InstagramTwitterSnapChat


 
وصف

العودة   منتديات سكاو > الكليات الجامعية > منتدى الكليات الطبية > منتدى كلية التمريض
   
   


السنة اللي فاتت ... ايش استفدت منها (سنة ثانية)

منتدى كلية التمريض

إضافة رد
 
أدوات الموضوع إبحث في الموضوع انواع عرض الموضوع
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
  #1  
قديم 23-07-2011, 09:52 PM
الصورة الرمزية سكر الحياة

سكر الحياة سكر الحياة غير متواجد حالياً

جامعي

 
تاريخ التسجيل: Jul 2010
التخصص: تمريض
نوع الدراسة: إنتظام
المستوى: الثامن
الجنس: أنثى
المشاركات: 97
Skaau.com (22) السنة اللي فاتت ... ايش استفدت منها (سنة ثانية)



أكتب عن كل ما يدور في خاطرك من مواقف , نصايح , وجهات نظر ....
في بداية كل مرحلة جديدة تبدأ الأسئلة و الاستفسارات و ايش تنصحونا .....الخ
موضوع يحتاجه كل مستجد و مستجدة ......
بدأت سنة جديدة و تم تسكيني في كلية العلوم الطبية التطبيقية قسم التمريض <<< هدفي كان أي تخصص طبي
بدينا ما نعرف بعض ولا عندنا أي حماس تجاه هذا التخصص و السبب كانوا أغلب البنات رافضين دخولهم فيه << تخيلوا دكتورة حسنة سألتنا مين دخلت التمريض برغبتها كان الجواب 3 طالبات من 120 طالبة
مر اسبوع ورا اسبوع كانت الدكتورة تعطي المحاضرة و محد يسالها من فين نجيبها ولا من فين نطبعها << غلطة كبيرة وقعنا فيها الى ان تراكمت المحاضرات علينا و قربت الكويزات و بعدها فوقنا من النومة اللي كنا فيها و روحنا ندور على المحاضرات
مـــاريــــا اسم محد يقدر ينساه من طالبات دفعتنا << اسم راعية المكتبة حق التصوير كنا للأسف الشديد نروح و نيجي على المكتبة ما لا يقل عن 3 مرات يوميا و السبب نصور اوراق المحاضرات المتراكمة لأن ما كان فيه لا تنظيم ولا أي شئ
جا منتصف الفصل الأول اخترنا الليدر حقتنا و اختارت السب ليدر اللي مسئولين عن كل مادة << ترتبنا شوووية بس ما زالت اللخبطة موجودة و السبب كل وحدة نفسي نفسي << نصيحتي خلوكم يد وحدة حصلت لنا مشاكل كثيرة ما بين البنات لكن عدت على خير ولله الحمد وخلي الكلام في بالك حب لأخيك ما تحب لغيرك
انتهى الفصل الأول بكل الفوضى و العشوائية اللي كنا فيها و بدا ترم ثاني اتعرفنا على بعض أكثر
صرت co leader بصراحة على قد المسئولية اللي فيها بس ممتعة للغاية تعرفك باشياء ما كنتي تعرفيها و تبينلك كيف التعامل مع كل دكتورة و تفهمك عقلية كل بنت
بداية الترم الثاني طلبنا من البنات مبلغ مالي على اساس نصور الورق و نجيب طابعة للكلاس لطباعة المحاضرات خلينا كل بنت مسئولة عن حاجة معينة << فيه بنات تدخلوا في شغل غيرهم و حصلت شوية مشاكل فنصيحة كل وحدة تكون مسئولة على شغلها و أي خبر يوصلك تروحي لليدر و تبلغيها و بعدين هي تقول للبنات
انتـــبــهي تتكلمي مع الدكتورة أو مع أي بنت عن امور خاصة بالإختبارات و زي كذا و فيه بنات يسمعوكي لأن الخبر حينتقل للكلاس و هو لسه ما اتأكد <<< ما يحتااج حررريم ما شاء الله نقرتين لعرض الصورة في صفحة مستقلة
حتحصل مشاكل بالنسبة للحضور و الغياب بس من البداية رتبي أمورك لأنك حتلاقي بنات ما يحضروا الا فين و فين و تشوفي قدام اسمها كللله صح و لو غيبتيها يوم تيجي و تقلك أنا حااااضرة و ما ترحمك << من البداية خليكي مستعدة لكل المواقف
حصلت لنا نقلة نوعية من الفوضى صرنا قمة في الترتيب ولله الحمد بفضل الله ثم بفضل جهود الليدر اللي اتحملتنا ومــا قصررت معانا و بعدين بفضل البنات اللي اشتغلوا معانا الله يعطيهم العافية
بدينا ننزل للمستشفى أيام في غاية الروعة على قد الخوف و الربكة اللي كنا فيها لكن مشي الحال و اتأقلمنا ولله الحمد
في المستشفى تلقي كل شكل و كل نوع من حيث التعامل حتقابلي ناس ما يقصروا معاكي ابدا و حتلقي ناس مطنشيييينك لكن عموما في المستشفى اذا ما حشرتي نفسك و روحتي بنفسك ما حتلاقي أحد يطالع في وجهك
لا تسووا تجمعات مع بعض نقرتين لعرض الصورة في صفحة مستقلة لأن الشي هذا يضااايق الدكتورة مررة و حاولي تبيني للدكتورة انك جاية تشتغلي مو جاية ونس و بس <<< حصلنا موقف من وحدة الله يهديها شافتنا و راحت تكلم دكتورتنا و تقولها الحقي بناتك حاطين ميك اب و جالسين يهرجوا و يضحكوا ومن هذا الكلام والله العالم احنا ايش كنا نسوي بس ما ادري ايش الناس هاذي , طبعا دكتورتنا صدقتنا نقرتين لعرض الصورة في صفحة مستقلة لأنها عارفتنا و عارفة تصرفاتنا فانتبهي لسلوكياتك أمام الباقين
اعتبري كل المرضى اللي بتقابليهم مصابين بمرض معدي نقرتين لعرض الصورة في صفحة مستقلة سواء كان رجل أو امرأة لأنك ما تعرفي ايش معاه << اول يوم في المستشفى و دتني الهيد نيرس لمريض مصاب بمرض معدي نقرتين لعرض الصورة في صفحة مستقلةالله يشفيه و أنا ما كنت ادري سالتها ايش عنده قالتلي عنده نزيف بالمخ وجالسة توريني ايش المضادات و الادوية اللي بتحطها للمريض فجأة دخلت ممرضة سعودية الله يوفقها يا رب قالتلي المريض ايش عنده !! و قالتلي نصيحة في بالي لمن دحين في المستشفى ما حتلقي أحد ينصحك أقرأي ملف المريض بنفسك و اعتبري كل مريض مصاب بمرض معدي عشان تحمي نفسك
استفدت من الموقف هذا مرررة كثيير
انتهت السنة الدراسية بحفلة خاصة نقرتين لعرض الصورة في صفحة مستقلة سويناها لليدر اللي ياما و ياما تهزأت عشاننا و جاها كلام بسببنا و انطوت صفحة سنة ثانية تمريض أياام كانت ممتعة و فيها مواااقف كثيرة حصلت لنا استفدنا منها و الأن ننتظر سنة جديدة تحمل مفاجآت عديدة ربي يوفقنا لها و يسهلها يــا رب
أسفة على الإطالة بس اتمنى تكونوا استفدتم و استمتعتم انتظر نصايحكم و مواقفكم ..... و كل عام و انتم بخير نقرتين لعرض الصورة في صفحة مستقلةنقرتين لعرض الصورة في صفحة مستقلة

