هات الوصف ! (نسخه للإداري)

[ls3t shqawah]

السلامو عليييكم ..

ده مثل موضوع ابو هيما في القسم العلمي شفتو وعجبني وحسيت فيه افاده وقلت ننقلو هنا على شان احنا بعد نستفيد من بعض ,,,

فكرة موضوعو اللي هي : انو كل واحد فينا يكتب اهم النصايح للخطه اللي كان فيها وايش اللي اكتشف انو كان لازم يسويه وايش الصعب وايش السهل وايش الجميل وكل شي فيه فائده

..

خطتي كانت أ وده الوصف لكل ماده :

الحاسب : سهل جدا جدا ما كنت اذاكرو بس اقرأه عل سريع حتى اختبار من الاختبارات رحت وانا ما فتحتو ولا ادري عنو شي وجبت درجه حلوه على شدة اهمالي فيه ( 82 ) بس لا تغلطو غلطتي انتبهو ذاكروه ولا تهملو فيه لانو يرفع المعدل ويقدر ينزله وهو كماده مساعده ذاكروه ذاكروه وجيبو فيه 100

الرياضيات : سهل والدروس كلها دروس المتوسط بس مهما ذاكرت الكتاب كلو وانت واثق انك فاهمو كلو بتنصدم من حلك انو بيطلع غلط وقت الاختبار لييش ..؟ لانك ما مرنت يدك اول شي في الرياضيات ذاكر القاعده وخذ مثال عليها وبعد ما تخلص حل تماررين مرن يدك لازم اليد تتمرررن المره الاولى قبل ما اعرف دي الطريقه كانت درجتي مش ولا بد وبعد ما عرفتها مرنت يدي وسرت احل تمارين جبت درجه مره حلوه الحمدلله في الثاني ..

العربي : دي الماده المتعبه هنا هههه الماده دي ايش مشكلتها ان الدروس سهله با اسهل ما يكون بس الاسئله صعبه با اصعب ما يكون تلخبط لازم لازم تركيز ولازم في المذاكره تفهم القاعده مثل اسمك وعند كل سؤال في الاختبار اكتبو القاعده كامله ولما تذاكروها ذاكرو القاعده اول شي بعدين طبقو عل امثله وبعدين شوفو في الشرح اللي تحت اذا صح تطبيقكم ولا لا وحل التمارين اللي ورا والاهم شوفو نماذج اختبارات وريح يمشي الوضع تمام لو سويتو كده ورح تحدو اسئلتهم وبتجيبو درجه كامله ..

الثقافه الاسلاميه : الماده جميلللله مررررره من جد امتع ماده واحلى ماده صح مذاكرتها متعبه جدا خصوصا اني كنت احفظها حقظ ما اقرأها >> مجنونه ههه
بس تجيب نتيجه في حل الاسئله الحمدلله جايبه فيها الدرجه الكامله في الدوري

وبس ده كل شي مع دي المواد .. اكتبو انتو على شان خطه ب يستفيدو من كلامكم كمان ..

واللي في خطه ب افيدونااا .. ويا ليت تقولو لنا ايش تكاليف مهارات الاتصال على شان نسويها في الاجازه ونجهزها كامله بما اننا فاضين ..


.. وبالتوفيق للجميع : )

[غرام الطفوله]

مووضووع جميل ومفيد انا راح اتكلم عن تجربتي طبعا انا خطه أ

الرياضيات كانت طريقه مذاكرتي فيه احفظ القاعده واطبق عليه تمارين

وافهم طريقه تكوين السوال وكيف شكلها جبت في الدوري الاول والثاني درجات مطمنه بس في النهائي

خرب كل التعب ويمكن انجح ع الحافه اهم شي في المذاكره للفاينل الرياضيات تكون مركز وحافظ القاعده

لانو مافي وقت للتفكيرر كله 90 دقيقه 40سؤال يعني كل سوال دقيقتين وكم ثانيه

العربي سهل لابعد الحدود اول ماتذاكره تقول بتجيب فل مارك واذا جاء الاختبار تنصدم من الاسئله اللي

