][ مستجدي الرياضيات و الإحصاء حيـــاكـــم // استفساراتكم هنا ][

[LeLou]

بسم الله الرحمن الرحيم.. السلام عليكم و رحمة الله و بركاته.. ,* بداية، أهنئ زملائي و زميلاتي طلاب و طالبات المستوى الثالث لتخرجهم من السنة التحضيرية و نزول نتائج التسكين .. و أرحب بمن تم تسكينهم في الــعـلوم،، أهلاً بكم علمــاء المستقبل.. هنا بيتكم الجديد اسرحوا و امرحوا فيه،، و تفضلوا بطرح أي استفسار عما يحيركم أو يريبكم و بإذن الله سيتعاون مشرفي و رواد القسم للإجابة على استفساراتكم .. هذا البيت هو بيت الجميع،، و أي بيت مستقل يتم إنشاؤه سيتم إضافته كغرفة هنا .. بمعنى: يمنع فتح أي موضوع مستقل يحمل استفسارًا و إن تم ذلك سيتم دمجه مع هذا الموضوع.. ,* و هنا تجدون مجلة كلية العلوم و التي تعتبر دليل المستجدين و المستجدات في الكلية.. ~|| مــجـلـة كــــلـيـة العلوم (العدد الثاني) ||~ أرجو أن تطلعوا عليها،، فقد تجدون الإجابة فيها على بعض استفساراتكم.. ,* أتمنى أن تطيب لكم الإقامة هنا.. و دمتم بحفظ الرحمن||~

[امانــــــي الغد ,,,]

بسم الله الرحمن الرحيم السلام عليكم ورحمه اللــه وبركاته في بدايه امري احب اخبركوون عن حااالي شوي ... انا طالبه في فرع السليمانيه وخلصت التحضيري وللـّــــــــــه الحمد و جا تسكيني في كليه العلوم مع اني حابه ادخل محاسبه لأني دايم اتخيل نفسي في هاذي المهنه و نسبتي تدخلّني إما كليه العلوم أو كليه الاقتصاد والادارة لكن حطيت العلوم الرغبه الاولى لأن اهلي مايبغوني فالمحاسبه ومثل ما ذكرت لكم فالبدايه إنو جيت فالعلوم والآن محتااارة وش اتخصص في كليه العلوم ... وطبعاً مافرحت مثل مافرحوا الاخوة والاخوات بتحقيق حلمهم كان الامر عندي عادي اجي وين ماأجي ماعندي مشكله الامر بالنسبه ليّا اني اتخصص واجيب درجات عاليه وبعدها الوظيفه بشرط عدم الاختلاط . ولمّا كنت انتظر نتايج التسكين كنت اقول لأهلي إني بدخل كيمياء لأنها كانت احب مادة عندي فالثانوي لكن فالجامعه ماكانت تعجبني من شرح الاستاذة وكمان انا مليت من الماده بكبرها فشلت فكرة الكيميا من راسي وكنت في ذيك الفترة في حاله لا يعلم بها إلا الله لأني كان عندي خوف إني ماراح امشي تمام في هذا القسم فقلت بحوّل للمحاسبه بس انا كنت عارفه نفسي انو انا ابغى ادخل محاسبه عشان انا حابه يكون شغلي مستقبلاً على مكتب وذي الحركات .وبحكم ضعفي قداام اهلي ما قدرت اقنعهم بالمحاسبه قبل مايقفل التسكين لكن بعد ماطلعت النتايج صار الوالد و واحد من اخواني يقولولي ادخلي إلي تبغيه بشررط انو عند الوظيفه ماتتوظفين في شركه أو مكان فيه اختلاط .والحين لما افكر فالتحويل تجيني قناعه انو خلاص ما أبغى المحاسبه لأنو اساسا تفكيري في دخولها كان للشكل الخارجي وإني ماني قد موادها وإني اتعب عشانها . واخييييييييرَا وليس آخرًا قلت بأدخل احصاء على قناعه ورضى تااام إنو ان شاء الله انجح واستمتع في هاذي القسم وإني مالي غيره والآن لا يسعني إلا أن اقول إن الخيرة فيما اختاره الله وبالتوفيق للجميــــــــــع ،،، فـ إلي حابه اعرف عنه هوا رأيكم يا طالبات قسم الاحصاء عن المواد إلي درستوها و تجربتكم في هذا القسم وصلّى الله وسلّم على سيدنا محمد وعلى آلـــــــــهِ وصحبه اجمعين ,,,

