الامبالاه في كلية العلوم فرع البنات(التربيه سابقا)

[حطمتني السنة التحظيرية]

بسم الله الرحمن الرحيم


السسلام عليكم ورحمة الله وبركاته

والله انا مو عارفه اذاكان هذا المكان مناسب للموضوع ولا بس

في شي سار اليوم بكلية العلوم فرع البنات بالفيصليه جنني وربي

اهمال وعد مسؤليه ولاعاملين حسابهم للطوارئ المهم احكيلكم الهرجه

وانتم احكموبالله ....

اليوم انحبسو عندنا 6 طالبات داخل الاصنصير (المصعد) وبينهم وحده حامل المهم بالبدايه مجموعة طالبات كانو بيدخلون بعدهم فانتبهو انه علق في النص لاهو الي ينزل ولا يطلع...

الحمد لله ان البنات تداركوا الموضوع بسسرعه واتصلوا على طول على الدفاع المدني وبلغوهم ووصفولهم الطريق <<<بصراحه المجموعه ذي قامو بدور بطولي لولا الله ثم هم لكان البنات الي جواء في عداد الموتى الحين..

سار للبنات الحين 10 دقايق وهم جواء جات المشرفه مدري استاذه وقالو لها قالت وبكل برود: انا اجيب كرسي اللحين واطلعهم..

ردت عليها وحده من البنات:حرام عليك البنات بين الحياء والموت وهذولا اوادم كيف تجيبن كرسي وتطلعينهم!

قالت بنفس البرود:اطلعهم حبه حبه اعرف انا اتعامل مع هالحالات

اساسا كيف تطلعهم وهم بالنص وفي جدار بديهي ماراح توصل لهم

المهم اتصل الدفاع المدني على البنات الي بلغوا وقالو لهم احنا عند الباب الان والحارس ماسمح لنا ندخل ..

وكلمو البنات الدكتوره قالت لا مسؤليه اهالي البنات مايرضون يعني سبحان الله الارواح الي جواء مو مسؤليه والله البنات عندها يترجوها شوي ويبكون حرام عليك..

قالت طيب بس مين يدخل البنات داخل القاعات

راح 4 من بنات من المجموعه ونزلو ودخلو البنات مع العلم ان الطالبات بكل وقاحه ولاهيم حاسين بالمحبوسين جواء الي ترد بوقاحه انا مااتغطى ماابي ادخل وربي ماعطلهم

الاهالاشكال وبالعافيه طلعوهم فوق وحاولو طبعا البنات الي اتصلو يفرقون تجمعاتهم عششان يدخلون الرجال... لكن لاحياة لمن تنادي

وهذا الوقت كله كان تقريبا ساعه الاربع وهم باقي جواء ومادخل الدفاع

ولما دخل الدفاع وراحو لغرف المصعد وبعد ساعه وثلث فتحو الاصنصير

وطلع البنات وربي اشكالهم حاله الحامل منهاره والبقيه وجيههم لونها اسود من كثر مااختنقو والرعب الي كانو فيه..


يعني بامكانهم يطلعو البنات بوقت اقل من هذا لكن لامبالاة المنسوبات

واستهتار وقلة حياه الطالبات هم السبب الي اخرهم

مااقول الاحسبي الله ونعم الوكيل

[mzat kau]

حسبي الله هادا هوا الاهمال لكن كل واحد وعملو خير ولا شر حيلاقيه لاحول ولا قوه الا بالله

[Mis$ lolo]

اهمااااااااااااااااااااال لابعــــــــــــــد الحدوووود

ولا كانهم ارواح والله لو وحده من بناتهم جوا كان سوو شي تاني

حسبي الله ونعم الوكيل

[راسيه]

لا حول ولا قوة إلا بالله ..

ايوا سمعت اليوم عن دا الموضوع ..

وكنا بمحاضره وصوت السفتي مره عالي وجوا الكليه ..

قعدت مفجوعه والله *.*

ياليت البنات ينتبهوا من المصعد دا ..

ومايطلعوه .. اصلاً دحين حطوا ورقه ان الكهربا ضعيفه وماتسمح ..

والله يكون في عونهمـ اللي كانو جوآ ..

مشكوره يالغلا .. وياريت في احد يسمع ..