جاتك الشي الليً يضحك في وقت الاختبار اول ماتشوف السوال تقول سهل واذا شفت الاختيارت تجيك صاعقه هع لازم تحفضوووووووووووون القاااعده زي اسمك ولا راح تضيع ولازم تشوفون نماذج سابقه
الحاسب اسهل ماده في خطه أ بس اللي بيضمن درجات كامله في النظري مايعتمد ع الحفظ لازم يطبق
ع الكمبيوتر وابشررره بدرجه الكامله

الثقافه مايبغالوو لو قريته بتجيب درجه حلوووه كيف اذا حفضته الدرجه الكامله باذن له

[Sara.F]

فكررررهــ مرراااا حلوووه ..تسلمي لسوووعه..



انا خطه أ

الحاسب / اهم شي في العملي تتدربو على البرامج اول بأول و الكتاااب مرا كبير يعني في النظري اقرأو بفهم مو تحفظوو و اهم شي في الحاااسب تحفظو الصور لان اغلب النظري تجي الصور..


الرياضيااات / سهل بس يبغالو مذاكره اول بأول لانو مرا ما يمدي تذاكرو الماده قبل الاختباررر بكم يوم ...


الثقاااافه / مراااا سهل بس مرا كتيررررر يبغالو قراه بفهم و خلاص



العررربي / الدروس مرااا سهله بس الاختباراااااات سيييييييييييييييييييييييييييييييئه جداااااااا و الخيارات كلها زي بعض فرررق بسيط بين كل خيار و خياررر و احيانااا ما تلاحفظوو الفرق كرررهت العربي صراااحه رغم سهولة الماده

[ddd2009]

خطة (ب):
مهارات التفكير والتعلم : بالنسب لي أصعب مادة بالخطة دي أول ماتشوفوها بتقولو سهللة بس مذاكرتها صعبة خصوصا للنهائي بس الأسئلة تجي سهلة مره امم نصايحي لا تستهينو بيها ذاكرو المادة بشكل دوري يعني كل ماتخلصوا فصل راجعوه أول بأول كمان يعتمد عالدكتورة دكتورتنا تنوووم كرهتني في المادة والمذكره كئيييبة بس يقولو راح تتغير الترم الجاي يعني ياحظكم
الإحصاء : سهلل بس النظري اللي فيه صعب شويه يباله مذاكرة أسبووعية وحل تمارين بالقاعدات وتكتبو ملاحظاتكم في المحاضرة وتذاكرو منها لان بعض القاعدات اللي تكتبها استاذتنا الرموز تختلف عن اللي بالكتاب اممم راح تخرجو من الاختبار وانتو ضامنين درجات حللوة وتتصدمو بالنتيجة بعدين عشان كذا ركزو ولا تستهينو بيها
الاتصال : مرره سهل داكرو كووويسس قبل الاختبار باسبوعين عشان اذا فهمتوا بالمحاضرة مايحتاج اجتهاد كثير ^__^ بس نقصت بالدوري درجتين عشان داكرتو اي كلام والتكاليف كلها عليها 30 درجة يعني لا تستهينو بالتكاليف وبعضها راح تسوها مجموعات يعني اختارو ناس حريصة لان الدرجات عالمجموعة مو عالافراد وراح تحاسبكم على ادق الاشياء في التكليف
طبعا دي طريقتي وناسبتني ومو شرط تناسب الكل يعني خذو بس فكرة ونصايح بسس الباقي انتو راح تعرفوه اذا درستو

[غيم الصباح]

