باركوووولي رجعت للصيدلة ^_^

[Miss Bero]

سلاااااااااااااام ياطعمين
طبعا انا من رمضان اكرف في الجامعة عشان يحولوني من صيدلة لطب
لانو جاتني حالة مو طبيعية فجاة مابدي صيدلة ونفسيتي زي الزفت الله لا يهينكم
وفوق دا كلو زن اهلي على راسي ادخلي طب ادخلي طب مع انو الصيدلة رغبتي الاولى
المهم
بعدين لمن رحت الجامعة وشفت المرمطة على اصولها قلت ابوك على ابو الطب لوفيها خير كان الله ما عكرلي الهرجة والحمد الله مبسووووطة وانا صيدلة واكيد الله كاتبلي فيها الخير واانا راضية بقضاؤو وقدرو
لكن الي قهرني يوم ماقدمت ورقة تحويل بعدها قالولي لاماينفع من كلية لكلية عن طريق النت وخلاص وقفلو الموقع ومش عارفة اييييه وقلتلها على اي اساس خلتوني اقدم ورقة تحويل تقول مدري يابنتي هدا مو شغلنا اجل شغل مين هااااااااااا ما اقول غير ياااااااارب
قلت خليني اقول الغلطة الي غلطتها عشان محد ينحط في موقفي ويصير بليد مو داري الله فين حاطو
التحويل من كلية لكلية عن طريق الموقع ياحلوووووين >>>>>>بدري
ومدري اتوقع قفلوه دحين ماعلينا المهم باركوووووووولي لاني رجعت صيدلة هدا اهم شي
وكل الحماس الي طلعتو باول يوم انقبلت فيه حطلعو دحييين
ودعوااااتكم .....