بنوتااات ايش رايكم في جدولي ... طالبه مستجده

[ريم17]

بنااات انا طالبه مستجده هدا اول ترم لي في التخصص فعشان كداا ابغى رايكم في جدولي؟؟؟


علم نفس عام
الإرشاد والتوجيه للاطفال
ثقافه 2
عربي 2
أسس التغذية
الفنون الإسلاامية ...
وبناااااااااااات ممكن أسألكم الي درست فنون اسلاميه ياليت تقولي ايش تاخذوا فيهاااا يعني نرسم فيهاا ؟؟؟ ومين افضل استاذه تدرسهاا؟؟؟

[رندا البحري]

إنتي إقتصاد منزلي؟
علم النفس أخذتها مع منى هبد وفي كمان هيفاء هزازي هادولا كويسين
الإرشاد وتوجيه للطفال مادة مراااااااااا دسمة ودرستني أ-أسماء السرسي موكويسة
ثقافة خذيها مع صباح العرفي أو رشا رجب أو شكران أو إيمان باجابر كلهم كويسين
عربي خذيها مع رضية باحميد أو مريم حديدي
أسس التغذية أنا أخذتها مع د-راوية رزق أخذت أعلى وحدة في الشعبة بس للأسف سافرت
فنون إسلامية أخذتها مع زهرة الغامدي كويسة مرا بس للأسف سافرت تكمل ماجستير...في عندك كمان فاطمة عمران كويسة

[shnshn halawa]

اهلين ياعسل

علم نفس ماده عاديه ما تعتبر دسمه انا اخدتها مع أ.خديجه مشهور
مره كويسه واسئلتها سهله عندها بحث واحد تسوي فالسمستر على عالم انتى تختاري
بس عندها الحضور بالدقيقه ولا تحسب نص غياب ماعندها (يما ارحميني) فالحضور :)

ارشاد وتوجيه الصراحه ماده تعتبر مره دسمه وكلامها مره طويل
انا اخدتها مع أ. اسماء السرسي مرررررررررره مو كويسه وتكاليفها كتير واسالتها مقالي وصعبه

ثقافه2 طبعن سهله كل الثقافات سهله
عربي2 كمان سهل اسهل من 1 بكتير

اسس تغذيه مو صعبه بس يبغالها حفظ ومزاكره اول بأول لانها طويله شويا
وفيها جزء الفيتامينات والمعادن يلخبط بس ... انا اخدتها مع أ.هاله خطاب
مره كويسه اهم شي عندها تخططي معاها تعطي 4 تكاليف على كل تكليف 5 درجات
يعني 20 درجه مره تساعد وتغير فالتقدير.. اسئلتها مشكل من كلو

الفنون الاسلاميه ماده تعتبر كلها رسم الجزء النظري مره قليل عليه 10 درجات بس فالاختبار
انا اخدتها مع د.ناديه الخطيب مرررررررره اكوس شي فالدنيا
ومره تفهم وماتعطي شغل كتير يتهيالي هيا اقل وحده من استازات الفنون تعطي واجبات
تقريبا كل اسبوع تلاته رسمات

انا برايي صعبه انك تجمعي بين اسس تغزيه وارشاد وتوجيه سوا
ممكن تبدلي وحده منهم بماده اسهل ازا يمديكي
والله يكون في عونك يارب

[ساكنه في بيتنا]

المشاركة الأصلية كتبت بواسطة ريم17 بنااات انا طالبه مستجده هدا اول ترم لي في التخصص فعشان كداا ابغى رايكم في جدولي؟؟؟ علم نفس عام الإرشاد والتوجيه للاطفال ثقافه 2 عربي 2 أسس التغذية الفنون الإسلاامية ... وبناااااااااااات ممكن أسألكم الي درست فنون اسلاميه ياليت تقولي ايش تاخذوا فيهاااا يعني نرسم فيهاا ؟؟؟ ومين افضل استاذه تدرسهاا؟؟؟

علم نفس \ ارشاد توجيه \ اسس >>> كلهم كلامهم كتير و حفظ ..
اختاري يا اسس يا ارشاد

فنون .. اخدتها بس مو عارفه كيف افهمك ايش درسنا ..

[Roa'a]

علم نفس .. مع استاذه هيفاء هزازي
والله زي العسل الانسنانه دي
اما ارشاد وتوجيه الاطفال .. نصيحه خديها مع د- اسماء السرسي
لانو هما 2 اللي يعطوا الماده منى هبد و أسماء السريسي
بس اسماء السرسي اسئلتها من النوع اللي تجيكي كوبي من الكتاب ماتغير ولا حرف
ولو ايش ما كتبتيلها اجلسي اكتببي كل اللي تعرفيه ولا تخلي سطر فاااضي
كدا انت بالنسبالهااا بيرفكت وتعطيكي فل ماارك =)

عربي 2 وثقافه 2 مافي اسهل منهم

اما اسس تغذيه انا اخدتها مع دكتوره امل عبد الرازق مررررره رائعه
وشحرها مره حلو
واسئلتها كلها موضوعيه اختيارات وصح وخطأ
بس انو الماده طويله وكلامها كتير يبغالها حفظ اول بأول

وفنون اسلاميه ماده مره حلوه حتستمتعي فيها
ونصيحه مني خديها مع استاذه نسرين بخيت
لانو يعطوها شعبه وحده وتلاقي كل البنات يبغوا عندها
فان شاء الله تلحقي وتلاقيلك مكان عندها
من جد مررررررررررررره رائعه دي الانسانه
وفي كمان استاذه ناديه الخطيب
برضووو كويسه بس انا مااخدت عندها لاني كنت مع استاذه نسرين


^_"

موفقه يااارب

[ساكنه في بيتنا]

اما ارشاد وتوجيه الاطفال .. نصيحه خديها مع د- اسماء السرسي لانو هما 2 اللي يعطوا الماده منى هبد و أسماء السريسي بس اسماء السرسي اسئلتها من النوع اللي تجيكي كوبي من الكتاب ماتغير ولا حرف ولو ايش ما كتبتيلها اجلسي اكتببي كل اللي تعرفيه ولا تخلي سطر فاااضي كدا انت بالنسبالهااا بيرفكت وتعطيكي فل ماارك =)

رؤى صايره عليكي معلومات دي الأيام مدري من فين جايه

د. منى و د.أسماء سافروا نهاية الترم اللي فات >> حيوحشوني كتيييييير و الله

بس من جد كانوا اتنين رهيبييين .. الله يذكرهم بالخير ..


نصيحه .. لا تاخدي فنون عند هلا ( مو فاكره لقبها ) ..
شرحها حلو بس اسلوبها شويه ينرفز :) ..