احم احم انا خطة ب
اول شي ببدأ بالاحصاء الاختبار الدوري الاول اللي هوا في الثلاث الفصول الاولى اغلبها حفظ حاولي قد ماتقدري تجيبي اعلى درجة فيه لأن الدوري الثاني مرا صعب وكلو مسائل
والقاعدات تجيكي في الامتحان جاهزة انتي بس عوضي
واذا جا الاختبار النهائي حيقولولكم اغلب الاسئلة من الابواب الاخيرة . بس انتوا طنشوهم الاسئلة جات من كل الفصول ماركزوا ع فصل معين .
:::::
مهارات الاتصال تكاليفوا سهلة مايحتاج من الحين تشتغلي عليها
وهيا ستة تكاليف كل تكليف عليه خمسة درجات << هيا سهلة بس مصيبة ان الدرجات في يد الاستاذة تذلك عشان تاخذيها
وفي المذاكرة يبغالوا حفظ وفهم والاسئلة تجي واضحة ماتجي من بين السطور
:::::
مهارات تفكير غيري يفيدك لأن انا عادلولي المادة فما درستها
:::::
الخلاصة حاولي في خطة ب ترفعي معدلك كثييير لأن في بنات كثير من السنوات الماضية قالوا خطة ب سهلة وحنفلها واخر شي طاحت معدلاتهم .
وربي يوفقنا ويفتح علينا

[R..]

أنــا خططة أ ..

وم قصروا البنــات

[Ema..]

موووضوع جميل

انا خطه (ب) :
الخطه بشكل عام ماهى صعبه تقدرو تقولو متوسطه
نجي للموووواد
1- احصاء : الصراحه ماده حلووه وانا احبها بس يبالكم تمرنو يدكم على القوانين طبعا اكترالقوانين مرفقه في الاختبار
الدورى الاول : حلوو كان اغلبو نظري سهل بس بعضو يبالو فهم وحفظ كمان لازم تركزو
اما الجزء المسائل سهله الصراحه لو مرنتو يدكم وذاكرتو تمام حتجيبو درجه حلوه ..
الدورى التاني : اكتروو مسائل وقوانين يعنى يبالو تمرين على اليد كان حلو الصراحه و كمان فيه جزء خفيف نظري يبالو فهم
درجاتي فيهم مرتفعه بس للاسف نقصت فيهم بس كم درجه بسبب الجزء النظري
اكره الحفظ والكلام
النهائي: الاسئله جات متنوعه من كل الشباتر بس احس ركزووو على الشبترين الاخيره
خلينا في شبتر 7 و 8 الصراحه يبالهم مذاكره مضبوووووطه وتمرين يد لازم تحلو تمارين عليها وتعرفو كيف حتكون الاسئله عليها في الاختبار
لانو انا تنحت في كم سؤال بسببهم امكن انقص وكمان ماذاكرتهم تمام

.................

2- التفكير : ماده دمهااا ثقيل يبالكم تذاكروها اول باول لانها كلامها كتير وحفظ وفي اشياء تلخبط تلخبط يعنى لو ماتركزو كويس في الاشياء ممكن تخبصو في الاختبار
الدورى الاول و الثاني : الاول كان حلو . اما الثاني حسيتو شويه يبالو تركز لانو يلخبط < وعدم تركيزي نقصنى فيه 5 درجات انصدمت دائما اغلاطي في الصح والغلط ودي يبالها تركيز
الاختبار النهائي : حتنصدموو سهل جدا اسهل من الدوريات معنو شامل الكتاب كلو .. جات الاسئله متنوعه من الوحدات جبت فيه 39 من 40 .. غيرت شويه طريقة مذاكرتي .. كنت اركز في الاشياء مضبوط واللى مااقدر احفظو افهمو واجلس اكتبو الين احفظوو < دي الطريقه حلوه مره وعملتها في كل المواد في النهائي
............

3- الاتصال : دي الماده احبهااا انا نفس طريقه التفكير .. يبالها تركيز وحفظ وفي اشياء بفهمك
طبعا لها بس اختبارين دورى اول : كان سهل وجميل جداا
الدورى النهائي : الكتااااااااااب كلو كان سهل برضوو الصراحه وحسيت ركزو جابو اكتر من سؤال على الوحده الاخير اكتر من غيرها
و 30 درجه تكاليف من واجبات و ممكن بوربوينت وتعملو مجموعات ...
بس زي ماقلتلكم التفكير والاتصال مواد يبالها حفظ وفي اشياء فهم كمان وووووو تركيز لانو في تشابه في اشياء
شئ كان نفسي اسويه انى اذاكر اول باول درس بدرس وبطل اهمل << تجيني حالات اهمال فجأه و لو كنت اعمل كدا كنت جبت علامات كامله بس الحمدلله

