ساعدوني ما ابغى احوس وقت التخرج >_<

[zainab]

السلام عليكم

مساء الخير

انا انتساب وهادي اخر سنة إن شاء الله واذا مازاد ترم وعندي كم سؤال ؟؟؟

1: ابغى اخد مواد حرة من قسم التاريخ وحابة استفسر عنها وعن اساتذتها
ياليت اللي عندو خلفية عن المو ضوع يساعدني وايش هي المواد؟؟

2: نزل عندي في الجدول احوال شخصية 2 مع فاطمة الجلسي وفي مع منيرة باحمدان اخدها مع مين افضل ؟!

3:وعندي مناهج بحث مع فاطمة الجلسي وفي مع انتظار خفاجي كمان معين تفضلوا ؟؟

4:وابغى انزل قواعد ونظريات فقهية موجود مع مازن الحارثي كيف؟!

5:وابغى انزل فقه معاملات 1 موجود مع لمياء باحيدرة كمان كيف ؟؟؟

6: وفقه عقوبات نازلة مع مازن الحارثي وعبد الله نذير اخد ولا لأ ؟!؟

وايش رايكم في المواد الي منزلتها تمام ولاتفضلوا اغير فيها واذا اغير انا في المستوى السادس- السابع يعني باقي مادتين في السادس

ساعدوني الله يخليكم ما ابغى احوس وقت التخرج وما الاقي الاوقات مناسبة واضطر ازود ترم او سنة الله يوفقكم



مع تحياتي >_<

[zainab]

طيب انا انتساب <<<<<

[غيم تايه]

المشاركة الأصلية كتبت بواسطة zainab السلام عليكم مساء الخير وعليكم السلام ورحمة الله وبركاته انا انتساب وهادي اخر سنة إن شاء الله واذا مازاد ترم وعندي كم سؤال ؟؟؟ 1: ابغى اخد مواد حرة من قسم التاريخ وحابة استفسر عنها وعن اساتذتها ياليت اللي عندو خلفية عن المو ضوع يساعدني وايش هي المواد؟؟ أي مواد قد تختلف من فصل الى اخر ،، ومن مواد التاريخ الحلوه تاريخ الحروب الصليبية مع عمر يحي او العكس ،، تاريخ السيرة والخلفاء الراشدين ،، مادة تاريخ اسيا مع ابتسام كشميري ، وحاليا فيه مادة تاريخ الحضارة الاسلامية مرة حلوه ، وقرات مشاركات يمدحون فيها تاريخ المملكة الحديث ،، والقرن الافريقي .. 2: نزل عندي في الجدول احوال شخصية 2 مع فاطمة الجلسي وفي مع منيرة باحمدان اخدها مع مين افضل ؟! مع منيرة باحمدان .. 3:وعندي مناهج بحث مع فاطمة الجلسي وفي مع انتظار خفاجي كمان معين تفضلوا ؟؟ 4:وابغى انزل قواعد ونظريات فقهية موجود مع مازن الحارثي كيف؟! لا تفوتي المادة مع الدكتور مازن الحارثي ،، رائع بكل ما تحمله الكلمة من معنى .. 5:وابغى انزل فقه معاملات 1 موجود مع لمياء باحيدرة كمان كيف ؟؟؟ حلوه توكلي على الله مع لمياء ، الكل يشيد فيها .. 6: وفقه عقوبات نازلة مع مازن الحارثي وعبد الله نذير اخد ولا لأ ؟!؟ مع مازن الحارثي لا تفوتك ابدا ،، اذا ما قدرتي فالافضل تأجليها لفصل اخر ،، انتبهي لكلامي وافهميه واعقليه ، أذا ما حصلت مع مازن الحارثي اجليها ولا خذيها مع اي دكتورة لكن قولي على اسمها ،، حتى يفيدوك الطالبات ، اذا ما فيه احذفيها .. وايش رايكم في المواد الي منزلتها تمام ولاتفضلوا اغير فيها واذا اغير انا في المستوى السادس- السابع يعني باقي مادتين في السادس وين مادة المذاهب الفكرية ، وفقه المعاملات ،، على العموم صعب ارشادك لانه ما ينعرف المواد المتبقيه عليك .. لكن ما ينخاف عليك .. ساعدوني الله يخليكم ما ابغى احوس وقت التخرج وما الاقي الاوقات مناسبة واضطر ازود ترم او سنة الله يوفقكم مع تحياتي >_<

اتمنى اني افدتك ،، لكن انتظري غيري يمكن يكون عنده الافضل ،، موفقه يا رب .

[zainab]

مشكور اخي غيم تايه

الله يعطيك العافية

وهاد جدولي بعد التعديل :

سيرة نبوية مادة حرة من قسم التاريخ

احوال شخصية 2مع منيرة باحمدان

قواعد ونظريات فقهية مع مازن الحارثي

مناهج بحث مع فاطمة الجلسي

المواريث والوصايا مع محمد زين

الفقه المقارن مع محمد زين


كيف الجدول ؟؟؟!!



