الشيء كمان ممنوع في الاختبار فانتا تخاف احد يكفشك ههههههههه

9- بالنسبة للقطع استخدمت طريقة قرأت عنها في الكتاب التعريفي الخاص ب step .. اللي هيا اقرأ الأسئلة قبل ما تروح للقطعة .. بالتالي انتا ما تضيع وقتك في قراية قطعة كاملة ما راح تحتاج لكل معلومة صغيرة وردت فيها .. وفعلا استفدت من هادي الطريقة

10- طبعا استفدت من كتاب البابطين وكتاب محمد حسن طيب لكن للأسف ما اعطيتهم حقهم في المذاكرة خصوصا الكتاب الثاني .. وطبعا ما نظرت في أي كتاب ثاني ماهو مخصص لقدرات الجامعيين تحديدا .. ومن الاشياء اللي استفدتها من كتاب الباطين خصوصا وممكن وردت كمان في الثاني انو مرات يعطيك لحل المسألة الرياضية طريقتين وحدة ممكن نسميها بدائية وتانية تقليدية .. وكمان تتعلم منو ومن التاني انك تفكر في السؤال وتكون لماح لأشياء في السؤال تساعدك على اجابة المسألة الرياضية بدون جهد يذكر لأنو مرات تكون الأرقام معطاة بطريقة تسهل الحسابات بشكل سريع لو انتبهت ليها .. وطبعا لا شك استفدت كتير من كتاب الطيب في طريقة حل اسئلة الرسوم ( الأشكال ) اللي يقولك اذكر الشكل التالي او يقولك ايش هوا الشكل الغريب عن المجموعة الخ .. وكمان لاحظت انو كتاب محمد حسن الطيب النص التاني منو تقريبا كلو عن الأشكال الهندسية ( مثلث دائرة مربع متوازي الأضلاع هرم مخروط اسطوانة الخ ) فما كنت مهتم كتير اني اذاكرو لانو من خلال اطلاعي على نماذج للاختبار في كتاب الباطين وبعض النماذج اللي مرت عليا في النت هنا في الموقع وكدا لاحظت انو مافيها كثافة في الاشكال الهندسية او تكاد تكون نادرة جدا .. فما اهتميت اذاكر الجزء هذا وقلت لو جاء شيء من هادا راح تكون القوانين معطاة عندي بس الله يعينني افكر في المسألة واستخدم القوانين وربنا يعين :)

الخلاصة الكتابين هادي ( وشفت فيه كتاب تاني من جزئين بس ما اشتريتو ولا أدري عن محتواه ) تفيدك من ناحية انك كل ما اطلعت على اسئلة اكتر وحاولت تجاوبها واتعرفت على طرق اجاباتها يصير عندك حصيلة لا بأس فيها عن نوعية الاسئلة اللي ممكن يجي زيها في الاختبار .. يعني في الأخير انتا بتحفظ بالتدريج طرق الاجابة على معظم اسئلة القدرات وكلو واحد وذاكرته وطريقتو في الاستعداد للاختبار في مدة قصير او مدة طويلة .. طبعا المدة الطويلة والعمل على مراحل وهدوء أفضل بكتير من العجلة لما نحضر لاختبار زي هادا :)

11- اخدت فكرة لا بأس بيها عن الامتحان انو الامتحان لقدرات الجامعين يركز اكتر شيء على المنطق وبدرجة أقل على الرياضيات وعلى معرفتي بمفردات اللغة .. لانو تقرييا المنطق والعلاقات المنطقية في نظري هيا جوهر ولب اختبار القدرات .. طبعا مع القدرة على تفعيل مهارات التفكير السريع وتظليل الاجابات والاشياء السابقة اللي ذكرتها ليكم فوق :)

12- طبعا ما أنسى أقول انو هادي اللي الاشياء اللي انا مقتنع فيها .. وممكن تناسب أحد تاني وممكن ما تناسبو .. بس كمان ممكن يكون فيه اشياء متفق بين الجميع انو لا خلاف عليها .. فلابد نستفيد من بعض

