اللي اخذت تسويق عند د. نعيمه ياليت تدخل

[joony]

انا كمان شعبة الساعه 11 بكرا

بس فيه كلام كتير مكتوب بالسلايدات مو مكتوب بالكتااااب فااحس السلايدات مهمه
لانو زي مابتشوفوها هيا ضايفه اشياء من نفسها عن العرب والمنتجات السعوديه

فااعتقد انو تعبانا الدكتوره عليها اكيد لازم تجيب منها ..... والله اعلم

[ҳҲҳŔỜŔỜҳҲҳ]

المشاركة الأصلية كتبت بواسطة my world رورو لا تحذفينهااا اخذيهاا وارتااحي احس المادة سهله بس نعيمة مسوية رعب وكليها على الله

:(

كنت احسب بس انا الوحيده اللي انرعب

ياويل حالي الشعب كلو مرعوب ههههههه

المشاركة الأصلية كتبت بواسطة طآلبة ع ـــزووزيــهـ هههههه آنآ معااككم في شششد الاعصصآب < الله يستر ششكلوو بككرآ آلدوور عليآآ جووووني ورورو انتو آي ششعبه ..؟؟ انا من 11_12:20 وآحسس السلايداات مالها دااعي ..آنآ آإششر معاها ع الكتااب واذاكر منو .. الله يسستر ويعددي هالممادهـ ع خخير..

الحمد لله ان جا دورري بس مازال الرعب متأصل فيني كل كلاس

ياررب بكره تجينا مروقه ومتسألش ايتها حاقه<<

ايه انا معاكم ف نفس الكلاس

امييين ياررب

المشاركة الأصلية كتبت بواسطة my world رورو معاانااا بكلاس 11 يا عزوزية ..~ هههههههههههههه هو شكلو بيغلق الترم وماتقومك لا انتي ولا اناا نعيمة تذكرني بذا الفيس على شد الاعصااب فهو شد اعصااب

تبغيني احسسدكم يعني


هههههههههههههه

المشاركة الأصلية كتبت بواسطة طآلبة ع ـــزووزيــهـ ^ قوولي ماشاء الله ي دووووب ششكلو بككرآ آنآ وانتي ع راس القائممه السوودآء <

اجل احفظو الكتاب من قلببب

المشاركة الأصلية كتبت بواسطة joony شوفي العام انا اخدت مع نعيمه قعدت معاها اسبوع "شد اعصاب" وبعدها حدفت الماده ..... وارتحت ودا الترم حاطه فبالي ادرس دي الماده ومالقيت من نحاستي الا دي الدكتوره وقلت ياانا ياهيااا 5 درجات المشاركه خلاس فقدت الامل وبايعتها هههههههه وبالنسبه للاسايمنت وباقي الدرجات انا صحباتي كتير قالولي انها حقانيه في الدرجات بس هيا الله يهديها ... تخوف بطريقتها تستحدم اسلوب مدارس حقت زماااااان كمان ... ومديه الماده اكبر من حجمها استخيري والافضل انو تاخديها لانو هم وينزاح كوز الترم الي فات ندمت اني حدفتهااااااااا وبالتوفيق

الله يكتب الللي فيه الخيررر

انا صراحه متفائلة فيها بس يوم شفت صحباتي حذفو ابت نفسي إلا انا احذف معاهم

الموت مع الجماعه رحمممه

المشاركة الأصلية كتبت بواسطة joony انا كمان شعبة الساعه 11 بكرا بس فيه كلام كتير مكتوب بالسلايدات مو مكتوب بالكتااااب فااحس السلايدات مهمه لانو زي مابتشوفوها هيا ضايفه اشياء من نفسها عن العرب والمنتجات السعوديه فااعتقد انو تعبانا الدكتوره عليها اكيد لازم تجيب منها ..... والله اعلم

لا ما اتوقع هيا مجرد امثلة توضيحيه بتوصلك فكرة الشي اللي بنأخده عشان كدا حطت الاعلانات عربيه وهيك

[samya]

المشاركة الأصلية كتبت بواسطة ҳҲҳŔỜŔỜҳҲҳ الله يسعدكك يارررب بس بسألك عن نقطه معينه ( ف وحده اليوم صحبتي قابلتها وقالتلها انو فالاسايمنت ماتعرفي ايش تبغى يعني مثلا تكون طالبه نكتب عن شي وبعدين يوم نسلمه ننقص عليه وتقول شي ثاني غير اللي مطلوب ) انا خايفه من ناحيه انو ماننوصل للي تبغاه لانو ف ناس مهما سويتي ماتعرفي ايش يبغو بالضبط انا متردده احذف الماده خصوصا ان صحباتي حذفوها اليوم

