::. ســؤال عن كليـات التربية للبنـات +هـديـة للبنوتات اللي ماحالفهم الحظ بالقبـول .::

[عاشقة الندى]

::.. السلام عليكم ورحمة الله وبركاتهـ ..::

أُسعدتم صبــاحـــا جميــــعـآ ..

،.،.، في البداية عندي سؤال محيرني ياليت ألقى لو جـــواب ..
دحين كلية التربية للبنات حقت الاقتصاد المنزلي الموجوده آمام النادي الآهلي في حي الرحاب ..
اللي فهمتو انها صارت تابعة للجامعه ..
طيب كيف التقديم عليها ..!!
يعني انا اعرف بنات كانو يدرسو انتساب في كليات التربية بس ببلاش ..
غير الانتساب حق الجامعه ..
ويقبلو نسب توصل للسبعينات ..!!
...سؤالي بالتحديد هو ..
هل كليات التربيه للبنات الموجوده في البغدادية والرحاب ....
التقديم فيها يكون عن طريق الجامعه او لازم يروحو البنات شخصيا يقدمو من هناك زي زمان ..؟!!

::......::

وبالنسبة للبنات اللي ماحالفهم الحظ بالقبــــول ..
او اللي مش حابين يدخلو انتساب ..
حبيت اقولكم انو في تقديم على الكلية التقنية للبنات بتاريخ 7/8 /1430هـ الى تاريخ 16 /8 /1430 هـ ..
اذا حابين تقدمو شوفو الرابط وانتظرو موعد التقديم وبالتوفيق ان شاء الله ..

http://gt.gotevot.edu.sa/admission.htm




دعواتي للجميع بالتوفيق والنجاح ..




::............::

[يلدرم]

حسب معلوماتي ان كل كليات التربية تابعه للجامعة وممكن تدخلي موقع الجامعة ايقونة الكليات في الصفحة الرئيسية وتلاقي جميع الاقسام

والجامعة هنا ذكرت كليات التربية في المسارين اداري وعلمي ولكن لا علم لي بالانتساب في التربية

صح بدون رسوم لكن مااعرف هل كيف يكون التقديم

[عزة نفسي_تكفيني]

وعليكم السلام ورحمة الله وبركاته



يالغلا أنا بدرس في الكليه اللي في الرحاب

هي تاابعه للجاامعه والتقديم للإنتظام انتهى لأنها تقديمهااا واحد مع الجامعه

بالنسبه للإنتساب الكليه اللي في الرحااب مافيها انتساب لأانها عمليه

وانا اللي اعرفه انه الانتساب مافيه غير مسار اداري والتغذيه ماايدخله غير العلمي

والفنون سمعت انه للعلمي وممكن يدخلوا أدبي اللي معدلاتهم مرتفعه

والنسيج للقسم الأدبي

بالتوفيق يالغلا

مودتي

[عاشقة الندى]

::. يلدرم .::
مشكور اخويا ماتقصر :)
:..:

::. عزة نفسي تكفيني .::
مشكورة أختي ماقصرتي ..
بس معليش بعد اذنكـ ..
ماعندكـ فكرة اذا كان حقون الكليات يدرسو انتساب .. وهل هيا برسوم او لا ..
وفي سؤال تاني دوبي افتكرتو <<< حتتطلشي اليوم <<< بلشة

ايش وضع الكلية الصحية يعني برضو خلاص التقديم حقها راح مع حق الانتظام أو لها تقديم خاص ..


معليش استحملو غلاستي ..
كلو من اختي مكبرة المخدة وانا حايسه اسألّ عشانها في كل مكان << لا بجد حتتطلش اليوم

::..::

[cinnabon]

برضها الكلية الصحية من ضمن الجامعة

[عزة نفسي_تكفيني]

المشاركة الأصلية كتبت بواسطة عاشقة الندى ::. يلدرم .:: مشكور اخويا ماتقصر :) :..: ::. عزة نفسي تكفيني .:: مشكورة أختي ماقصرتي .. بس معليش بعد اذنكـ .. ماعندكـ فكرة اذا كان حقون الكليات يدرسو انتساب .. وهل هيا برسوم او لا .. وفي سؤال تاني دوبي افتكرتو <<< حتتطلشي اليوم <<< بلشة ايش وضع الكلية الصحية يعني برضو خلاص التقديم حقها راح مع حق الانتظام أو لها تقديم خاص .. معليش استحملو غلاستي .. كلو من اختي مكبرة المخدة وانا حايسه اسألّ عشانها في كل مكان << لا بجد حتتطلش اليوم ::..::

لا عادي يالغلا خذي راحتكـ في الأسئله ^_^

في انتساب في الكلية ومن غير رسووم بس للآن مافي اعلان موضح شي عن الانتساب في الكلية من غير رسوم لأنه مكتوب انتساب مدفووع التكاليف معنااته الجامعه

وان شاءالله اليوم بنت خالي حتتصل على عمادة القبول تسأل بخصوص الانتساب في الكليه أي معلومه أعرفها راح أخبركـ ان شاءالله

وهذا الرقم اذا حابه تستفسري بنفسكـ 026952222

وبالنسبه للكليه الصحيه هي انضمت للجامعه بس ماأعرف التقديم له نفس التقديم للجامعه ولا لا معليش ماعندي خلفيه عنها

مودتي

[عاشقة الندى]

::. سينابون .::
اسمك طِعم ومُشهي
شُكرا لكـ ياعسل ..
:...:
::. عزة نفسي تكفيني .::
جزاكـ الله ألف خير ياأختي وربي يوفقكـ ان شاء الله :)
وياليت والله لوعرفتي شي عن الموضوع تخبريني ..
معليش بتعبكـ معايا ..

::...::

[عزة نفسي_تكفيني]

المشاركة الأصلية كتبت بواسطة عاشقة الندى ::. سينابون .:: اسمك طِعم ومُشهي شُكرا لكـ ياعسل .. :...: ::. عزة نفسي تكفيني .:: جزاكـ الله ألف خير ياأختي وربي يوفقكـ ان شاء الله :) وياليت والله لوعرفتي شي عن الموضوع تخبريني .. معليش بتعبكـ معايا .. ::...::

امين وياكـِ يالغلا

وأبشري أي معلومه أعرفها حبلغكـ على طوول

ولا يهمكـ من عيوني الفوشيه <<< كثري منها ههههههه

[عاشقة الندى]

تسلميلي انتي وعيونكـ الفوشيهـ






::.....::