[آخر النبلاء]

وعليكم السلام والرحمة..
خطة ب:
1- الاحصاء: تعتبر أقوى ماده في الخطة لأن بقية المواد نظرية فقط.
هي ماده بسيطة إن أردت ذلك، وصعبه أن أردت ذلك.. أنت و انتي
من تحددوا مستواها، فالجانب النظري فيه اختلافات يجب معرفتها للتمكن من الحل
بأي مثال آتى به، والجانب التطبيقي يحتاج إلى وضع المعطيات فالقانون وإخراج الحل
ونتيجة الحل هل هي طردية،أم عكسية، أم طردية قوية أو طردية متوسطة وهكذا.
فالإحصاء يحتاج إلى تعويد الحل فقط، لأن القانون موجود والمعطيات غالبًا ما تكنّ موجودة.
فهي مادة أكثر ما يحصل فيها الغلط بالجانب النظري.
والحمد لله 87، وكنت متوقعها لأن ب الاختبارين 24-23 وأكثر الأغلاط تافهة وبالجانب النظري.
والنهائي 39، والخطأ بالجانب النظري أيضًا.
والدكتور: شوقي أحمد. مصري:
من ناحية الشرح ’تلحق ما تلحق‘ وأي سؤال يلبي به
لا يهمه الصفوف الخلفية سوى بإعطائهم بعض الكلمات الجارحة
التي يصحى لها الضمير، يهتم بالطلاب المتميزين والذين أتوا للشرح فقط.
يأتي بأسئلة الاختبارات الشهرية السابقة مع كيفية حلها لأنها هي مماثلة للاختبار الدوري.
فأنت استطعت تكملتها وحلها فلن تقل عن25.
وطريقة حساب الدرجات هي كالآتي:
اختيار أفضل درجة من الاختبارات الدورية + الاختبار النهائي.

2- التفكير:
مادة نظرية مفيدة لتنمية مواهب أبداعك، تتحدث عن تفكير الناقد،المبدع،بداية التفكير،طرق حل المشكلات.
كلام عميق تغوص إليه لتفهمه فقط، وما يأتي بالاختبار هو رؤوس أقلام فقط.
البروفيسور: حسن السريحي، سعودي.
طريقة شرحه محاضره تقليديه ممتعه إن كنت تعيش أجواء الكتاب، تأتي بالنوم إن كنت خارج التغطية.

3- الاتصال:
مثل سابقتها فهي مادة نظرية فقط، تتحدث عن طريقة التواصل مع الذات،الشخص،الآخرين،المجتمع
وتتحدث عن الاتصال غير اللفظي كتعبيرات الوجه واليد والعين.
في الحقيقة هيا أشياء نفعلها باستمرار ولكن لا نعلمها.
مادة بسيطة جدًا 30دوري أول،30تكاليف،40نهائي..
والحمد لله 92، وأعتقد الاخطاء كانت فالتكاليف.
الاستاذ: رجاء الله السلمي، سعودي.
طريقة المحاضرة التحاورية مع الآخرين لا ينظر إلى المقرر
إنما يطبق المادة في اتصاله غير اللفظي واللفظي مع الطلاب
فهوا ينقل المادة نظريًا وتطبيقيًا.

باختصار خطة من بدى بها تعتبر بداية قويه، ومن لم يبدأ بها تعتبر مجال للتعويض فلا تفوتوها.
ولا تخشوا من شيء سوى من يستصعب خطة أ أو ب، لأن كل شخص يتحدث وفق عقليته
وربما لم يكن مجتهد، أو لم يعطي المادة حقها، أو لم يتوفق بالمادة.
فإن أردنا تبسيط الأمور فإنها تتبسط، وأن أردنا تصعيبها فسوف نراها كذلك.
و
أتمنى تقيم الدكاترة لأنصافهم فقط.

[لجين@]

السلام عليكم ورحمة الله وبركاته...