التعديل الأخير تم بواسطة weddah ; 20-08-2011 الساعة 06:59 AM.
رد مع اقتباس

 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 23-07-2011, 10:09 PM   #2

lovely one

الله يعينني

 
تاريخ التسجيل: Oct 2010
نوع الدراسة: تحضيري علمي خطة أ
الجنس: أنثى
المشاركات: 740
افتراضي رد: السنة اللي فاتت ... ايش استفدت منها

جزاكي الله خير ان شا الله نستفيد من كل كلمة قلتيها

 

lovely one غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 23-07-2011, 10:20 PM   #3

Mecooo

جامعي

الصورة الرمزية Mecooo

 
تاريخ التسجيل: Jul 2009
التخصص: Physiotherapy
نوع الدراسة: إنتظام
المستوى: السابع
الجنس: أنثى
المشاركات: 70
افتراضي رد: السنة اللي فاتت ... ايش استفدت منها

فكرهـ رائعهـ و موضوع جمــــيل الله يعطيكي الف عافيهـ

 

توقيع Mecooo  

 


 

Mecooo غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 23-07-2011, 11:29 PM   #4

Mecooo

جامعي

الصورة الرمزية Mecooo

 
تاريخ التسجيل: Jul 2009
التخصص: Physiotherapy
نوع الدراسة: إنتظام
المستوى: السابع
الجنس: أنثى
المشاركات: 70
افتراضي رد: السنة اللي فاتت ... ايش استفدت منها

نقرتين لعرض الصورة في صفحة مستقلة
شكرا لكي اختي عـ هذا الموضوعنقرتين لعرض الصورة في صفحة مستقلة


