حاولت اتقبل التمريض بس مومرتاحة. . الله يستر. دعواتكم ربي يكتب الخير لي ولكم .

[ساعتي خربانه]

بنات والله العطيم حاولتتتتتت احب التمريض واتقبلو
وقريت عنو كثير وطلع حلو مستقبلو حلو
واحترم جميع الممرضات ومستقبل راقي وحلو بس ماني قادرة اتقبله
جد جد ماحسو ميولي

من اول العطلة للحين ،وانا خايفة مرة

بنات انا نسبتي مو قريبة من المختبرات يعني اخاف مايكون في امل لو حاولت
وكلية ابن سينا راحت علي خلاص مايمدي اطلب منحة

بنات مادري ايش اسوي حتى واسطة ماعندي

شديت حيلي كتير بس ربي ماكتب لي الي ابغاه

ومرة مابغا شئ غير المجالات الصحية ،ايام افكر انقل كلية العلوم بس اخاف يكون خيار غلط واندم

دعواتكم
يارب ان كان التمريض خير لي فيارب يارب سهله لي وان كان شر لي فابعده عني وابعدني عنه واكتب لي التخصص الي فيه خير لي
اللهم اني اعوذ بك من علم لاينفع

بنات في احد كان تمريض وحول

[اجواني]

نصيحة مني لكي كملي تمريض على الاقل سنة هذي جربي واذا ما عجبك انقلي السنة الجايه اي تخصص طبي حاولي تشدي حيلك وتحولي بس اهم شئ أبدا لا تفكري انك تنقلي لكلية العلوم لأنو النقل بين الكليات الصحية اسهل من العلوم وبالتوفيق يارب

[dr-sh0sha]

شوفي حبيبتي اغلب بنات التمريض كانوا كدا زيك مو مرتاحين بس لمن درسوا جدا حبوا القسم ونظرتهم اتغيرت انتي اقري عن القسم اكتر وفكري في انو التمريض مستقبله مررة حلو وفي النهايه استخيري واذا في خيره انك تحولي صدقيني ربنا بييسر لك التحويل نحنا في ايام فضيله لا تبخلي على نفسك بالدعاء ادعي انو ربي يكتب الخير ويريح قلبك

[بتولآ]

لو قلبك قوي وتقدري تتحملي الشغل والمناظر والدم وكذا فصدقيني حتحبي التمريض :))
انا دخلته وماكانت رغبتي ابداااا وكنت كارهته جدااا .. لكن مع الآيآم حبيته شوية وحسيت منجد انو النيرس شغلها اهم حتى من شغل الدكتووور .. والمستشفى بدون نيرسز ولاشي ترى .. بس انا مشكلتي كانت ومازالت مع الدم وذي الآشيآء يعني ابسط مثال كل ماشفت احد بيسحب دم ادوخ او يجيني غثيااان خخخ
ومستقبل التمريض مرة كويس اهم شي لاتقرري بلحظه تسرع انك تروحي علوم او شي زي كذا وبعدين تندمي ..
وصلي استخاااارة وشوفي اذا ارتحتي في هالقسم او انو التحويل فيه خير لك ..
اهم شي خلي معدلك عالي عشان لو مرة ماعجبك بعد سنة تحولي لآي قسم طبي اخر ..