حابة تفيدوني

[doddi]

السلام عليكم ..
انا طالبة سنة تحضيري و خلصت الترم الاول الحمدلله على خير
بس حابه استفيد من تجربة الي قبلي و اشوف نصايحهم

انا حابة ادخل طب بس مرا خايفة و زاد خوفي لما دخلت التحضيري و ما حبيت الاحياء كنت استصعبو و كنت اخاف منو مع اني جبت فيه الدرجات الكاملة الحمدلله و ما كنت احبو عشان ما احب الحفظ و اشيل همو فا مني عارفه ايش اسوي :( وكل ما افكر قي تخصص تاني ما احسني ابغاه !!!

ف ايش اسوي:( ياريت احد يساعدني و يشجعني

[حمودي813]

انتي تغبين طب وماتحبين الأحياء كيف ذي ماتجي المهم تخصص الطب أغلبه حفظ مصطلحات وحوسه عموما شوفي اللي تحبين ولاتنسين تشوفي التخصص في موقع الجامعه وتشوفي المواد والخطه الدراسيه

[Fawazsv]

الطب حفظ وفهم مع بعض ... استخيري وشوفي الانسب لك

[لهيب الزهور]

والله حبيبتي أنا ما ابغى أحبطك

بس الانسان لازم يختار تخصصه بعناية لأنه هو مستقبله كله

انتي اذا دخلتي طب أو هندسة أو غيره راح تكون حياتك المستقبلية الجاية كلها معاه

فلازم نختار بعناية ايش اللي نحبه ويناسبنا




طبعاً أنا مو حابه أحطمك أو أكسر طموحك

ولكن أحياء 110 هو ابسط وأسهل أحياء وأخفها منهج

بعد كذا عندك مناهج أحياء أصعب وأطول وتحتاج تركيز أكبر والأسئلة بشكل غير عن التحضيري

غير انه حطي في بالك انه عندك هالترم مادة وحدة أحياء فقط والباقي مواد فهم

بس في الطب راح يغلب طابع الحفظ وراح يكون عندك في الترم 10 مواد أغلبها ان لم يكن جميعها حفظ واحياء

وطبعاً الدوام طويل مثل دوام التحضيري



انتِ شوفي نفسك اذا تقدري تتحملي وتحبي هذا الشئ

أو انه راح تعاني معاه وماراح تقدري تتقبليه

موووفقة ...

[doddi]

شكرا ليكم كلكم

لهيب الزهور شكرا مرا على توضيحك بس ابى اسألك ! اعرف ناس في الطب ماشالله وكانو زيي ما يحبو المادة و للان يخافو منها بس ماشين الحمدلله و يقولولي لا تحطيه حاجز قدامك !!

و المشكلة مني حابة التخصصات التانية

[AoDi]

الطب ما يلزم انك تحبي الاحياء

الاحياء منهج مشكل حيواني نباتي..


بس اذا كان جسم الانسان و تركيبه يهمك نفسك تتعلمي اكثر و كل ما درستي زيادة تحسي نفسك تتعلمي زيادة الطب يناسبك

و الطب من ناحية الدراسة= فهم +حفظ +تركيز +اجتهاد +صبر....إلخ

حبيتي الكيمياء؟ السنوات الاساسية نصها كيميا مع احياء"بشري"

الاحياء ما تقيسي عليها قسم كامل ..إذا قسم الاحياء ما يشبه الحوسة اللي درسناها..

فشوفي الطب كمهنة مو دراسة ..هل شايفة نفسك تقضي عمرك فيها ولا لا..؟


و بالتوفيق لك و لي و للكل

[smiley14]

وضعك غريب دايما الي يبون طب يحبون الاحياء لانه جزء منه عن الجسم البشري
والي ما دخلوا طب يدخلون احياء <في الغالب
و طب حفظ و فهم زي ما قلوا الاخوان اهم شيء شوفي وش الانسب لك و الي تقدري تتحمليه
موفقه

[doddi]

AoDi

مرررررا احب الكيمياء و استمتع فيها

[Mirinoxd]

لا مين حط الأحياء مقياس للطب :|
انتي فكري ف المستقبل متقبلة انك تكوني دكتورة؟ تعالجي الناس واغلب وقتك حيكون ف المستشفى
بالنسبة للدراسة انتي لما تدخلي طب حتمشي فيلو ولو دخلتي اي تخصص حتمشي فيلو كمان إن شاء الله ف الشي المهم هنا هو تقبلك للتخصص
زي ما قالت وحدة التخصص دا حيكون مستقبلك ان شاء الله
للأسف جامعاتنا مافيها تخصصات عدلة وتخصصاتنا جدا جدا جدا محصورة للأسف وتجبرك تختاري الأحسن ليكي ولعائلتك مو الشي الي تحبيه
ازا انتي حاطة طب في راسك حتمشي فيلو ان شاءالله حتى لو كان صعب
احنا قبل لا ندخل الجامعة الكل كان يحطمنا ويقول التحضيري صعبة وقليل ينجحو الخ ودخلنا والحمدلله اسهل من الثانوي كمان
ونفس الهرجة لما كنا متوسط وانتقلنا ثانوي
ودحين كمان نفس الشي
الله يصبرنا ويكتبلنا الخير أجمعين :""

[لهيب الزهور]

المشاركة الأصلية كتبت بواسطة doddi شكرا ليكم كلكم لهيب الزهور شكرا مرا على توضيحك بس ابى اسألك ! اعرف ناس في الطب ماشالله وكانو زيي ما يحبو المادة و للان يخافو منها بس ماشين الحمدلله و يقولولي لا تحطيه حاجز قدامك !! و المشكلة مني حابة التخصصات التانية

عزيزتي انتِ تقولي الى الآن يخافوا منها

معناته إلى الآن هما مهم مرتاحين في القسم

صحيح ممكن يكونوا هما ناجحين ودرجاتهم عالية ومعدلاتهم دائماً فوق 4 ونص

هما مبدعين في القسم وشطار فيه ما شاء الله بس هذا مو معناته انه مرتاحين في القسم

صحيح هو ناجح ولكن نجاحه أتى مع انعدام للراحة النفسية




الكثر ممن قابلتهم من الطبيبات تمنوا لو أن يرجع بهم الزمان ولا يعيدوا تجربة الطب

وهذا ليس معناه بأن التخصص سيئ ومتعب وما إلى ذلك

ولكن هم لديهم رغبات بعيدة عن التخصص وقد ظنوا بأنه هو الأنسب لهم

فحب التخصص هو أهم نقطة يجب علينا مراعاتها عند الاختيار

ليس للنجاح ،،، فالكثير ينجح في تخصصات غير مرغوبة لهم كثيراً

ولكن للراحة النفسية والطمأنينة ،،، فمتى ما كان الانسان مرتاح البال محب لعمله سينجز أفضل بكثير




أما بالنسبة لمن يقول الطب يجتمع فيه العمل اليدوي مع الفهم ومع الحفظ ،،، فهذا صحيح

ولكنه يعتمد بالنسبة العظمى على الحفظ والعمل اليدوي

وأيضاً يعتمد على الأحياء بشكل كبييييير ،،، ومستحيل أحد ينكر ذا الشئ



فكري ثم استشيري ثم استخيري

وستجدي نفسك في المكان الأنسب باذن الله

موووفقة حبيبتي