زاوية شادن وتجارب واقعية ؟؟؟؟؟

[shaden]

مساء الخيرات والفل والياسمين

بعد عدة تجارب لي وقصص سريعة جدا بس مؤثرة قررت أعرفكم عليها

الزاوية الأولى \ قبل ثلاثة سنوات سافرت لأحدى الدول العربية

سياحة وأول مرة نروحلها أتعرفنا على عائلة في نفس البناية مررررة أخلاق وعاداتهم تقريبا زينا فقرر ولدهم شاب انه يكون مرشد سياحي لنا والله كان انسان محترم جدا ومرة كدة جلست أدردش مع عن مشاكل اجتماعية وسياسية وقضايا دينية انسان مثقف جدا فقال جملة أثرت فيه ولحد الان انا مؤمنة فيها وقالي انه دا مبدئي وهي (الي مالوا حظ لا يشقى ولا يتعب ولا حتى يحلم ) تصدقوا صح كلامه وحكالي كم موقف من جد الي مالو حظ في الدنيا بس دايما أقوله الحظ عند الله أحسن
أنا كمان سار معايا كم موقف أمنت بفكرتوا جدا رغم اننا الحمدالله احنا ناس مؤمنين ونرضى بالقسمة
مرة كنت بأشرح درس في حصتي لطالباتي ولازم يحصل شي والحصة حقتي تنتهي من غير ما خلص قلت للطالبات غريبة سبحان الله وحدة طالبة قالتلي شكلو مالك حظ يا أبلة ههههههه ما أنكر جملتها أثرت فية كتير وأفتكرت كل شي مر علية سبحان الله بس ان شالله الي قدام أحسن

الخلاصة \ مو كل شي نتمنا يسير حتى لو كان يسير والانسان لازم يصبر بس للاسف الانسان عجول ولعلها خير


الزاوية الثانية \ قبل اربعة شهور تقريبا لما كنت أشتغل في المستشفى في الفترة الصباحية جاني رجل في الخمسين تقريبا سألني عن أفضل دكتور جراح وكدا يعني وفي نفس الوقت جاء موظف يشتفل معانا بي يوزع علينا مجموعة من الاوراق وهي أعلانات عن بدء فتح أكاديمية تدريس تعمل بعثات للخارج وتحت ادارة نفس المستشفى ومكتوب رسوم الدراسة خيالية الصراحة سألني الرجل يقولي يابنتي شوفي كدا الرسوم مو مرة فوق وكيف كاتبين هدفنا انشاء جيل وووو
قولتلوا تؤمن بالمبدأ والسياسة التجارية ياعمي
ضحك وقلي أول مرة تمر علية بنت في عمر بنتي أعطتني فكرة يمكن أكون سهيت عنها بس جات على بالي صح


الخلاصة \ العمر والسن مو شرط يكون له سبب في الخبرات




وللحديث بقية ...............................................

[you..me]

تجارب ممتعه ومفيدة

نترقب البقية...

تقبلي شكري ومروري

[shaden]

أهلين ومنورة

يسلموو

[سوسن الحربي]

احيانا الانسان تمر علية لحظات يأس بس لازم ما يستسلم هادا مو كلام كتب دا شي حقيقي بعد الظلام يجي النور , وان مع العسر يسرا احلك ساعات يشتد فيها الظلام فبل الفجر بعدها يطلع النور ,بعدين انتي بتقولي انك موظفة يعني الحمد لله حالك ماشي , ان الله عند ظن عبده به . اتمنالك الخير ولا تنسي الدعاء.

