ايش تنصحوني .؟!

[weam.m]

سلام
انا كنت ابا اخد رايكم وايش تنصحوني
انا بكرا موعدي في ام القرى الساعه 8 والاقسام العلميه الي بقيت فيزيا وكيميا واحياء ورياضيات
اروح وموعدي بكرا ولا اروح موعدي في عبد العزيز يوم التلوت من الساعه 8 الين 9
علما بانو نسبتي الموزونه 84.65 يعني تتوقعو انقبل في فرع ولا الجامعه ؟؟

[حلا الحلوه]

وعليكم السلام

شوفي يَ عسل اذا انتي عندك رغبة في الاقسام الطبية ( طب ، طب اسنان، علوم طبية تطبيقة، صيدلة ) فـ نصيحة ادخلي جامعة الملك عبدالعزيز

اما اذا تبي علوم ويرضي طموحك دا الشي في روحي ام القرى (:

مع العلم انو كل الكليات راح تكون مفتوحه لكِ في جامعتنا

بالتوفيق ^_^

[besho2009]

اممممم

انا اشوف انك تستخيري اول شي بعدين ازا تبي اقسام طبية ادخلي هنا ماراح تخسري شي

بس مررة يبالك شدة حيل .. لو جبتي المعدل المطلوب للكليات الصحية كان بها لو لأ لاسمح الله ..

تقدري تدخلي كلية العلوم داك الوقت ..

[hadeel a]

زي ما قلولك البنات أول شي استخيري و شوفي انتي اش تبغي قسم
و أنا ما ابغا احطمك بس أقولك اللي أعرفو عشان تعرفي تقرري لأن السنة اللي فاتت قفل الفرع الرئيسي على نهاية يوم الاتنين بس ما تعرفي اش يسير دي السنه .. بس الدراسه في الفروع مها بطاله يعني ما فرقت عن الدراسه في الجامعه و فيها مميزات مها موجوده في الفرع الرئيسي .. و موفقة يا حلوه

[weam.m]

الله يوفقكم يارب ويديكم الي تتمنوه
يعني محا الحق الفرع الرئيسي
طيب الفروع الباقيه تكون بمكافاه وانتظام ؟

[besho2009]

^^

لا بمكافاة إن شاء الله

وحلو موعدك التلوت كمان من 8 يعني من يوم مايفتحوا الجامعة وع الاغلب راح تكوني في فرع الشرفية بما انك علمي

[weam.m]

شكرا ياقلبي