[hanan 510]

"عسى أن تكرهوا شيئا وهو خير لكم ً" صدق الله العظيم
الله يوفقك أن شاء الله ،،
انا من طالبات الرياضيات ،،
ممكن انك تشوفي الخطة حقت القسم في موقع الكلية ،،

[امانــــــي الغد ,,,]

الله يوفق الجميع إن شاء الله
بغيت اسألك شلون شايفه دراستك للرياضيات . لأنو انا بصراحه كنت حاطه الرياضيات الاحتمال الثاني بعد الكيمياء وبعدها الاحصاء

[LeLou]

المشاركة الأصلية كتبت بواسطة امانــــــي الغد ,,, بسم الله الرحمن الرحيم السلام عليكم ورحمه اللــه وبركاته في بدايه امري احب اخبركوون عن حااالي شوي ... انا طالبه في فرع السليمانيه وخلصت التحضيري وللـّــــــــــه الحمد و جا تسكيني في كليه العلوم مع اني حابه ادخل محاسبه لأني دايم اتخيل نفسي في هاذي المهنه و نسبتي تدخلّني إما كليه العلوم أو كليه الاقتصاد والادارة لكن حطيت العلوم الرغبه الاولى لأن اهلي مايبغوني فالمحاسبه ومثل ما ذكرت لكم فالبدايه إنو جيت فالعلوم والآن محتااارة وش اتخصص في كليه العلوم ... وطبعاً مافرحت مثل مافرحوا الاخوة والاخوات بتحقيق حلمهم كان الامر عندي عادي اجي وين ماأجي ماعندي مشكله الامر بالنسبه ليّا اني اتخصص واجيب درجات عاليه وبعدها الوظيفه بشرط عدم الاختلاط . ولمّا كنت انتظر نتايج التسكين كنت اقول لأهلي إني بدخل كيمياء لأنها كانت احب مادة عندي فالثانوي لكن فالجامعه ماكانت تعجبني من شرح الاستاذة وكمان انا مليت من الماده بكبرها فشلت فكرة الكيميا من راسي وكنت في ذيك الفترة في حاله لا يعلم بها إلا الله لأني كان عندي خوف إني ماراح امشي تمام في هذا القسم فقلت بحوّل للمحاسبه بس انا كنت عارفه نفسي انو انا ابغى ادخل محاسبه عشان انا حابه يكون شغلي مستقبلاً على مكتب وذي الحركات .وبحكم ضعفي قداام اهلي ما قدرت اقنعهم بالمحاسبه قبل مايقفل التسكين لكن بعد ماطلعت النتايج صار الوالد و واحد من اخواني يقولولي ادخلي إلي تبغيه بشررط انو عند الوظيفه ماتتوظفين في شركه أو مكان فيه اختلاط .والحين لما افكر فالتحويل تجيني قناعه انو خلاص ما أبغى المحاسبه لأنو اساسا تفكيري في دخولها كان للشكل الخارجي وإني ماني قد موادها وإني اتعب عشانها . واخييييييييرَا وليس آخرًا قلت بأدخل احصاء على قناعه ورضى تااام إنو ان شاء الله انجح واستمتع في هاذي القسم وإني مالي غيره والآن لا يسعني إلا أن اقول إن الخيرة فيما اختاره الله وبالتوفيق للجميــــــــــع ،،، فـ إلي حابه اعرف عنه هوا رأيكم يا طالبات قسم الاحصاء عن المواد إلي درستوها و تجربتكم في هذا القسم وصلّى الله وسلّم على سيدنا محمد وعلى آلـــــــــهِ وصحبه اجمعين ,,,

عزيزتي اطلعي على مجلة الكلية في المشاركة الأولى,,
فيها الخطة الدراسية بالإضافة لبعض خبرات الطلاب في مجال التخصص..
و فيها جميع تخصصات العلوم ما عدا الفلك،، و هو غير متاح للطالبات من الأساس..