[dre]

اهلييين ابلة shaden
كيف حالك وكيف المدرسه معاكي

شوفي يا ستي ,انا برأيي انو الانسان لو يبغا شي
واجتهد انو يوصلو واخد بالاسباب وصبر ,لازم يوصلو
يعني مافي شي صعب على الانسان

اكييييد كل واحد مننا راح يمر او قيد مر
بأوقات يأس في حياته , لاكن مو يعني فشل ,نقول على الشخص
انه فشل في حاله وحده فقط , ادا استسلم

الخلاصة \ مو كل شي نتمنا يسير

وما نيل المطالب بالتمني , صح طبعا

الخلاصة \ العمر والسن مو شرط يكون له سبب في الخبرات

كلام صحيح

وللحديث بقية

واحنا بنستنا D :

[علي العسيري]

واحده لقطتها صح : (((ان فعلا التجاره لا ايمان فيها بالمبادي ء ))) والدليل ان بداية هذا الاسبوع خرج علينا المدير التنفيذي لمصنع حديد الراجحي في الرياض وعلى الصحافه يقول التالي :

ان لابد للحكومه ان تتدخل لكبح جماح انخفضات اسعار الحديد ووقف الاستيراد حتى لاتضطر الشركات لايقاف بعض مشاريعها التوسعيه وقد تتعرض لخسائر ............. الخ

الاخ همه جيب شركته ولم يهمه المستهلك المسكين الي يحلم ان يعمر له بيت يؤويه ويوي عياله وخاصة بعد الارتفعات الخياليه الي حصلت ولس بعدها خايفين من الخسائر !!!!!!!!

اسف للخروج عن النص (( بس هذي الي استوعبتها صح ))

شكرا استاذه / شادن

[shaden]

سوسن الحربي اشكر مرورك الرائع

انا كنت أقصد بمبدأ الي مالو حظ الانسان الي مالو حظ مثلا في الصداقة في امور عادية يمكن

اما عن الوظيفة وكدا مو شرط الواحد يكون سعيد وهو متوظف يعني الحمدالله انا حالي ماشي ماديا من غير وظيفة بس العبرة والهدف يقولوا انه ماينفع أحد أو عضو يكون عقيم وما ينتج في مجتمعه وانا عشان كدا با اشتغل

[shaden]

المشاركة الأصلية كتبت بواسطة dre اهلييين ابلة shaden كيف حالك وكيف المدرسه معاكي شوفي يا ستي ,انا برأيي انو الانسان لو يبغا شي واجتهد انو يوصلو واخد بالاسباب وصبر ,لازم يوصلو يعني مافي شي صعب على الانسان اكييييد كل واحد مننا راح يمر او قيد مر بأوقات يأس في حياته , لاكن مو يعني فشل ,نقول على الشخص انه فشل في حاله وحده فقط , ادا استسلم وما نيل المطالب بالتمني , صح طبعا كلام صحيح واحنا بنستنا D :

يا مرحبا والله بالمهندس dreمنور والله الحمدالله كلو تمام

بصراحة دايما كلامك يقنعني يسلموو على ردك

بس ألله يقوينا ان شالله ونحقق الي نبغى يارب

[shaden]

المشاركة الأصلية كتبت بواسطة علي العسيري واحده لقطتها صح : (((ان فعلا التجاره لا ايمان فيها بالمبادي ء ))) والدليل ان بداية هذا الاسبوع خرج علينا المدير التنفيذي لمصنع حديد الراجحي في الرياض وعلى الصحافه يقول التالي : ان لابد للحكومه ان تتدخل لكبح جماح انخفضات اسعار الحديد ووقف الاستيراد حتى لاتضطر الشركات لايقاف بعض مشاريعها التوسعيه وقد تتعرض لخسائر ............. الخ الاخ همه جيب شركته ولم يهمه المستهلك المسكين الي يحلم ان يعمر له بيت يؤويه ويوي عياله وخاصة بعد الارتفعات الخياليه الي حصلت ولس بعدها خايفين من الخسائر !!!!!!!! اسف للخروج عن النص (( بس هذي الي استوعبتها صح )) شكرا استاذه / شادن

أهلين استاذ علي

مداخلتك رائعة اشكرك ومنور صفحتي

[H@nEEn]

نستنى تجاربك التانيه ياقمرر :)

اامم بالنسبة للحظ مو دايما يعني احس
لأنو زي ماحظي مايل في اشياء تانيه ,,اكيد ماشي في اشياء اخرى :)


تحياتي لكـ