نداء لفنيات المختبر كلية العلوم قسم كيمياء

[زوجة باسم]

بسم الله الرحمن الرحيم
السلام عليكم ورحمة الله وبركاته
تحية طيبة وبعد
انا ما اتوقع في قسم انسب من دا القسم احط فيه موضوعي
يا حبايب قلبي
يا اخواتي واخواني في الله
انا قدمت على المسابقة الوظيفية
فنية مختبر قسم كيمياء
عشان انا تخصصي كيمياء
وطبعا في اختبار انا ما ادري متى ولا ادري ان كان انقبلت عشان ادخل الاختبار ولالا
بس قلت ابغى اذاكر من دحين ماراح استنى الين يعلنوا
لأن معلوماتي اتبخرت لأني اتخرجت قبل 6 سنوات
وحابة اعرف منكم المعلومات الاتية
1- الاختبار انجليزي ولا عربي انا دراستي كانت عربي
2- مين يعرف كيف نوعية الاسئلة
3- ابغى اذاكر بس ماعندي ولا ملزمة ولا ورقة ولا معلومة
ساعدوني
4- قرات انه ممكن يجي في الاختبار عن الامن والسلامة وطرق التحضير ورموز وصيغ
طيب من فين اجيبها ؟؟
يا اخوان واخواتي ابغى شي جاهز خصوصا اذا كان انجليزي
لأنه بصراحه انا اتخرجت قبل ما قلت لكم قبل 6 سنوات من كلية التربية ودراستي عربي
ساعدوني جزاكم الله خير
وكل من ساعدني لو بمعلومة صغيرة الله يوفقه دنيا واخره ويرزقة كل خير من حيث لا يحتسب
وينجحه ويسهل امره ويوسع رزقه ويحميه من كل شر
وجزاه الله عني خير الجزاء
الله يرضى ععليكم لا تهملوا موضوعي

[زوجة باسم]

يالهوي ولااحد ساعدني
وانا قلت دحين اخرج وادخل القى المساعدات هلت
جزاكم الله خير

[DNA..~]

وعليكم السلام و رحمة الله و بركاته..

في البداية اسأل الله أن يرزقك الوظيفة إن شاء الله :)

ما عندي فكرة بصراحة بس حبيت أساعدك

بـ

4- قرات انه ممكن يجي في الاختبار عن الامن والسلامة وطرق التحضير ورموز وصيغ طيب من فين اجيبها ؟؟

حبيت ارفع لك بعض الـ الرموز و الصور اللي تخص السلامة في المختبرات طبعًا هو من كورس آمن و سلامة مختبرات لـ قسم الكيمياء الحيوية بس ممكن ينفعك لأن الصور عامة حاولت أترجم لك الصور بس الترجمة مو حرفية يعني مو كلمة كلمة اتمنى فهمتي عليا..

من هنا

بالتوفيق..

[شوشو14]

اختي dna مشكوره يا قلبي وما قصرتي بس أنا دخلت وما عرفت اية قصدك موجود صور وتنزيل بس ممكن توضحين كيف شكل الموضوع اللي نبغاه انا بعد داخله المسابقه الوظيفيه وعندي نفس استفسار الاخت زوجة باسم الله يوفقني واياها يارب ويكتبلنا الصالح ومشكوره مقدما حبيبتي

[DNA..~]

الأخت شوشو 14

قصدي في الرابط لما تفتحيه و تضغطي على كلمة تنزيل أو تحميل..

حيتحمل عندك ملف وورد..

عن الـ signs أو الصور اللي مثلًا تبين لك هذي مادة قابلة للإحتراق و زي هيك..يعني..!

لأنها تبع الأمن و السلامة في المختبرات..

و الله يسخر لكم الوظائف إن شاء الله :)

[زوجة باسم]

السلام عليكم ورحمة الله وبركاته
أختي dna‏ جزاكي الله خير وماقصرتي والله يفرج همك ويسعد قلبك وينور دربك ويسهل أمرك دنيا وآخرة يارب
اختي شوشو الله يكتب لنا الخير جمعين
بس حبيت أسألك ايش اللي قدمتي عليها زيي
أنا فني مختبر كلية العلوم للبنات بكالوريس كيميا وانتي؟
الله يختار لنا الطيب جميعا
بإذن الله اول ماأحمل الفايل او استصعب عليا شي اقلك يا دي ان إيه

[DNA..~]

و عليكم السلام..

في الخدمة إن شاء الله يكون الملف هو اللي تبغيه ^_^

و شكرًا لك

[زوجة باسم]

أختي وحبيبة قلبي dnaالله يسلم عمرك على الملف دا
سامحيني انا تأخرت في فتحه بس صارت لي ظروف والله امس دخلت بس عشان اتشكر منك من غير ما اشو الملف
واليوم حملته
جزاك الله خير
بس حبيبتي ما ادري ان كان عندك خلفية اختبارنا انجليزي ولا عربي
وفي كتب اقدر اذاكر منها
بصراحه ما عندي خلفية
ولا ادري اي حسوي غير اني حطبع الملف اللي اعطيتيني هو عشان اذاكر منه
جزاك الله خير

[DNA..~]

اهلًا

بصراحة ماعندي فكرة بس أغلب الظن إنجليزي لأن الحين المناهج صارت أغلبها إنجلش..^^

يعني مواد قسم الكيمياء اللي درستها و ادرسها حاليًا بالإنجليزي..

فما أعرف..

الأفضل لك حوسي في قسم الملخصات هنا..

ارجعي ذاكري دروسك او ادخلي منتديات تهتم بالكيمياء تكون فيها مواضيع إنجلش مع عربي..

أو على الأقل تعرفي المصطلحات المهمة..,,

بالتوفيق

[شوشو14]

ايه يا قلبي اعذريني على ردي المتأخر ايه انا مثلك مقدمه على كلية العلوم فنية مختبر ومعي بكالوريوس والله اني خايفه يطلع الاختبار انجلش ونقعدانا دراستي كلها عربي