توتي كااافي .....مع ....؟

[shaden]

مساء الخيرات على الجميع والله اشتقنالكم قد الدنيااااااااااااااا

زي ما انتو عارفين مررررررررة مشششششششغولين مع النهائي والأسئلة والدرجات والمناحلة

مع الهوانم الي لسة ما اختبروا الله يعيننا بس

صراحة قررت أنزل موضوع هو عبارة عن حدث حصل يوم الثلاثاء الوافق 1\2 \1430

طبعا كالعادة روحت الصباح للمدرسة وأنا جالسة على مكتبي على الساعة 8.40 دقيقة جاني نداء من الادارة تحت المعلمة شادن أنزلي للإدارة ضروري قولت أكيد جات الموجهة

نزلت لقيت المساعدة تقولي أبلة شادن عندنا رحلة اليوم للفصل الي طلع مثالي وطالبين يروحوا كوفي

وطالبينك بالاسم تروحي معاهم أنا صراحة أستغربت قولتلها ليش أنا قالتلي يقولوا انك مرررة صاحبتهم ومستودع اسرارهم انتي ويبغوكي تطلعي معاهم

قولتلها على شرط ماأطلع لوحدي معاهم قالتلي اووك

لسة انا ما اعرف فين الرحلة على بالي الشلال ولا اي شي تاني نزلناهم ونزلنا معاهم وانا تحت في الادارة بوقع على خروج قولت للمشرفة هوما فين رايحين قالتلي توتي كوفي

أصيبت بحالة من البرود قولت اكيد حياكلوا بس ويشربوا قهوة

وصلنا الحمدالله دخلنا قولت اكيد متفقين مع الكوفي انه بس احنا الي حنكون في محا يجي أحد غريب

جلسنا على الطربيزة بدأو يطلبو معسلات وطلع الدخان أنا قولت لا كلو الا كدة قالولي اتصلي على الادارة يا ابلة شادن

اتصلت كلمت المساعدة قولتلها يبغوا يعسلوا قالتلي (ايوة عادي انا عندي خبر اساسا يا ابلة شادن هوما روحتهم عشان كدة قالتلي ليش حتعسلي معاهم ضحكت ضحكة غريبة قولتلها لا انا طموحي دخان
ههههههههههههه طبعا ضحكت على هبلها )

للأسف كنت معاهم وشوية شوية هلوا الناس والحبيبة كل واحد مع اهلو ولا صاحبته والله مني عارفة

طبعا خرجناهم بالقوة على الساعة 1ونص الظهر هههههههههههه أمانة ايش رأيكم

[فااارس]

أنتِ أستاذة في أي مرحلة دراسية ؟

[shaden]

ثانوية طبعا لأني اساسا أدرس

تانية ثانوي وثالث ثانوي علم نفس وعلم اجتماع

[القمر جانا]

اسمحيلي اقول... ايش الاداره الفاشله هذي اللي تساعدالبنات على الفساد ؟؟ وبعدين ما صارت مدرسه هذي اللي تسوي رحلات على الكوفي شوب....على كذا ليش نقول الجيل فاسد اذا الاداره التعليميه براسها فاسده ...

[نغم الحياه]

يا الله
لهذي الدرجه
.......

الله يعينهم على الذنب اللي أخذوه
لأنهم خلوا الطالبات يسووا كذا

.....

الله يهديهم

.. والله صدق اللي قال
بنات آخر زمن ..

لاحول ولا قوة إلا بالله

[shaden]

للأسف هو دا الجيل الجديد

الله يهديهم بس ويصلحهم

انا الي قاهرني ياجماعة الادارة

[عطلجية]

رحله للفصل المثالي وقعدوا يعسلوا

اجل لو كان للفصل المشاغب والبنات اللي خبرك اش ممكن يسوون

[روح البنفسج]

الله يعينك على ماابتلاكي بيه ربنا

ونصيحة لا عاد توافقي على رحلات زي كدا ترى وربي مصاااايب

واذا صار شي لوحدة من البنات ماراح يتعلقو الاهالي الا برقبتك

[shaden]

لا لا تخافوا علية قبل الرحلة خليت كل وحدة تتصل على أهلها من تيليفون المدرسة انهم موافقين على الرحلة

عشان الواحد يتأكد بس وفي مجموعة طبعا ماخليتها تروح عشان اهاليهم ماردوا على تيليفون قولتلهم سوووري

حاترجعوا

[shaden]

وطبعا قدمت ورقة اعتذار من توقيع بابا للمديرة انه بعد كدة أنا محا أروح رحلات