آنا صراحة ماقابلت دي النقطة
طيب انتي ريحي نفسك واسأليها عن كل شي ولمن تنقصك لاقدر الله وانتي حاله وقتها اسأليها وقوليلها ليه ودا من حقك بس بعد ماتكوني فاهمة هيا إش تبغى

استهدي بالله ولاتحذفيها ولاتسمعي كلام البنات..
نصيحة لوجه الله..خليكي ماشيه ع الخطه تمام لانو لو مااخذتيها دحين بتتراكم عليكي وبتكرهين نفسك آضافه الى إنك بتشيلين همها الين ماتاخيها
واتوكلي على الله اولاً واخيراً :)

[همس البنفسجْ]

رورو كلمت كولا اليوم بكرا حقولك شو قالت لي

وخلاص ترا بطلنا

بكرا من الصباح حنروح نسحب الحذف

ان شاء الله مانكون اتورطنا وودتها للعمادة

[Joda Majed]

يابنات استهدو بالرحمن وصلو على النبي اشبكم ؟؟

الدكتوره لطيفه ورائعه ومتميزه ماشالله !!

كل المشكله الي عندها بس تسآل بالكلاس وتقوم البنات يشاركو فقط ؟

تعالي قاريه الكتاب بعينك مشيهها عليه وخلاص ؟!!!

بعدين الاسايمنت ولا حاجه هوا سوال يتيم وحيد ، ترجميه بقوقل واكتبي الاجابه بفهمك عليه وبس

مررررررا مايحوجك للقلق دا كله

بعدين لو بتاشرو سلايداتها على الكتاب وتذاكروها بس تجيبو درجات كامله

وبس !!!

[Nice mimo]

هو في اسايمنت اعطتكم هو نعيمه
وانا نايمه في العسل من كتر غياباتي
بالله اللي تعرف تقولي ايش هو الاسايمنت ساعدوني

[طآلبة ع ـــزووزيــهـ]

لآ لسسآ مآ قالت شي ع الاسآيمنت ..

اليوم سألتها وقآلت انو رآح تجيبه الاسبوع الجاي وتوزعه علينآ


كويس شالت من رآسهآ فكره انو تنزله ع الاون لآين


موفقــين ...

[Nice mimo]

بعد ايش بعد ماشرينا الكتب الله يسامحهم بس غصب يدفعو الواحد

[Rema s.s]

المشاركة الأصلية كتبت بواسطة ҳҲҳŔỜŔỜҳҲҳ السلام عليكم ورحمة الله وبركاته طلب صغيرون من اللي درسو تسويق عند د. نعيمه كيف تعاملها مع الطالبات من حيث الدرجات الااسايمنت، المشاركه وهيك يعني الدرجات اللي ف يدها ياليت بككل امانه تعطونا خبرتكم عنها الله يسعددد اللي ترد عليا ويوفقها دنيا واخرره

ما ابغى افجعك بس نعيمة جدا جداااا ظالمة الل يعينك عليها بما انو هيا بس الي تدرس مضطريين تاخدو معاها ..
مرررررررررررره ما تساعد ولا تدي درجات
انا الحمدلله درجاتي بالاختبار كويسه
و في النهايه ادتني درجه مشي الحال
كان بيدها 20 درجة اول شي الواجب عليه 5 درجات لحاله و تخيلي انها ادتنا واجب واحد و تقول ما عندي وقت اصحح عشان كدا ما ادتنا واجب ثاني !!
يعني حطت 5 درجات على واجب ةاحد الله يسامحها عشان حضرتها ما عندها وقت تصححح
و درجات المشاركه الي هيا 10 طبعا ما اضن احد اخدها كاملة و اصلا مدري على اي اساس حطتها وهيا ما تعرفنا بالاسماء
و في كوز سوته لنا الطامة الكبرى في اسبوع الاستعداد عليه 5 درجات و في شابتريين كاملين عاد ما احكيلك الشابتر الواحد قد ايه مع العلم انو كان في بنات عندهم احصاء فاينل و تمويل مد ترم ولا راعت هدا الشي و قالت كلمتها الشهيرة not my problem
المهم انو ان شاء الله تكون تحسنت هدا الترم و تكون عادله شويا
في النهاية الي ابغى اقوله لك انو شدي حيلك في الاختبارات والدورياات
و الواجب اتعبي عليه لانها ادت كثير 0 < كان ادتهم واحد حق الورق والحبر
بس

[ҳҲҳŔỜŔỜҳҲҳ]

الله يسعدكككم ويوفقكم كلكم

مشكوررين كل اللي ردو

خلاص قررت ما احذفها :)

نخوض التجربة ونقلكم النتيجة :)