وين ممكن اختبر gre

[Choco]

السلام عليكم ورحمة الله وبركاته

كيفكم جميعا

حبيت اسألكم وين ممكن اختبر gre في جدة

[م.عمر]

اختي انتي غلطانه في التهجئة؟
الGRE هو اختبار عام مثل الاختبار التحصيلي الموجود عندنا في السعودية
وهوا اختصارgraduate records examination
وهو خاص بالمسجلين في الجامعات الخارجية
والتسجيل عن طريق موقع ets.org

يمكن قصدك بديل التوفل وهو الGEE
وماادري كيفية التسجيل

او قصدك GMAT وهوا الخاص بالمسجلين للماستر في ادارة الاعمال
اختصار لgraduate management admission test

وضحي ايش قصدك بالضبط

[Choco]

مشكور على الرد جزاك الله خير

انا قصدي اختبار الـ GRE << مدري الظاهر الأحرف بتتحول الى small

لاني عند تعبئة الأبليكيشن الخاص بجامعة الملك عبدالله للعلوم والتقنية طالبين درجة هذا الأختبار اضافة الى اختبار الـ TOEFL OR ILETS

يعني مافي طريقة للتسجيل غير عن الموقع ... مااقدر اروح اسجل شخصيا في مكان الاختبار

انا اللي عرفته انه اعتقد في مدارس دار الفكر الاختبار

[م.عمر]

نعم اختي الاختبار للتوفل والGRE يقام في مدرسة دار الفكر
وللاسف نسيت اسم الشركة اللي ماسكة الاختبارات هذه
على العموم التسجيل مثل ماقلت من النت
بس غريبه لانه هذا الاختبار للجامعات الاجنبيه بس اعتقد انه جامعة الملك عبدالله بما انها جامعة عالمية فيتبعوا النظام الاجنبي
ترى الاختبار صعععععب اذا كانوا هنا الطلاب مايفلحوا في اختبار القدرات والاختبار التحصيلي وهوا بالعربي كيف نفس الاختبار بالانجليزي والله مشكلة
على فكره في الخارج مطلوب الاختبار طبعا لكن مفتوحة الفترة يعني ممكن الواحد يتخرج من الماستر ووقت التخرج يجيب الGRE وولد خالي جاب معدل ممتاز فأعفوه من هذا الاختبار

للاسف ماعندي معلومات شاملة عن هذا الاختبار بس الظاهر انه في اختبار عام واختبار حسب التخصص
ماادري ايش المطلوب بالنسبة لجامعة الملك عبدالله
والاختبار اصبح computer based لكن في جدة مازال paper based وماكتبوا اذا في قسم نسائي لكن في الدمام موجود القسم النسائي

هذه الاقسام
Subject Test
Biochemistry, Cell and Molecular Biology
Biology
Chemistry
Computer Science
Literature in English
Mathematics
Physics
Psychology


Paper-based General Test (offered only in areas of the world where the computer-based General Test is not available)


بس للاسف مني قادر اختارالاختبار في جدة عشان اشوف المعلومات
لانه هذا الاختبار لايقام كثيرا ولا احد يهتم به في السعودية
==================================
التوفل من النت 185 دولار والي دفع كاش اعتقد دفع اكثر
انا لما اختبرت توفل سجلت عن طريق النت ورحت الاختبار بدددددررري قالولنا تعالوا على 10 وننتظر اليييين الساعه 2 ظهر ودخلت الاختبار خرجت الساعه 8 اتخيلي
مو بسبب اني ماعرفت احل لكن الكمبيوتر كان بطئئئئئ كنت احل السؤال في 15 ثانية واضغط الزر للانتقال للسؤال الثاني انتظر من 3 -4 دقايق وانا حاط يدي على خدي جيعاااان وابغى اصلي العصر ومحصووور ومااقدر اتحرك بسبب انه مابدات فترة الراحة الا الساعه 6
ماادري اذا صلحوا المشكلة هذه ولا لأ
حاولت اجيب رقم الشركة في دار الفكر ماقدرت
اتصلي على 905 احسن
اعتذر عن اجابتي الملخبطة والناقصه اذا في شي اضافي حاضرين

[Choco]

مشكور اخوي على التوضيحات الله يسعدك :)

ايوة انا شفت نماذج من الاختبار والظاهر انه صعب اذا ماذكرت بس لانه المعلومات اللي فيه مرت علينا في الدراسه والحمدلله الدكاترة ماقصرو باختباراتهم الصعبة

....................

ياليت يكون الاختبار مفتوح بالنسبه لجامعة الملك عبدالله ان شاءالله اسألهم واشوف<<< رفعت معنوياتي

في جامعة الملك عبدالله مب محددين نوع الاختبار اذا كان general or subject

...................

وبالنسبه لجده في نسائي ان شاءالله ...

انا لما بدءت اسجل في الموقع لقيت womend and men ,بس الحمدلله في جده مازال paber based والله شلت هم الاختبار على الجهاز

الله يجزاك خير ماقصرت

بالتوفيق

[jode2008]

Choco اختبرتي ولا لا ؟ اذا اختبرتي كيف كان اختبارك ؟
وهل اقدر التسجيل بغير النت لانه حوسه الموقع ؟!

[dr_love]

ممكن تراجعي الرابط التالي

www.ets.org
وبعدين اختاري GRE

واعتقد بعد ماتسجلي في الموقع تقدري تشوفي اماكن الاختبارات في السعودية

بس اللي اتذكره بالنسبة للـGMAT مافي الا في الرياض ما ادري بالنسبة للـGRE اذا متوفر في جدة ولا لا

[jode2008]

يعطيك العافيه اخوي دكتور .. عندي الموقع بجرب اسجل مره ثانيه

[jode2008]

قبل شوي سجلت وسويت بحث طلع اختبار في 21 فبراير ومافي اماكن متوفره في جده , لكن مو كاتبين مواعيد اختبار ثانيه بس اختبار واحد في فبراير !!
متى ينزلون مواعيد ثانيه ؟

[dr_love]

تقدري تحددي مدة البحث عن توفر الاختبار الى حد 3 اشهر اعتقد

واذا مافي في جدة جربي في الرياض يمكن زي الجيمات مافي الا في الرياض بس الجيمات شركة ثانية