مبرووك عليكم ظهور نتائج اختبار تحديد المستوى

[ZeroOne]

يا شباب كيف اعرف ان الجدول تم تحديثه ..
لان مستوى الانجلش ما تغير نفسه المستوى الأول

[ZeroOne]

علماً انا في شمال جدة

[FNO*]

واللي يبي يعرف مستواه يدخل ع الاودس => الطالب => سجلات الطالب => جدول الطالب
واذا تغير الانجلش يصير 102 او 103 او 104 او ممكن مايتغير كل واحد حسب مستواه :*

ياجماعة اللي لسى 101 يشيك لين بعد الدراسة ب أسبوع
ليش ؟؟
لأنه قبل مانختبر قالت لنا ذا الكلام انه ممكن ب اي وقت تطلع نتيجتك
وانه على كلامها في ناس العام درسوا اول اسبوع مستوى أول وبعدين تغير ومن ذا الكلام

والله يوفقنا يارب ويسهل ونجيب اعلى المعدلات

[Lujain :)]

-




آممم طيَب آنا اتغيرت شعبتي بالانقلش
وطلع لي المبنى والغرفة بس مآزلت
المستوى الأول ..

يعني خلآص المستوى الاول آنا صح !

[حمووتشي]

بالضبط حتى لو جبت درجة كامله لازم تاخذ اخر مستوى اللي هو 4 وماينحذف الأنقلش الا بشهادة ايلتس او توفل

وحالياً اللي محذوف عندهم الأنقلش يصبر الين يتحدث الجدول ويطلع اي مستوى هو

واللي ماتغير الجدول عنده يشيك كل فتره اذا بدأت الدراسه بأول اسبوع وماتغير الجدول عن مستوى 1 خلاص معناته مستواه 1

وتقريبا خلال الثلاث ايام هذي ينزل الأنقلش للجدول بالمستوى المكتسب للي انحذف عندهم الأنقلش مثل العام بالضبط

ولكن مايوقف تحديث الجدول الين بداية الدراسه

لأنو العام نزل لنا المستوى في نفس هالوقت ولكن قبل الدراسه بكم يوم تعدل الجدول من ناحية الوقت والشعب وهكذا

واذا كنت بمستوى 4 راح تدرس الأنقلش فقط 6 اسابيع واذا نجحت فيه يصير بقية السنه كامله ماتدرس انقلش ابد

واذا كنت مستوى 3 يصير تدرس الترم الأول كامل انقلش للمستويين 3 + 4 والترم الثاني ماتدرس انقلش ابد اذا نجحت فيهم

ونفس السالفه للثاني تدرس الين نصف الترم الثاني انقلش وبعدها ماتدرس

لكن المستوى الأول ياخذ ترم كامل

يعني كذا

مستوى 1 = ترم كامل
مستوى 2 = 6 اسابيع
مستوى 3 = 6 اسابيع
مستوى 4 = 6 اسابيع

أسأل الله للجميع التوفيق

[Lujain :)]

^

مين قآل المستوى الأول ترم كآمل ؟
المستوى الأول برضو 6 آسابيع !

[ساااااارونه]

^^^^
كل مستوى 6 أسابيع
أنا السنه اللي فاتت بديت من ليفل ون
الترم الأول أخذت ليفل 1و2
والترم الثاني 3و4
وانفكيت منه ولله الحمد
الله يعينكـم يالتحضييري..

لجين حبيبتي لاتخاافي ترا عاادي
صح أنا بالبدايه بكيت..
بس بعدين حمدت ربي..
لانو لما تتعودي ع الاختبارات بليفل1
حتجيبي درجه عاليه بـ2
عسى أن تكرهوا شيئا وهو خير لكم..

[حمووتشي]

المشاركة الأصلية كتبت بواسطة Lujain :) ^ مين قآل المستوى الأول ترم كآمل ؟ المستوى الأول برضو 6 آسابيع !

والله على حسب الجدول المذكور هنا

وكمان كان فيه ورقه تشرح الوضع عند التسجيل ومذكور فيها نفسسس الكلام



محمد تجاوز المستوى الأول والثاني وبدأ من الثالث
عبدالله بدأ من المستوى الأول
عمر عادل الماده بشهادة التوفل

واللي مكتوب بالورقه الصحيح هو انه المستوى الأول تاخذه ب 6 اسابيع لكن فيه فترة 6 اسابيع اخرى في بقية الترم الأول في حالة عدم تجاوزه اما المستوى الثاني يبدا من الترم الثاني

هذا اللي فهمته والله واعتذر اذا كان خطأ

[بيان محمد 11]

انا كان عندي ظرف وما قدرت ادخل الاختبار
قالو في اختبار في بدايه الدراسه ثاني او ثالث اسبوووع
ان شاء الله خير واتعدى لو مستوى واحد ..

[Lujain :)]

-


آما حموتشي :"(
شو رأيك سآرونه بكلآمه ؟!
ممكن يكون شي جديد علينآ ؟