لكل من يريد خصم في دبلوم الإنجليزي بكلية دار الحكمه

[حلم عمري]

سلام عليكم

كيفكم بنات ؟

اليوم أنا رحت كلية دار الحكمه أبغى أسجل في دبلوم الإنجليزي

طبعا قالولي إن الدبلوم 6 مستويات لو اخذتها كلها اخذ شهادة دبلوم ولو بعضها كل مستوى اخذ شهادته

المهم المستوى مدته شهرين وسعره 6000 ريال طبعا مبدأيا هوا يبان غالي

بس لو حسبناها الدراسه عندهم مكثفه المستوى الواحد ب 4 مستويات في معاهد تانيه وسمعتهم حلوه الكل يمدحهم

المهم سألتها اذا في عروض لطالبات جامعة الملك عبد العزيز قالت لا

بس إذا رحنا نسجل قروب 10 بنات يعطوهم خصم 10% فقلت اللي تبغى تسجل معانا وتستفيد من الخصم

بكرا كمان بروح وأسألهم إذا كنا 20 بنت يعطونا خصم 20%

طبعا البنات ممكن يكون من برا الجامعه صاحباتكم قريباتكم أي أحد

على كلامها الدوره بتبدأ بعد 3 اسابيع تقريبا يعني اللي عندهم اختبارات دحين طبعا مهم فاضيين يروحو يسجلو بس في مجال بعد ماتخلصو إختبارات علطول عشان مايقفل التسجيل

بس سلامتك شكرا لوقتكم

[فوقـ الخيالـ]

الله يوفقكم خيتو

بس انا اشوف ٦٠٠٠ جدا كثيره بشهرين

جامعه الملك فهد على كبر قدرها ٦ اسابيع ب ٢٠٠٠ ريال
و مدرسين اجانب زي اللوز

[Mawjood]

Thanks

[حلم عمري]

للرفع

فوق الخيال شكرا وأنا كنت شفايفتها كثير إلى الأن بصراحه !

عشان كدا أحاول استفيد وأفيد دام ممكن يجي خصم 10%

ولها مميزات صراحه تخلي الواحد يفكر يجرب حظه في أول مستوى ناسبه الوضع ولا يغير

طبعا محد مجبور يكمل الدبلوم كامل

بنات فينكم ولا وحده مفكره تسجل ؟

[حلم عمري]

رفع

بنات مافي أحد يبغى يسجل ؟

ماباقي وقت كثير

[افنان الصمدي]

حلم عمري انا ابغى اسجل
بس متى تبداء الدارسه واذا عندك فكره في مجال في شهر شوال انا معاكي

[eeewy]

وانا معاكم كمان اذا انتو حابين تسجلو دبلوم انجلش

بس متى نروح نسجل ؟؟؟
وكيف راح نتقابل ؟؟؟

[eeewy]

هوا الدبلوم يبدأ التسجيل في شوال اعتقد 10 شوال دا كلامهم لاخر مرا رحتها عندهم والي هوا الاسبوع الي فات

[eeewy]

بس انا محتارة كمان بين دبلوم دار الحكمة في الانجلش وبين معهد السعودي البريطاني

ايش الافضل بصراحة ؟؟؟؟؟

[افنان الصمدي]

بصراحه مااعرف عن السعودي البرطاني انتي تقصدي الي في شارع حايل ,
اذا هوا انا وحده من صديقاتي سجلت فيه تقول مرررررررررررره مو حلو !!!!ليش ؟!لانه اول شيء ساعة ونص مدة وثاني شيء والاهم من هذا يعتمد عليكي كيف؟؟بس تشرح القاعده وانتي حسب الكلمات الي عندك ركبي الجمل ..
انا اشوف مافيه اي نوع من الحماسه حتى هياء مررره ماحبتو ,وكانت تقول في معهد اعتقد اسمه (بيلز)مااعرف كدا اسمه ولا لا بس حلو لانه قروب لا يتجاوزو عن الثمانيه القاعده الى اخدوها امس اليوم الثاني يتكلمو ويجمعو كلمات ويقيمو بعض في النهاية المشرفه تقيمهمة ,,
انا سمعت انه دار الحكمه زي كدا تفهمي المعنى وليس القاعده وبس ونجرب مسنوى واحد وبعدين من اربع ساعات اتوقع مدة شهرين يوميا الى وماتستفيدي نجرب مستوى واحد ونشوف


بس وي حلم عمري .,وكيف نتواصل عن طريق البيبي ايش رايكم ,,