الرجاء الرد تكفون

[كتكوتة الحاسبات]

السلام عليكم ورحمه الله وبركاته ...
لوسمحتو الاخوان والاخوات اللي درسو مواد الخطه اتمنى تكتبون انطباعاتكم عن كل ماده ...
Bus233 ,cpis222,cpis240,cpis250,cpis334,cpis370
وشكراااااً....

[صدى الصمت 2]

وعليكم السلام ورحمة الله وبركاته


Bus233
أخدتها مع الدكتور محمد نصيف شرحه ممتاز واختباراته سهلة ويحدد السلايدات اللي تذاكري منها كمان
ياخد أسماء اللي يجاوبوا معاه في المحاضرة ويعطيهم بونس
زودني 6 درجات تقريبا وأنا جاوبت معاه مرة وحدة بس !

cpis370
أخدتها مع الدكتورة نادين (لبناننية) شرحها حلو وتفهم وأسئلتها متوسطة تجيب من الكتاب والإختياري من موقع الكتاب ذاكروه مزبووط لأنه نص الإختبار يجي اختياري دقيقة في التصحيح تختبركم من 40 وتاخد نسبة من الدرجة وهذا يفيدكم في الدرجات


cpis334
أخدتها مع أ.علا شقران عن نفسي ماتعجبني الأستاذة ولا أسلوبها وانخسفت في الفاينل مع انه معظم البنات جابوا درجات عالية

بس ركزي ع اللي تقوله في المحاضرة

cpis250
أخدتها مع أ.سارة خان شرحها حلو وأسئلتها تجيبها نصها اختياري من الست بانك تبع المادة << ممكن تلاقيه في المنتدى أو راسليني عشان أعطيك هو
وتجيب كم سؤال مقالي ورسمات من اللي حترسموها في اللاب

cpis222
أخدتها مع د.لميا الرفاعي راائعة جدا مع انه نص الكلاس ماكانوا يسمعولها لأنها طيبة جدددا وتراعي في التصحيح
الإختبار الأول جابت كله من الواجبات اللي أعطتنا هي وكان كلام نظري بحت
الإختبار التاني انصدمنا فيه جابت كله أكواد
الفاينل كان بعضه أكواد وبعضه نظري


cpis240
أخدت المادة مع أ.وفاء المعاري الأستاذة أخلاقها راقية جدا وشرحها حلو بس دقيقة شوية في التصحيح ونقصتها في البروجيكت :(
بالنسبة للإختبارات
الإختبار الاول كان نظري سهل
بس التاني كان شوية فيه أشياء تلخبط
والفاينل كان متوسط
ذاكري من الكتاب ومن السلايد


نصيحة أخيرة
حاولي تاخدي أسئلة الأترام السابقة لأنه بعض الأستاذات يجيبوا نفسها أو بعض منها

حمليها من المودل
لو ماتعرفيه هو موقع خاص بالكلية
http://fcit.kau.edu.sa/
بعدين ادخلي على E-Archive

أتمنى أكون أفدتك وآسفة ع الإطالة :)

[كتكوتة الحاسبات]

الله يوفقك ويسعدك دنيا واخره
شكرا ياااروحي تسلمين