معلومات عن القسم ؟؟

[roroo]

السلام عليكم و رحمة الله وبركاته

والصلاة و السلام على أشرف الأنبياء و المرسلين سيدنا محمد و على آله وصحبه أجمعين

أما بعد :-

أنا الأن منتهي من السنة التحضيرية و لله الحمد و بإذن الله سوف أبدأ مع بداية الترم الثاني بالتخصص
فهناك ثلاث تخصصات محتار بينها , وهي الإقتصاد و الإدارة العامة و العلوم السياسية .
فياليت أحد يفيدني أكثر عن قسمكم هذا وهي من ضمن التخصصات الثلاث من جميع النواحي دراستها مستقبلها موادها :)

و تقبلوا تحياتي ,,

[احلاهم واتحداهم]

اداره عامه وظائف حكوميه وعدد الخرجين كثير
اقتصاد تتوظف في كل مكاان حكوميه او خااصه وعدد المتخرجين مرره قليل
والحين بدا الاحتيااج له يزيد
علوم سياسيه ماااعرف عنه
تبغى معلومات تفصيليه عن المواد والمسارات ؟؟

[Jeddah Glamor]

الاقتصاد ..

شهادتي مجروحه طبعا .. لأنه حولت للتخصص برغبه ..


كتبت من فترة موضوع عن القسم

http://www.skaau.com/vb/showthread.php?t=108580

وبضيف لك كمان ..

بالنسبة للقسم .. مو سهل .. لكن ايش في الدنيا سهل ..؟!!

وتعودت أقول حتى النوم مو سهل .. أحيانا بيصيبك أرق وما تقدر تنام لو تفحط ما تغمض عينك ..

لو الشي يجي بسهوله .. بيروح بسهوله


لكن صعوبة القسم .. نسبية ..

مو صعوبة مذاكرة .. واختبارات

إنما صعوبة استيعاب للحياة الواقعية ..

للأسف كثير يعتبرون هالقسم .. وهمي

وهو فعلا .. دراسة وهمية لحياة واقعية << صعبه تستوعب العباره .. لكن بمجرد تدرس مواد التخصص بتحسها عباره توصف حالتك ..





من ناحية المواد .. لو أنت شاطر في الحفظ .. تمشي

لو أنت شاطر في الفهم .. تمشي

بس الحفظ والفهم تعتمد على نقطة مهمة ..

الاستيعاب لكل معلومه .. في كل محاضرة على حدة

يعني لو يوم غبت عن محاضرة .. محتاج أنك تجلس وتفهم المعلومات اللي فيها .. مو عشان الاختبار .. عشان تستوعب التخصص كله ..




الاختبارات .. تتفاوت من أستاذ لآخر

لكن في الغالبيه العظمى .. ما تلاقي عندك كتاب تمشي عليه

تعتمد بالأول والأخير على محاضرات الأستاذ / الأستاذه









عشان تتعرف على القسم .. أو التخصص

لازم تتعرف على الوظائف المحتملة ..

وظائف بمسمى " محلل اقتصادي " يعني لو ارتفعت معدلات البطالة ( على مستوى قومي - اقتصاد كلي ) أو مثلا خسر مصنع ( على مستوى جزئي - اقتصاد جزئي )

تقدر أنت تشرح أسباب هذا الارتفاع في معدلات البطالة / خسارة المصنع ..

وتقدر تعطي حلول .. لتفادي مثل هذه المشاكل .. ولكن وقتها ما تكون محلل .. تكون " مستشار "



من أشهر الوظائف الحالية للاقتصاديين ونشوفها بكل مكان ..

تلاقي لوحة مكتوب عليها .. شركة --- للتطوير العقاري .. << الغالب فيها الاقتصاد .. لأنه عندك موارد ومحتاج تستخدمها الاستخدام الأمثل لتشبع حاجات العملاء ..

شركات إدارة الأصول ..

ومكان مررره مهم وجاري تفعيله .. جمعية حماية المستهلك .. بيكون الاقتصادي .. يعمل لصالح المستهلك ..

يعرف ايش احتياجاته ومقدار دخله .. ويطالب بحماية حقوقه ..




المجال الوظيفي .. بدأ في الاتساع بمعدل كبير

بدأت عقلية البشر في التحسن ..

أول ما طبوا البشر في الأسهم .. يشتري ويبيع على عمى ..

لكن الآن صاروا يطلبون خدمات استشارية من البنك أو من شركات منفصلة

سواء في أصولهم المالية أو العينية




أنت شاب .. عندكم تخصص " اقتصاديات دراسة جدوى "

للبنات ما انفتح للآن ..

هذا التخصص .. مربح .. ومهم .. وناجح .. وسوقه ماشي بقووووه

يمكن مر عليك .. واحد يبغى يفتح مشروع .. وقالوا له روح خذ تمويل ..

من أهم الأشياء اللي يطلبها الممول

دراسة جدوى

أرخص دراسه .. اللي هي المبدئية

بتكلف فوق الـ 2000 ريال

وفيها بس .. أهمية الموقع .. ومدى نجاح المشروع نظرا للمنطقة .. والتكلفة ونوعية المنتجات .. وأشياء يعملها ولد بأولى ابتدائي ..

يعني لو عندك أرض .. وخليتها ملعب .. أذكى استثمار أنك تفتح كشك يبيع سندوتشات ..

ما لها داعي دراسة جدوى .. وكلام فاضي

وبالأخير تعملها وأنت مجبور بـ مبلغ وقدره



وطبعا هالتخصص أبعد من الدراسة المبدئية

لكن طرحت المثال فقط للتوضيح


فيه دراسات تنعمل عشان تطوير منشأة .. أو زيادة فروعها .. بحيث ما تحقق خسائر

والدراسات ممكن تكون للخدمات .. التطوير الصحي .. الرياضي ..

ومن الرياضي .. نفتح لوحة كبيرة ونكتب عليها الاستثمار الرياضي ..

وهذا شي بالسعودية بالذات نشوفه بوضوح ..

نسبة ضئيلة بالمملكة ما تهتم بالرياضة وخصوصا كرة القدم

والغالبية متعصبة رياضيا



مجال الاقتصاد هنا حيوي جدا

لأنه يعتمد على مستهلكين .. يعشقون كرة القدم

وبالتالي إغرائهم سهل

والاستثمار في الرياضه مربح

وبالتالي ينجح الفرد كاقتصادي .. في مثل هذه الخدمات






راح أطول بالكلام

لكن أتمنى تكون انجذبت للقسم

[shosho sm]

انا عن نفسي ما كنت ابغى اقتصاد وكنت ابغى ادارة اعمال بس معدلي ما سمح اني ادخل ادارة اعمال
بس الحمد لله اني دخلت اقتصاد وربي اختار لي الافضل
الدراسه حلوووووووة مرة هو صح فيه صعوبه (اصلا مافي شي يجي بالساهل) بس الحمد لله والشكر لله اني دخلت اقتصاد لان كل شي من الحياه وتتعلم اشياء ماكنت تعرفها
هذا رأيي الشخصي وبالتوفيق

[انثى لامثيل لها]

....up....