و حبيت اشارك بيه في تجربتي و مواقفي عشان يستفيدو منها المستجدين ان شاء الله

بالنسبة ليا استفدت منها في اشياء كتيييير
كان في البدايه شي غريب من ناحية الدراسه و الدوام اللي يعتبر طويل و ضغط المواد من ناحية انها كتيره نقرتين لعرض الصورة في صفحة مستقلة

و من ناحية كانت برضو عندنا في بداية السنه لخبطه في الاوراق جربنا كم شي انو كل اتنين من الدفعه مسؤلين عن ماده و ينزلو شيتاتها اول بــاول ,,
بس كان افضل شي لنا انو جمعنا مبلغ من بنات الكلاس كلو و اعطينها لـ الليدر انو كل ما نزل شيت هيا تاخدو و تصورو و تجيبو تاني يوم او ازا ما قدرت هيا بنفسها تنزل الشيت في المكتبه و تبلغ البنات مـــن جد كانت ليدر رائعهـ بمعنى الكلمه الله يجزيها الف خير عـ كتر ما تعبت معنا و جاها كلام بسببنا نقرتين لعرض الصورة في صفحة مستقلة....

اما بالنسبه للمواد التخصص كانت الشيتات غريبه علينا انو من ناحيه انو لازم نفهم ونحفظ و الاختبار يجي جزء منو مقالي لانو اتعودنا في التحضيري عـ اسئلة الاختيار من متعدد نقرتين لعرض الصورة في صفحة مستقلة,,,,

و كمنا واجهتنا مشكله في الترم الاول بسبب (الاجازات + 9 مواد ) انو اختبار الميد الاول وراه الميد التاني وراه عـ طول الفاينال ما في فتره راحه بينهم خلتنا نهمل المزاكره اول باولنقرتين لعرض الصورة في صفحة مستقلة ....

و اكبــر غلطهـ معظمنا غلطها في الترم الاول انو ما اعطينا الـللابات حقها (كل المواد لها لاب عندنا ماعدا البايو كميستري ) ممكن بسبب انها كانت دايمن نهايه الدوام و اعتمدنا انو بس نسمع اللاب و ما نطبق كل شي بـ يدنا و لا نطالع في الشيت الا وقت الاختبارنقرتين لعرض الصورة في صفحة مستقلة و في ماده فيها كم لاب مالو شيت فـ كان المفروض انو نكتب مع الدكتوره و نضيف عـ الشيت معلومات عشان يسهل علينا بس ما كنا نعرف :p

فلما كان يجي اختبار الفاينل نلاقي نفسنا انو ما في وقت نزاكرو (لانو اللاب يكون دايمن في نفس يوم الاختبار النظري) ومحــنا فاهمين شي في الللاب بس الحمدلله عــدا الترم الاول عـ خير ......


اما بالنسبة للترم التاني كان اسهل بكتير من الترم الاول لانو اتعودنا عـ الشي اللي كان اسمو ( الضغط) و اتغلبنا عليه و سار شي عادي و عرفنا طبيعة كل ماده و كيف طريقه اسئله كل دكتور فــ كل وحده فينا عرفت فين نقاط ضعفها ركزنا عليها و صرنا قروب واحد يدنا في يد بعض نشرح لبعض و ننتبيه في اللاب و نركز عليه و نطبق بنفسنا من جد دفعتنا كنا و ما زلنا زي العيله الوحده نقرتين لعرض الصورة في صفحة مستقلة

و بالرغم باللي مرينا فيه دي السنه بس من جد اكتشفنا قدراتنا فين ممكن توصل و مافي شي اسمو مستحيل نقرتين لعرض الصورة في صفحة مستقلةو انو اكتسبنا معلومات كتيرررره رائعه بالرغم انها بس معلومات درسناها في سنه وحده بس
وبالنسبه ليا خرجت منها انو كنت اشوف العلاج الطبيعي شي و بعد ما خلصت شوفتو شي تاني رائع افدت فيه نفسي و عليتي و ان شاء الله افيد فيه المرضى في المستقبل

في النهايه يارب تستفيدو مع كترة كلامي هع نقرتين لعرض الصورة في صفحة مستقلة
و تقبلو مروري ,,,

 


التعديل الأخير تم بواسطة Mecooo ; 23-07-2011 الساعة 11:36 PM.
Mecooo غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 23-07-2011, 11:57 PM   #5