[السحابة البيضاء]

الحمد الله على سلامة البنات , وجزاهم الله الف خير المجموعه الي كلمو الدفاع والله يعطيكم العافيه
مين الي يقول لامبالاه واهمال حرام عليكم اصلا هو ماخرب الا من كثر ماجلسوا يلعبوا فيه البنات يطلعوا وينزلوا فيه من دون سبب كانهم اول مره في حياتهم يشوفوا مصاعد الفروض تحافظوا على الكليه وتحمدو ربكم انكم خرجتم من البغداديه اصلا المصعد للضروره مو للعب يعني تطلعوا فيه للضروره وحاولوا لايكون عددكم كثير

[حطمتني السنة التحظيرية]

المشاركة الأصلية كتبت بواسطة السحابة البيضاء الحمد الله على سلامة البنات , وجزاهم الله الف خير المجموعه الي كلمو الدفاع والله يعطيكم العافيه مين الي يقول لامبالاه واهمال حرام عليكم اصلا هو ماخرب الا من كثر ماجلسوا يلعبوا فيه البنات يطلعوا وينزلوا فيه من دون سبب كانهم اول مره في حياتهم يشوفوا مصاعد الفروض تحافظوا على الكليه وتحمدو ربكم انكم خرجتم من البغداديه اصلا المصعد للضروره مو للعب يعني تطلعوا فيه للضروره وحاولوا لايكون عددكم كثير

لا اهمــــال البنات الي اتصلو بالدفاع<<<انا كنت ماره من هناك وحظرت الموقف..

انتي لو شفتيهم كيف يكلموا المسؤله واهم يرتجفوا وخايفين وهي ولا على بالها

ولما جاالدفاع عصبت عليهم ليه تتصلون؟!

وربي بالعافيه اقنعوها انها تكلم الحارس يدخلهم هذا كله مو اهمال

لو انها وحده من بناتها جواء لكان جن جنوها لين تطلعها

وصح في عالم تلعب فيه لكن البنات الي جواء كانو مستعجلين لمحاظراتهم

واكيد شفتي حال البنات لمادخلو الرجال وش سوو


هذا كله مو اهمــــــــــــــال من المسؤله وقلة حيا الطالبات واستهتارهم؟

الله يهدي الجميع

[السحابة البيضاء]

انا معاك في اهمال المسولات ولاهم يهتموا في الموضوع
اقصد انا الاهمال من ناحيه تجهيز الاستعدادات والطواري لمثل هذي المواقف اصلا انتي زي ما انتي عارفه هم باقي ماكملوا كل التجهيزات في الكليه اصلا تعرفي المصاعد هذي تجلس بالسنين تمشي من دون شي الا في حالات شوفي مصاعد المستشفيات والحرم من فين لفين نسمع انها تقفل على احد بس هذا كله راجع للعب البنات صح والا لا وانا ما اقصد على المجموعه الي اتقفل عليهم

[حطمتني السنة التحظيرية]

المشاركة الأصلية كتبت بواسطة السحابة البيضاء انا معاك في اهمال المسولات ولاهم يهتموا في الموضوع اقصد انا الاهمال من ناحيه تجهيز الاستعدادات والطواري لمثل هذي المواقف اصلا انتي زي ما انتي عارفه هم باقي ماكملوا كل التجهيزات في الكليه اصلا تعرفي المصاعد هذي تجلس بالسنين تمشي من دون شي الا في حالات شوفي مصاعد المستشفيات والحرم من فين لفين نسمع انها تقفل على احد بس هذا كله راجع للعب البنات صح والا لا وانا ما اقصد على المجموعه الي اتقفل عليهم

اسفه ياقمر فهمت خطاء

من ناحية اللعب الله يصلحهم بس

وهم صح ماجهزو ولا استعدوا بس برضو في عتب وشرحته لك سابقا

وشكرا

[أنثى وحيدة]

حسبي الله ونعم الوكيل

[arkan minsseyh]

المصاعد خطره وتخوف وبنات الكليه الله يهديهم يركبو المصعد 11 بنت

يحملونه اكثر من طاقته

اما بالنسبه للبنات اللي مارضيو يدخلون عشان يدخلو رجال الدفاع المدني

كان المفروض تبلغوهم واذا رفضو البنات يدخلون دخلو الرجال اصلاً هم مستهترات ماهمتهم انفسهم

ولا سمعتهم اشلون بيهتمو للبنات اللي بالاصنصير

قمة الحقارة والأنانيه

والله لو مكان المجموعه اللي بلغت لأدخلهم ومليون داهيه في كل بنت مطنشه

الضرورات تبيح المحضورات والبنات اللي في المصعد ارواحهم

اهم من سخافة هذولا التافهات

ولا الهانم اللي بتطلعهم بالكرسي انا اول مره ادري انهم يطلعون

محبوسين المصاعد بالكرسي هي بتصيدهم زي السمك ولا كيف

المفروض يدربون مدربات في مثل المواقف هذي يعاونون