13- جبت معاية مراسيم ( اقلام رصاص ) ومساحة كلها جودتها عالية .. بس اكتشفت انو مراسيمهم افضل من اللي انا جبتها من ناحية التظليل للاجابات .. مراسيمهم من نوعية المراسيم اللي تتعبأ من ورى المرسام .. كل ما خلص الرصاص تشيل قطعة وتركبها من ورى المرسام وتطلعلك قطعة جديدة تستخدمها .. بس مساحة المرسام هذا سيئة جدا .. فالأفضل تجيب معاك مساحة ممتازة

14- وكنت جايب علبة موية صغيرة عشان ازا عطشت اشرب منها .. وطبعا الاحسن انك تروح على دورة المياة وتتأكد انو بطنك فارغة نوعا ما من المياه والسوايل الخ خصوصا اذا كنت زيي تتوتر اذا كنت في اختبار ومحتاج تروح الحمام وما تقدر تطلع وانتا في وسط الامتحان .. فالأفضل بكل تأكيد انك تروح الحمام قبل ما يبدأ الاختبار عشان اعصابك تكون رايقة وذهنك صافي

15 - أخيرا كان نفسي آخذ دورة في الاعداد لهذا الاختبار بس من سوء حظي ما دخلت أي دورة من الدورات

وسلامتكم :)

يعني هادي تقريبا أهم الأشياء اللي في بالي عن اختبار قدرات الجامعين وطريقة التعامل معاه حبيت اشاركم فيها

وحاب أسمع منكم ونتناقش سوا ويا ليت جميع اللي اختبرو هادا الامتحان وجابو درجات عالية يشاركونا بطرقهم في التحضير للاختبار والتكنيكات اللي استخدموها في الاجابة على الاختبار عشان تعم الفائدة الجميع

تحياتي وربنا يحققلنا اللي نتمناه
اسمحلي اقط معاك ايش جالس تسوي؟ . مستواك عالي ماشاء الله بس احس منت عارف وين تروح .ايش وداك لغة :)

 

توقيع A.r.s  

 

سبحان الله وبحمده سبحان الله العظيم ...

 

A.r.s غير متواجد حالياً   رد مع اقتباس
 

الأعضاء التاليه اسماءهم يقولون [ شكرا ] لـ A.r.s على هذة المشاركة:

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 17-12-2013, 10:32 AM   #9

اقتصادي لغوي

جامعي

الصورة الرمزية اقتصادي لغوي

 
تاريخ التسجيل: Oct 2013
كلية: كلية الاقتصاد والادارة
التخصص: اقتصاد
نوع الدراسة: متخرج - انتظام
المستوى: متخرج
البلد: المدينة المنورة
الجنس: ذكر
المشاركات: 247
افتراضي رد: لكل اللي جابوا درجات عالية باختبار قدرات الجامعيين افيدونا الله يسعدكم

والله يا أستاذ إي آر إس

أنا رحت لغة بعد ما جيت من كندا وعجبتني طريقتهم في تعليم الإنجليزية لغير الناطقين بها

فلقيت هادا البرنامج فاتح جديد في المدينة والتحقت فيه وعجبني وكنت حاط في بالي إني أتخرج منو وأروح كندا أدرس اللغة العربية هناك

بس طلعت شغلة التدريس هناك صعبة وتحتاج مؤهلات عالية جدا مو زي ما اتوقعت خخخخخخ

المهم بعدين فكرت اني أصير معيد أو محاضر في تعليم اللغة العربية لغير الناطقين بها بس طلع مافي أمل لأنو تخصصي في البكالريوس اقتصاد وهوا مختلف عن تخصص الماجستير

وبما انو عندي حلم أطلع آخد الدكتوراة في أمريكا أو كندا قررت آخد ماجستير ثاني بس هادي المرة في الاقتصاد ... ( لأنهم أضافو تخصص الاقتصاد لتخصصات الابتعاث هادي السنة والمتوقع انو راح يستمر موجود كذا سنة قدام ) ... وانتهي منو في سنتين عشان أقدم على بعثة دكتوراة في الاقتصاد

هادي كل الحكاية :)

وعلى فكرة صحيح انو الأمور معايا جات كدا بدون ترتيب

إلا اني حقيقة استفدت كتير من مجال تعليم اللغات الأجنبية وفتحلي آفاق معرفية وعلمية جميلة