و ربنا يوفقك يا عسل و استخيري أولاً و أخيرًا..
بالتوفيق||~

[منت فآهم]

أنا طالبة تخصص احصاء ادرس في الفيصليه

بصراحه التخصص جداً ممتع و كل اللي يدرسون بالاضافة الى رئيسه القسم متعاونين لأبعد حد حتى لو كان عندك مشكلة او ظرف فالكل بجانبك يعني ما تخافي من هالناحيه وبالنسبة للمواد سهله أكيد في وجود استاذات مثل رنا باكوبن و الدكتورة مها الدحلان وغيرهم من الأستاذات

فـ توكيلي على الله وربي يوفقك

[امانــــــي الغد ,,,]

المشاركة الأصلية كتبت بواسطة lelou عزيزتي اطلعي على مجلة الكلية في المشاركة الأولى,, فيها الخطة الدراسية بالإضافة لبعض خبرات الطلاب في مجال التخصص.. و فيها جميع تخصصات العلوم ما عدا الفلك،، و هو غير متاح للطالبات من الأساس.. و ربنا يوفقك يا عسل و استخيري أولاً و أخيرًا.. بالتوفيق||~

بالفعل اطلعت على مجله الكليه ولا يسعني إلا ان اقول جزاكم الله ألف خير ومجهود بصراحه تشكروا عليه بس إلّي مستغربه منه المجالات الوظيفيه لقسم الاحصاء شكلها ماتنوصل لها بالبكالوريوس ولاّ ؟
"مشكورة ياخيتي وماتقصرين "

[LeLou]

المشاركة الأصلية كتبت بواسطة امانــــــي الغد ,,, بالفعل اطلعت على مجله الكليه ولا يسعني إلا ان اقول جزاكم الله ألف خير ومجهود بصراحه تشكروا عليه بس إلّي مستغربه منه المجالات الوظيفيه لقسم الاحصاء شكلها ماتنوصل لها بالبكالوريوس ولاّ ؟ "مشكورة ياخيتي وماتقصرين "

و إياكِ يا أُخيَّــة :)

بالنسبة للمجالات الوظيفية احنا ناخذها من موقع الجامعة،، بس ممكن إذا اتوظفتي في مكان و أثبتي جدارتك بعد مدة تترقي و توصلي للمناصب دي بإذن الله..


بالتوفيق||~

[امانــــــي الغد ,,,]

انزين لو سمحتو انا ابغى اروح للجامعه بكره إن شاء الله بسبب ان بطاقه الصراف ماعادت تسحب ..فما ادري إذا موظفات البنك مداومين ولا لأ؟
وفي بالي كمان اني اروح ارتب رغبات التخصص بس ما ادري اروح لمين ؟؟
وهل بيعطوني وجه ولاّ بيقولولي تابعي الاودس ؟؟
فأفيدوني

[LeLou]

المشاركة الأصلية كتبت بواسطة امانــــــي الغد ,,, انزين لو سمحتو انا ابغى اروح للجامعه بكره إن شاء الله بسبب ان بطاقه الصراف ماعادت تسحب ..فما ادري إذا موظفات البنك مداومين ولا لأ؟ وفي بالي كمان اني اروح ارتب رغبات التخصص بس ما ادري اروح لمين ؟؟ وهل بيعطوني وجه ولاّ بيقولولي تابعي الاودس ؟؟ فأفيدوني

أعتذر على تأخر ردي..

ما أعرف إذا ممكن ياخذوا منك الطلبات أو ممكن يقولوا لك استني لما يفتح بالآوديس..
بس عمومًا المفروض تروحي للشؤون الأكــاديميــــة في كلية العلوم الدور الأول جنب الشبابك لاستاذة اسمها اعتمــاد..

بالتوفيق||~