تخدير ابا ارأكم واقتراحاتكم لوسمحتو

[Dr.Passed]

السلام عليكم ورحمه الله وبركاته ورضوانه

ياجماعه و الله الموضوع دا مره يهمني
انا حاسوي عمليه قريب بإذن الله

مره خايفه من التخدير بشكل ماتتصورو
انا عندي ماضي معا سيئ جدا
اول مره جربت التخدير الكلي دا
نفس السائل الي يحطو يالطيف مره تقيييل وكثيييف كده كأنو لبن ولمن يدخل العرق مره يوجع الموت امكن ارحم و انا عروقي مره مره مرررره صغيره وضيقه ماتتحمل المحلول او الي هوا دا حق التخدير وعذاب كان صريخ عمري ماصرختو في حياتي و الله العظيم زي الي باتشنج من الألم الين ما افقد الوعي وانا على دا الحال كده احس انو يمشي في العرق و يقطع عروقو في طريقو لقلبي زي السكاكييين وباااااارد كل دا بيسير جو العرق المسكين دا

لو اشرحلكم الألم لبكره ماحتتخيلو كيف الإحساس و الله مره ما ابالغ اسألوا اي احد زيي مجرب وعروقو كده هادا تعزيب =(
مره يعور هادا الشي الي يحطو يشنج من الألم.

ابا اعرف في شي بديل؟ في انواع هوا؟ ممكن اطلبو من الدكتور ؟ في اي شي اسوي عشان ما امر في المأساه دي مره تانيه؟؟ مره خايفه

انا مره شايله هم بس افكر =(
في احد هنا في التخدير انا عندي اشياء كتيره اسأل عنها

تاني شي هيموجلوبيني شويه نازل انا باخد حبوب حديد دحين عشان مايضطرو ينقلولولي دم يمديني صح ؟ اسبوع ونص ؟؟