لأنو أنا بالأساس أحب موضوع تعلم وتعليم اللغات الأجنبية فدخلت من خلال الماجستير بعمق شوية في هادا المجال

بس للأسف مافي فرصة أكمل فيه دكتوراة إلا في جامعة الإمام في الرياض

بس أنا نفسي تكون الدكتوراة في الخارج

فققرت أرجع لتخصصي الحبيب اللي هوا الاقتصاد وأكمل من خلالو عشان أوصل للي أبغاه

وسلامتك

وربنا يحققلنا اللي نتمناه

 


التعديل الأخير تم بواسطة اقتصادي لغوي ; 17-12-2013 الساعة 10:38 AM.
اقتصادي لغوي غير متواجد حالياً   رد مع اقتباس
 

الأعضاء التاليه اسماءهم يقولون [ شكرا ] لـ اقتصادي لغوي على هذة المشاركة:

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 17-12-2013, 11:02 PM   #10

A.r.s

ثابت الخطوه

 
تاريخ التسجيل: Jan 2010
التخصص: mineral and rock
نوع الدراسة: إنتظام
المستوى: السابع
الجنس: ذكر
المشاركات: 626
افتراضي رد: لكل اللي جابوا درجات عالية باختبار قدرات الجامعيين افيدونا الله يسعدكم

المشاركة الأصلية كتبت بواسطة اقتصادي لغوي مشاهدة المشاركة
والله يا أستاذ إي آر إس

أنا رحت لغة بعد ما جيت من كندا وعجبتني طريقتهم في تعليم الإنجليزية لغير الناطقين بها

فلقيت هادا البرنامج فاتح جديد في المدينة والتحقت فيه وعجبني وكنت حاط في بالي إني أتخرج منو وأروح كندا أدرس اللغة العربية هناك

بس طلعت شغلة التدريس هناك صعبة وتحتاج مؤهلات عالية جدا مو زي ما اتوقعت خخخخخخ

المهم بعدين فكرت اني أصير معيد أو محاضر في تعليم اللغة العربية لغير الناطقين بها بس طلع مافي أمل لأنو تخصصي في البكالريوس اقتصاد وهوا مختلف عن تخصص الماجستير

وبما انو عندي حلم أطلع آخد الدكتوراة في أمريكا أو كندا قررت آخد ماجستير ثاني بس هادي المرة في الاقتصاد ... ( لأنهم أضافو تخصص الاقتصاد لتخصصات الابتعاث هادي السنة والمتوقع انو راح يستمر موجود كذا سنة قدام ) ... وانتهي منو في سنتين عشان أقدم على بعثة دكتوراة في الاقتصاد

هادي كل الحكاية :)

وعلى فكرة صحيح انو الأمور معايا جات كدا بدون ترتيب

إلا اني حقيقة استفدت كتير من مجال تعليم اللغات الأجنبية وفتحلي آفاق معرفية وعلمية جميلة

لأنو أنا بالأساس أحب موضوع تعلم وتعليم اللغات الأجنبية فدخلت من خلال الماجستير بعمق شوية في هادا المجال

بس للأسف مافي فرصة أكمل فيه دكتوراة إلا في جامعة الإمام في الرياض

بس أنا نفسي تكون الدكتوراة في الخارج

فققرت أرجع لتخصصي الحبيب اللي هوا الاقتصاد وأكمل من خلالو عشان أوصل للي أبغاه

وسلامتك

وربنا يحققلنا اللي نتمناه
ماشاء الله حتى تخصصنا طلع قراره قريب الي هو جيولوجيا التعدين . ان شاء الله دفعة مع الدفعة رقم عشرة ربي ييسرها

 

A.r.s غير متواجد حالياً   رد مع اقتباس
 

إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 08:52 PM


Powered by vBulletin® Version 3.8.9 Beta 3
Copyright ©2000 - 2024, vBulletin Solutions, Inc.
Ads Organizer 3.0.3 by Analytics - Distance Education

أن كل ما ينشر في المنتدى لا يمثل رأي الإدارة وانما يمثل رأي أصحابها

جميع الحقوق محفوظة لشبكة سكاو

2003-2023