ياليت تفيدوني

[mohammed barasyn]

كيفكم ان شاء الله طيبين


باقي كم اسبوع وتغلق السنة التحضيرية بخيرها وبشرها ان شاء الله لاكن حبيت اسألكم
انا بصراحة من سكان مكة ويوميا مكة جدة صعبه
بالتالي قررت اني انقل مكة هندسة بعد السنة التحضيرية ياليت تفيدوني هل يقبلوني ويعادلو الرياضيات والفيزياء ولا اعيدها من جديد
لاني بصراحة في جامعة عزوز مني مكمل مشوار وتعب عليا مرررررررة
ياليت تفيدوني وجزاكم الله كل خير

[3zzouzz]

والله ما اظن يا عسل
الا لو عندك ( واو ) قوي جدا جدا جدا ، احتمال تحصل
في الظروف العادية مستحيل ، وروح اسأل بنفسك وشوف
اعرف حالات مشابهة لك لكن طب مو هندسة وما انقبلوا وفي
واحد بس حول طب من مكة لجدة بسبب دكتور ( استقعد له ) في ام القرى
والولد سنة 5 يعني اللي بقي اقل من اللي راح وكان لازم يشوفوا له حل وتم تدبير
واسطة كبيرة في جامعتنا الموقرة ( احتفظ باسمه ) ساهم شخصيا في نقل الولد !!
=====================================

عندي لك حل يريح الجميع ، خليك زيي
انا كنت عارف انو البهدلة دي كلها لا بد تسير
وانا من مكة ، لذلك سكنت في جدة ما ارجع البيت الا نهاية الاسبوع فقط
اسكن في جدة انت كمان ، لو تقدر تستأجر لك شقة او غرفة خير وبركة
لو ما تقدر في سكن الطلاب مرة مناسب !! انا شخصيا عايش في السكن
ومرتاح الحمد لله

[mohammed barasyn]

والله خوفتني بردك
لانو واحد يقربلي في الهندسة حلو
ويعرف مدير الهندسة الي بمكة كلمو وقلو نعادلو الرياضيات والفيزياء والمواد الي نبغاها

واذا جات ع المطلوب نقبلو
وتبى الصراحة انا ابى مكة ما ابى اكمل في جدة

[Soul Evil]

اخوي تعب

انا في شمال جدة من الجامعة للبيت 45 دقيقة اذا ما وصلت ساعة

ونص الطريق زحمة وقرف كل خوياني زي كدا والي في مكة اريحلو مرة

ترانها جامعة انا في البداية زيك قرفت مررررررررررة لكن خلاص تعودت

لازم امشي قبل ما تبدأ المحاضرة بساعة وربع < عشان اضمن اوصل بدري

انت برضو نفس الطريقة وبالعكس طريقك افضل لانو ما عندك زحمة مرة

هو كلو خط تمسكو من 30 دقيقة الى 45 دقيقة فا صراحة ما اشوف انك تمشي

وعلى حسب علمي مافي معادلة مواد في نص الدراسة زي ما قلتلك عااااااااااااادي

جدا حس انك اخدها تمشية صدقني حتمشي معاك لو كل شوية كررت خلاص حترسخ في

عقلك انك ما تقدر وبس :)