سكر الحياة

جامعي

الصورة الرمزية سكر الحياة

 
تاريخ التسجيل: Jul 2010
التخصص: تمريض
نوع الدراسة: إنتظام
المستوى: الثامن
الجنس: أنثى
المشاركات: 97
افتراضي رد: السنة اللي فاتت ... ايش استفدت منها

lovely one
الله يوفقكم يــا رب و ان شاء الله ما تغلطوا نفس غلطاتنا نقرتين لعرض الصورة في صفحة مستقلة
mecooo
جزاكي الله خيـــر على مشاركتك و تجربتك المفيدة ما قصرتــي الله يعطيكي العافية

 

سكر الحياة غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 24-07-2011, 01:00 AM   #6

AM00NA

مشرفة مُتألقة سابقة

الصورة الرمزية AM00NA

 
تاريخ التسجيل: Jul 2010
التخصص: اشعة تشخيصية
نوع الدراسة: إنتظام
المستوى: السابع
الجنس: أنثى
المشاركات: 1,397
افتراضي رد: السنة اللي فاتت ... ايش استفدت منها

مآشاءالله كفيتي ووفيتي يآدكتورة ..

يعطييك العآفيه وكل عآم وانتو بخيـر نقرتين لعرض الصورة في صفحة مستقلة

 

توقيع AM00NA  

 



 

AM00NA غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 24-07-2011, 02:22 AM   #7

BdOoOor

جامعي

الصورة الرمزية BdOoOor

 
تاريخ التسجيل: Nov 2010
التخصص: تمريض
نوع الدراسة: إنتظام
المستوى: الأول
الجنس: أنثى
المشاركات: 41
افتراضي رد: السنة اللي فاتت ... ايش استفدت منها

من جد خبراتكم نستفيد ونتعلم منها كثير
الله يعطيكم العافيه

 

BdOoOor غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 24-07-2011, 02:38 AM   #8

طالبه حايصه

Dr.Hope

الصورة الرمزية طالبه حايصه

 
تاريخ التسجيل: Dec 2009
التخصص: مختبرات طبيه
نوع الدراسة: إنتظام
المستوى: الأول
الجنس: أنثى
المشاركات: 1,046
افتراضي رد: السنة اللي فاتت ... ايش استفدت منها

سكر حياة ..



اهنييييييك على هالموضوووع .. جد ملخص حلو عن السنه ككل ..

جزيتي خيرا

 

طالبه حايصه غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 24-07-2011, 02:52 AM   #9

weddah

مشرفة مُتألقة سابقة

الصورة الرمزية weddah

 
تاريخ التسجيل: Jun 2008
التخصص: علاجية طبيعية
نوع الدراسة: إنتظام
المستوى: التاسع
الجنس: أنثى
المشاركات: 1,248
افتراضي رد: السنة اللي فاتت ... ايش استفدت منها

سكر الحياة مشكورة على الموضوع الحلو والمفيد
ما قصرتي انتي وMecooo يعطيكم العافية

 

توقيع weddah  

 




سبحآن الله وبحمده,, سبحآن الله العظيمنقرتين لعرض الصورة في صفحة مستقلة


العلاج الطبيعي نقرتين لعرض الصورة في صفحة مستقلة
الطريق للراحة بدون جراحة ~

Success is what I'm looking for نقرتين لعرض الصورة في صفحة مستقلة
Finally I'm strong enough نقرتين لعرض الصورة في صفحة مستقلة

 

weddah غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 24-07-2011, 03:01 AM   #10

Dr.Shaikhah

مشرفة مُتألقة سابقة

الصورة الرمزية Dr.Shaikhah

 
تاريخ التسجيل: Jun 2009
التخصص: Яάđi
نوع الدراسة: إنتظام
المستوى: السابع
الجنس: أنثى
المشاركات: 1,286
افتراضي رد: السنة اللي فاتت ... ايش استفدت منها

سكر حيآه

جزآك الله الف خير افدتينآ بتجربتك انتي وميكو

وبإنتظآر البقيه

 

توقيع Dr.Shaikhah  

 

وَ كليْ أمل بأن أتمرّسَ مستقبلاً لـ تُصبحَ عينيْ شُعاعاً من نور
أبثهُ أملاً يُحييْ نفوساً يائسة , وأكشفَ به خبايا أنفسٍ بائسة


‘,~



بقلمي ,‘~

 

Dr.Shaikhah غير متواجد حالياً   رد مع اقتباس
 

إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 03:33 PM


Powered by vBulletin® Version 3.8.9 Beta 3
Copyright ©2000 - 2024, vBulletin Solutions, Inc.
Ads Organizer 3.0.3 by Analytics - Distance Education

أن كل ما ينشر في المنتدى لا يمثل رأي الإدارة وانما يمثل رأي أصحابها

جميع الحقوق محفوظة لشبكة سكاو

2003-2023