ما فهمت القيود المحاسبية ,,

[~..㋡\.alZbrJd]

المشاركة الأصلية كتبت بواسطة طــــارق ===> جاي .. متحمس .. يبي .. يشرح .. لقيت الي حاطة السؤال .. هي تجاوب ..

الموضوع ومافيه اني سألت.. ووحدة جاوبتني وشرحتلي برايفت..

بعدين مافيها شي هذا دليل على سرعة البديهة في الفهم والاستيعاب.. p=

وسبب ثــاني..عشـاان يكون الموضوع مفيد للجميــع مولشخص واحد بس..

[&كيمو&]

السلام عليكم ورحمة الله وبركاته

8 8


انا شفت عنوان الموضوع
فحبيت اشرح شوي
لأن مافي اسهل من القيود في المحاسبة

بس لقيت الي كاتبة الموضوع قالت فهمة القيود

بس راح اشرح شوي عشان لو جاء أحد ثاني يفهمها

وان شاء الله شرحي يكون واضح

8 8


بسم الله الرحمن الرحيم


أول شي في القيود المحاسبية لازم تعرف الدائن والمدين
وتعرف تميز بينهم ، والبعض متعقد في الشي هذا
رغم انه شي سهل بس يبي تفكير شوي
8 8

الدائن والمدين :

عندي طريقة بسيطة وسهلة لمعرفتها وتمييزها عن بعض

الطريقة :

نعتبر الحسابات أشخاص واحد يعطي والأخر يأخذ

مثلاً :

عندنا فيصل وخالد
فيصل انزنق مادياً وقال يبي يستلف مبلغ 1000 ريال من خالد
خالدقام عطاه المبلغ وفيصل أخذه

في الحالة هذي :

فيصل أخذ المبلغ يعني مدين
وخالد دفع المبلغ يعني دائن

اي فيصل مدين لخالد بمبلغ 1000 ريال
وخالد دائن فيصل بمبلغ 1000ريال

القاعدة :

المدين : أخذ - قبض - استلم - زاد
الدائن : أعطى - دفع - سلم - نقص


اتمنى تكون وصلت الفكرة 8 8

الحين نجي للقيود :
القيود عبار من الحساب المدين إلى الحساب الدائن

يعني :

×××× من حـ/ الحساب المدين ( فيصل )
×××× إلى حـ/ الحساب الدائن ( خالد )

نجي نعمل مثال محاسبي 8 8

انشأ أحمد مؤسسة فردية تجارية
برأسمال قدره 1000000 ريال
موأودع في البنك 700000 ريال
والباقي في الصندوق .

المطلوب :
اثبت العملية السابقة في دفتر اليومية العامة .

الحل:
دام في دفتر اليومية العامة
يعني المطلوب قيد محاسبي للعملية

نجي نشوف العملية

في عندنا ثلاثة حسابات
رأس المال - البنك -الصندوق

نجي نشوف حساب رأس المال

حساب رأس المال :
دفع مبلغ مليون ريال
للبنك 700000
وللصندوق 300000
وبما أنه دفع يعني نقص يعني دائن

حساب البنك :
قبض أو أخذ 700000 من حساب رأس المال
يعني حساب البنك زاد يعني مدين

حساب الصندوق :
قبض 300000 ريال من حساب رأس المال
يعني حساب الصندوق زاد يعني مدين



الأن عرفنا نميز الطرفين
نجي لكتابة القيد :

في هذه الحالة طريقتين :

الأولى : القيد العادي :

أي طرف واحد مدين وطرف واحد دائن
أي:

700000 من حـ/ البنك ( المدين)
700000 إلى حـ/ رأس المال ( الدائن )

--------------------
300000 من حـ/ الصندوق ( المدين)
300000 إلى حـ/ رأس المال ( الدائن )
---------------------------

في هذه الطريقة نكتب كل قيد على حدة

الطريقة الثانية : القيد المزدوج :

أي ندمج القيدين السابقين في قيد واحد ونزيد كلمة مذكورين كالتالي :

من مذكورين
700000 حـ/ البنك
300000 حـ/ الصندوق
إلى 1000000 حـ/ رأس المال
-------------------


هذي نبذة مختصرة عن القيود المحاسبية
8 8

أتمنى أن أكون قد وصلت لكم المعلومة
ووفقت في الشرح 8 8

أتمنى لكم التوفيق
8 8

كل الود

&كيمو&

[Full Moon]

بالمرررررررة شكراً على الشرح أخ كيمو

انا استفدت منه هيهي ^^
يعطيك العافية

[&كيمو&]

العفو خيتوووو

8 8

ان شاء الله كمان تجيبي درجة حلوة في المادة


8 8


وبالتوفيق للجميع



كل الود
&كيمو&