والمواد اللي بقيت لسه هي ::

قران نازل مع هناء ابو داود وناهد عياش

تفسير هناء

مادة حرة

فقه معاملات 1مع لمياء باحيدرة انا كنت حاخدة بس الدكتورة نصحتني انو حيصير الجدول كله فقة ومن كتاب واحد وما ينفع اخد قواعد ونظريات مع فقه مقارن مع فقه معاملات قالت قسميه في الترمين الباقيه

فقه معاملات 2 نازله مع عبدالله نذير واحمد عزب

فقه عقوبات نفس الشئ ((زي فقه معاملات 1))

نظام الحكم والقضاء مع حسن سفر

المذاهب الفكرية المعاصرة مع سعاد العبسي ومحمد عمر حسن



افيدوني كويس الجدول وماشية تمام ولا كيف في حوسة

ابغى اتخرج على خير مو وقت التخرج اكتشف انو في شيء

ساعدوني الله يخليكم




مع تحياتي

[غيم تايه]

^^

حياك الله اختي :

اللي فهمته من مشاركتك ان المواد المذكورة هي اللي باقيه عليك ،، بالرغم اني مستغرب ما شفت مادة نصوص انجليزية
ولا مواد التدريب العلمي سواء 1 او 2 ،،لكن اذا كان هذه المواد المتبقية فمعناها أن المتبقي ( 13 ) مادة بحوالي 37 ساعة ،، والمطلوب انه نقسمها على فصلين ،، وانتي قسمتيها 17 ساعة فصل اول و20 فصل ثاني ،،،
على هذه المعطيات توجد لديك مواد متطلبات لمواد مثل احوال شخصية 2 متطلب لمادة المواريث ، والمواريث متطلب لمادة فقه العقوبات ،، والقواعد والنظريات الفقهية متطلب لمادة فقة المعاملات 1 اللي هي متطلب لمادة فقه المعاملات 2 ،، ونظام الجامعة يجيز الجمع بين المادة ومتطلبها في حالة كان الطالب متخرج ،،
الأراء المقترحة :
المقترح الأول : اقترح عليك تخلي الفصل الاول ( 18 ) ساعة والفصل الثاني ( 19 ) ساعة في حالة كان عدد الساعات المسموح لك بتسجيلها ،، وعلى ضوء هذا الكلام :
الجدول في الفصل الأول كالتالي :
مادة تاريخ السيرة النبوية والخلفاء الراشدين ( مادة حرة ) حسب اختيارك .
مادة أحوال شخصية 2 مع الدكتور منيرة حمدان .
مادة قواعد ونظريات فقهية مع الدكتور مازن الحارثي .
مادة نظام الحكم مع الدكتور حسن سفر .
مادة التفسير أو القران مع الدكتوره هناء ،، وافضل تكون التفسير .
مادة مناهج البحث مع الدكتورة فاطمة جلسي ، او مادة المذاهب الفكرية مع الدكتور محمد عمر وافضل الثانية ..
* بكذا يكون عندك ستة مواد وعدد ساعات ( 18 ساعة ) ..

مواد الفصل الثاني كالتالي :
مادة القران أو التفسير .. حسب اختيارك في الفصل الأول .
مادة المواريث ..
مادة مناهج البحث او المذاهب الفكرية حسب اختيارك للفصل الأول .
فقه المقارن .
مادة فقه العقوبات .
مادة فقه المعاملات 1 و2 ،،


المقترح الثاني :
ان يتم قسم المواد على ثلاثة فصول ، وهي فرصة حقيقية لرفع المعدل والتخفيف ،، بدلا من الخوض في غمار صراع قوي مع الكتب والمواد ،، بسبب هذا الكم الكبير من الساعات .

المقترح الثالث :
انك تاخذي فصل صيفي إذا وجد ،، راح يخفف عنك وينهي معاناتك ..

أخيرا وليس اخرا ،، لانه راح نتواصل ان شاء الله ،، اتمنى اني ساعدتك ،، فأن اصبت فمن الله وان اخطات فمن نفسي والشيطان ،، لك تحياتي ""

[zainab]

الله يوفقك ويعينك ويجزاك خير ........آمين

لا اذا على كده حاخد 3 فصول

دحين اخدت 6 مواد والترم التاني 4 لا نه الوقت يكون اقصر للمذاكرة ما نخلص الدورة الا وباقي 3 اسابيع على الاختبارات والترم الاخير 4 ان شاء الله


وعن سؤالك عن مادة التدريب العلمي 1و2 نزلت في البداية واخدتها وخلصت بعدين قالوا انو ماينفع تسوي كده
لانة حيعملك ازمة وتعارض في الترم الاخير بعد ما اخدتها

ومادة نصوص اسلامية كمان اخدتها الترم اللي راح لانه اتغير الدكتور وما صدقت على طووول اخدتها

وعلى فكرة مادة القران والتفسير انا عندي سنترا عشان كدة افكر اخدها الترم التاني ويعني سهلة نوعا ما فلحقت على المواد التانية قبل ما تصير سنترا عشان كدة متأخرة فيها الى الان


مع تحاتي

[غيم تايه]

^^

على كذا ليه ما تخليها خمسة مواد الفصل هذا واربع الفصل القادم واربع الفصل الاخير ..

واجمل شيء انك اخذتي مادة النصوص الاسلامية ،، وركزي لما تاخذي مادة المواريث والفقه المقارن

لانها تحتاج الى التركيز ،، موفقه يارب

[zainab]

الله يعطيك العافية اخي غيم تايه
وجزاك الله خير

وربنا يوفقك .....امين