ايش الفرق بين نظم المعلومات وتقنية المعلومات ؟

[قاهر الاحزان]

انا طبعا باقولكم وش متوفر عندي من معلومات

ان تقنية المعلومات وظايفها جدا جدا كثيره !!! لكن الرواتب جدا متدنيه وتتراوح ما بين 4 الى 6 الاف

وان التقنية كـ(تخصص) اسهل بكثير من النظم !

وطبعا انتظر منكم الردود بخصوص المعلومات عندي

ثاني شي

ايش طبيعه عمل خريج تقنية المعلومات ؟

ايش طبيعه عمل حريج نظم المعلومات ؟

هل مجالات عمل نظم المعلومات كثيره زي التقنية ولا لا ؟

كم رواتب خريجين نظم المعلومات ؟


اتمنى الافاده منكم يا اخوان لاني جدا جدا محتار :(

[Mr.BaMbOcHi]

ياا طيب ..

اول شيء ان النظم اسهل تخصص بالكليه يجي بعده تقنية المعلومات و بعده علوم الحاسب

ثاني شيء بالنسبه للرواتب غلطان اللي قال لك بين 4 و 6 .. الرواتب بين 7 و 12 !

ثالث شيء مستقبل النظم و التقنيه متساوي لان كل التخصصين مرغوبين و بشده

مجالات النظم محدوده .. اغلبها اداريه

التقنيه مجالاتها واسعه و كثيره عندك هندسة برمجيات - تطوير شبكات - هندسة شبكات - امن معلومات و في مجالات ثانيه مو في بالي

هذا اللي عندي .. و ان شاء الله اكون افدتك و لو بقليل

[StrawBerry]

عفوا

مااتوقع ان احد يقدر يقول النظم اسهل او هذا اسهل لو تقارن وتتدقق حتلقى قسم النظم ياخذو كل مواد التقنية ماعدا مادتين تقريبا او ثلاث التخصصين متقاربين جدا ولكن قسم النظم زايدين بمواد الادارة وهذا طبعا ميزة فأحنا ناخ 4 كورسات ادارة قوية والباقي حاسب .. فممكن تقولي كيف تقول انو التخصص محدود بالادارة ؟؟؟!!!!!
بالعكس هو دمج بين الحاسب والادراة ...

وامن المعلومات للمعلومية فرع من فروع نظم المعلومات وليس التقنية ! وهذا شئ معروف

((دام دخلت حاسب لا تدور ع السهولة كلو مستوى واحد دور ع اللي تميل له وتحبه ))

وشكرا ....

[Mr.BaMbOcHi]

اخوي الرسايل الخاصه مو مفعله عندي >>> مشاركاتي اقل من 100

[deathpain]

المشاركة الأصلية كتبت بواسطة strawberry عفوا مااتوقع ان احد يقدر يقول النظم اسهل او هذا اسهل لو تقارن وتتدقق حتلقى قسم النظم ياخذو كل مواد التقنية ماعدا مادتين تقريبا او ثلاث التخصصين متقاربين جدا ولكن قسم النظم زايدين بمواد الادارة وهذا طبعا ميزة فأحنا ناخ 4 كورسات ادارة قوية والباقي حاسب .. فممكن تقولي كيف تقول انو التخصص محدود بالادارة ؟؟؟!!!!! بالعكس هو دمج بين الحاسب والادراة ... وامن المعلومات للمعلومية فرع من فروع نظم المعلومات وليس التقنية ! وهذا شئ معروف ((دام دخلت حاسب لا تدور ع السهولة كلو مستوى واحد دور ع اللي تميل له وتحبه )) وشكرا ....

بس حاب آصحح معلومة لكي وللآخ فوق .. أمن المعلومات هو احد مجالات علوم الحاسبات كما هو الحال مع نظم المعلومات لأنها احد مجالات علوم الحاسب ايضاً ..

وحاب آوضح شي ثاني أيضاً تقنية المعلومات هو مجال مستحدث ( وحول العالم يدرس كدبلوم وليس كبكالوريوس ) .. تخصص نظم المعلومات مو سهل وقوي ايضاً ..

علوم الحاسب هو اساس العلم المتخصص بالحاسبات وتفرع منه عدة مجالات منها أمن المعلومات ونظم المعلومات وتقنية المعلومات ..

جميع الكلام الي فوق انا كتبته وانا مسؤول عنه .. فم قلته ليس مجرد كلام مبني على الاوهام وانما على علم ودراسة وخبرة آيضاً في مجال آمن المعلومات

بالتوفيق لكم

[نارات]

بالفعل الاي تي مجالاته واسعه الحمد لله وهذا اللي ملاحظينه الان كطالبات متدربات .. وبصراحه قد مانشتكي من القسم ونتعب ان شاء الله يجي اليوم اللي ننبسط فيه .. وابتداء من الان عرفنا قيمة قسمنا وتميزه عن بقية اقسام الكليه ولله الحمد

[S.Bn]

شوف انا اللي سمعتوا انو النظم ما لو مستقبل لكن ما نحكم لانو الله هو الرزاق ذو القوة المتين

و للمعلومية الخطوط السعودية ما عاد صارت توظف نظم >> ابويا قال لي اليوم كدا

[Rafo0ofh]

السلام عليكم
كل تخصصات الحاسب متقاربه والفروقات جدا بسيطه
والحمدلله جميعها مطلوبه وظيفيا لان الى الآن عندنا مافي تصنيف في الوظايف
بمعنى انهم يشوفوا انك خريج حاسب ويوظفوك بغض النظر عن التخصص وهادا الكلام اللي قالتلي هوا مديرة لشؤون لتعليميه
لكن زي ما قالولك اللي قبلي النظم معتمده على الاداره و التقنيه معتمده على الهندسة و مكونات الحاسب
وانا بما انه تخصصي تقنيه فوالله الحمدلله التخصص حلو وممتع بغض النظر انه في تعب و صعوبه لكن باذن الله المستقبل مضمون