اسعد الله مساكم بالخير ..


كنت بكتب هالموضوع بس سبقتوني على العموم بجاوب واتمنى فيدكم حبايبي

طبعا بتكلم عن خطة أ خطة أ موادها كثيرة 5 مواد مع الانقل ش

بتكلم بإختصار ...

الرياضيات :
ماده كثير بنا يتحطمون منها وبنظرهم متعبة فـــ
1- خصصو يوم الخميس او الجمعة عشان تذاكرو الدروس الي اخذوتوها في الاسوبوع يعني تكون درسين او ثلاثة واذا كان عندكم اشكايه ف الدرس اسالو عشان مايتراكم عليكم

2- في بنات بيستعينو بمدرسات خصوصيات انا اشوف مافي مانع الوحده تدرس عند مدرسة طالما انها تقدر على هالشئ.



واطلعو على النماذج السابقة جدا مفيدة



العربي :


العربي احس انه كله مراجعة لماسبق دراستته مع الاضافة مثل العدد ونائب الفاعل والي شاطره

فيه من الثانوية بيسهل علليها والي من جنبها الله يعينها تهتم فيه اكثر

1- اغلب االاستاذات بيلخصو الدرس على السبورة اشوف من المهم يكون عندك دفتر للتلخيص

2- عند المذاكرة لازم تكون بتركيز واحرصي انك تجيبي في الدورياتت علامات عاليه حتى تتفادي الرسوب

3- اطلعي على النماذج السابقة والله تستفيدي بشكل كبير حتى مولازم تطبعيها لوتقرايها


الثقافة:

كلامه كثير كثير ><

وانتبهو من الغيابات فيه عشان اتنحرمون من الممادة

1- عند مذاكرة الثقافة ركزي على العناوين الرئيسية والفرعيه هيا الي تجي منها الاسئلة
اما الكلام داخل العناوين الفرعية يجي بس موكثير


2- احرصي انك تتذاكريه بجد وتلخيص ف الدوري عشان لما تجي ف النهائي تكوني ملخصته


الحاسب :

مادة جدنننننن سهلة وهيا فرصة لكل الطلاب لرفع المعدلا ت لن ندرس بر امج نوعا ما سهلة


1- احرصي انك تركزي مع الاستاذه ف الشرح والتطبيق العملي


2- لاتخلي اي احد يطبق عنك او يكملك عشان يوم الأختبار تكوني متذكرة الخطوات العملية

3- مذاكرة الحاسب العملي هيا بالتطبيق على الجهاز واحرصي ان يكون عمدك برنامج الاكسس والاكسل على جهازك للتدريب

4- اما النظري يكون الكتروني وكل واحدد هواوحظه بالاسئلة ^^



واخيرا اتمنى لكم التوفييق ولاتتهاونو في هذه الخطة

ولااازم

قبل الاختبارات النهائية حاولو تختمون لونص المنهج عشان ترتاحو ولاتظغطو نفسكم

في يوم الاختبار .

وكمان حاولو تجيبون درجا ت عاليه في الدورية تكون اعىلى من درجة الرسوب الي هيا 35 ف الدوري اظن

عشان لماتذاكرو للنهائي تضمنو النجاح

وانتبهو على جداولكم وشوفوها بنفسكم لاتاخذون من احد ^^

معلومة صغنونة ^^


الي حاب يتخصص اعلام لازم كون درجته في مادة مهارات التفكير 80 فمافوق


اتمنى افدتكم ,,,

موفقين

[ls3t shqawah]

تسلمو يا حلوين على تفاعلكم ..

لجين حابه اقولك سألت في قسم الاعلام بنفسي انا قالو لي في العربي لازم تكون 80 وفو وفي الاتصال 80 وفوق مو التفكير
بس يقولو لو كان معدلك عالي 4 ونص او 4 وفاصله شي مو لازم عندهم تكون في العربي والاتصال 80 وكمان تتغير من سنه لسنه ما تكون ثابته يمكن تنزل ويمكن ترتفع ..

منورين بوجودكم :)