( .. وظائف للسعوديين بالكويت .. )

[يارب تساهيل]

والله موضوع رائع صراحة

انا بكلوريوس مكتبات ومعلومات ودي اروح اقدم بالكويت بس مشكلة المحرم الي حرمني بعد من تقديمي للبعثة

استغفرلله استغفرلله

[ولد الجهراء .....]

المشاركة الأصلية كتبت بواسطة خريج بممتاز السلام عليكم ورحمة الله وبركاته .. اولا: اخوي تحية عطرة لك على جهودك واسأل الله العلي العظيم ان ينفع بك الامة .. ثانيا: انا خريج هذه السنة ما مر على تخرجي اكثر من اسبوعين تخصص تربية خاصة مسار صعوبات تعلم وتقديري ممتاز مع مرتبة الشرف واتمنى ان اجد وظيفة كمعيد في احد الجامعات او في التعليم اذا كان افضل وله مميزات اعلى من ماهو موجود عندنا .. ولو تقدر تساعدني بأي شي انا بكون ممتن لك .. واسأل الله لي ولك الاجر ..

وعليكم السلام ورحمة الله وبركاته ....


العفو أخوي ,, الله يجزاك خير

تقدر تقدر أخوي عالتعليم وزارة التربيه اللي يكون فيها التقديم بالشويخ بجانب المعهد التطبيقي


لكن أنا للأسف حالياااا برى الكويت حالياااا

وأتوقع تقدر تقدم الحين

لكن خلني اليوم أتصل على الكويت وأخلي أحد من الشباب يمر الوزارة

عشان أعطيك الأوكي وتروح تقدم وإذا ماعندك أحد بالكويت أنصحك تشتري رقم كويتي

ووقيمة الرقم مع الشحن تقريبا 5 دنانير بس عشان تخليه فقط لأنتظار أتصالهم للمقابله

والخط الكويتي يستقبل بالسعوديه << وهذي النصيحه للكل

أنا ماعندي مشكله أحط رقمي لكني أسافر كثير


موفقين تابع الموضوع

[ولد الجهراء .....]

المشاركة الأصلية كتبت بواسطة يارب تساهيل والله موضوع رائع صراحة انا بكلوريوس مكتبات ومعلومات ودي اروح اقدم بالكويت بس مشكلة المحرم الي حرمني بعد من تقديمي للبعثة استغفرلله استغفرلله

كلج ذوق

يقبلونج بالتعليم أمينة مكتبه << وظيفتهاااا راحه حصصها قليله

وبس تأخذين الطلبه وتقعدينهم بالمكتبه

صدقتي أختي مدرسه صعوبات تعلم معاها بنت من جده

وأختي الثانيه معاهااا بنت مدرسه من أهل رفحاا ساكنه في بيت عمها بالكويت

[ولد الجهراء .....]

إجابه عامه لمن يسأل عن وقت التقديم بالنسبه للتربيه التعليم :


اليوم بدت الأختبارات يعني مافيه تقديم الأن , بعد النتائج سيكون وقت التقديم

وإذا صار عندي أي معلومه سأضعهاا هنا على طول

[لولوه احمد]

السلام عليكم ورحمة الله وبركاته

اولا الله وجزاك الف خير يااخونا

انا بطرح مشكلتي مع هالتوظيف انا متخرجه من دبلوم اداره وصارلي سنتين ابحث عن وظيفه
رحت لنواب والكل يقول مافي مسكر المجالات السعوديات

علما. بان أمي كويتيه وأبوي سعودي وانا دارسه بالكويت من مراحل رياض الاطفال ليما الدبلوم

[خريج بممتاز]

اخوي ولد الجهراء مشكور يالغالي ... بس ممكن تقولي ايش مميزات مدرس التربية الخاصة عندكم .. لاهنت ...

[يارب تساهيل]

المشاركة الأصلية كتبت بواسطة ولد الجهراء ..... كلج ذوق يقبلونج بالتعليم أمينة مكتبه << وظيفتهاااا راحه حصصها قليله وبس تأخذين الطلبه وتقعدينهم بالمكتبه صدقتي أختي مدرسه صعوبات تعلم معاها بنت من جده وأختي الثانيه معاهااا بنت مدرسه من أهل رفحاا ساكنه في بيت عمها بالكويت

كيف طيب اقدم بالتعليم عندكم ؟هل مساله صعبة بالتقديم ولاكيف ؟

[لولوه احمد]

ولد الجهرا من زمان ماطل علينا

[ولد الجهراء .....]

السلام عليكم ورحمة الله وبركاته ...

أسف عالتأخير ,,,

كنت مشغول وأغلب وقتي مسافر

واليوم فتحت الايميل ولقيت ثلاثه مرسلين أوراقهم

وإن شاء الله بحاول اسوي اللي أقدر عليه

وطبعااا ماأقدر أقدم حق شخص أخر

لكن إن كان فيه أستفسار أعرف أجابته حاضر

موفقين جميعا

[غزآل ـؤمآيصيـدـؤنهـ]

اذا فيه مجال تعطيني الرابط تبع الوظايف عشان اقدم عليه


أكون شاكرة لك


وبالتوفيق لك