اسئلتي عن الماجستير وكيفية عمل موضوع مستقل ..

[طالبه دراسات اسلامية]

مشكوووووورين شهد وغيم على اهتمامكم بالموضوع واكرر اسفي اخوي غيم على الخطأ لاني صراحة مااعرف كثير للمنتدى ومااعرف كيف اعملموضوع مستقل بالنسبه انه بدري والا لا انا الحمدلله باقيلي 3 مستويات فقط وان شاء الله اعديها على خير كان مجرد استفسار فقط

[غيم تايه]

المشاركة الأصلية كتبت بواسطة طالبه دراسات اسلامية مشكوووووورين شهد وغيم على اهتمامكم بالموضوع واكرر اسفي اخوي غيم على الخطأ لاني صراحة مااعرف كثير للمنتدى ومااعرف كيف اعمل موضوع مستقل بالنسبه انه بدري والا لا انا الحمدلله باقيلي 3 مستويات فقط وان شاء الله اعديها على خير كان مجرد استفسار فقط

ولا يهمك اختي :

بالنسبة لعمل المواضيع أنتي لما تدخلي قسم الدراسات الإسلامية أو أي منتدى أخر موجود امامك
عبارة عنوان جديد ، بين المواضيع المثبتة باللون الأحمر ومنتدى قسم الإسئلة والملخصات ،،
اضغطي عليها وتفتح أمامك صفحة اكتبي موضوعك ، ولابد من عنوان واضح يتضمن مضمون
الموضوع ، وبعدها فيه ايقونة اعتماد الموضوع ، وبكذا يطلع موضوعك ،،

بالنسبة للماستر ، فكلامك سليم ، اهم شيء كيف معدلك ان شاء الله تمام ، وهل باقي عدد ساعات
كثير لأن المستويات ليست هي الفيصل بل هي الساعات ، ممكن يبقى للطالب ثلاث مستويات من
ثمانيه ولكن يحتاج إلى فصول أخرى لأن الساعات اللي اخذها كانت قليلة ،، وراح هنا نتناقش
عن خطواتك القادمة ، طالما عندك هذا الطموح ، لكن في اي جامعة ناوية تقدمي ؟! .

موفقه يارب ""

[براري]

السلام عليكم ورحمة الله وبركاته ..

المعذرة على المداخلة ، شفت الموضوع وتحمست كثير كثير ، لأن الفكرة فبالي وحلمي الي أطمح له ، لكن متخوفه و مستصعبه الفكرة شوي ، يا أخ غيم تاية إذا ما فيها كلفة بما أن الموضوع طرح الأن ، ممكن تعطيني فكرة مبدئية عن شروط الماستر ، من ناحية المعدل المطلوب ، ورسوم الدراسة ، عشان أعرف إذا كانت شروطة تناسبني أو لا تناسبني ، وأنا لوبدرسه راح أكمل في جامعة الملك عبد العزيز لذلك أبغى شروط جامعة الملك عبد العزيز .
أدري بدري وبقوة على هذا السؤال بالنسبة لي ، لأني قدامي مشوار طويل في البكلريوس لسى ما أجتزته
لكن أنا حاطة تكملة الماستر فبالي وأطمح لذلك كثير ، عشان كذا راح أحاول أرفع معدلي الي يأهلني للماستر .
الله كريم وموكلة أمري له .

[*ليمونة*]

ماشاء الله حتى أنا إن شاء الله بكمل الله يوفق الجميع ..

أنا قرأت وأخذت فكرة بس حابة أفهم أكثر :)

وشكرآآ

[وردة بسماها]

ماشاء الله على الطموح حلو الإنسان لما يكون له هدف والله ييسر لكم ويحقق امانيكم

[see me]

المشاركة الأصلية كتبت بواسطة طالبه دراسات اسلامية مشكوووووورين شهد وغيم على اهتمامكم بالموضوع واكرر اسفي اخوي غيم على الخطأ لاني صراحة مااعرف كثير للمنتدى ومااعرف كيف اعملموضوع مستقل بالنسبه انه بدري والا لا انا الحمدلله باقيلي 3 مستويات فقط وان شاء الله اعديها على خير كان مجرد استفسار فقط

ابكذا اختي سويتي موضوع جديد ومسستقل .. مشكورة على طرحك .. وأرجو من الأستاذ غيم تاية توضيح جميع النقاط المعدل الشروط نبي نبني عليها حاليآ الواحد يآخذ حسابه من بدري افضل من الاطلاع متأخر ولا يفيد بعدين الاستفسارر .. بتوفيق للجميع

[see me]

وهل المنحة الملكيــة لها وقت وتنتهي .؟ ومتى .؟

[غيم تايه]

المشاركة الأصلية كتبت بواسطة غيم تايه هلا فيك اختي : ما تشوفين انه بدري شوي تسألين عن الماجستير ، والمهم في هذه المرحلة تركزين تجيبين معدل حتى تدخلي في المنافسة للقبول بدون مشاكل أو احتياج إلى شيء أخر ،، وبعطيك فكرة طالما انك متحمسة ، الماجستير ما فيه انتساب ، فيه انتظام وموازي ، وجميعها فيها دراسة في الجامعة ،، وهي ترجع للجامعة نفسها يعني عندك عبدالعزيز تسميها برامج عامة ، وبرامج خاصة ، طبعا الموازية والخاصة هي المدفوعة التكاليف .. وإذا حابه اعطيك فكرة عنها ، ولا يهمك خذي مثلا برنامج التوجيه والإرشاد التربوي تدفعي في الفصل الواحد 10500 ريال ، لكن حالياً أغلب الجامعات جميع البرامج المدفوعة منحه ملكية .. لذلك مطلوب منك معدل وعالي كمان ، ليه لأن المنافسة بتكون على اشدها ، ما تفرق معك برنامج انتظام ولا موازي ، طالما انه مدفوع من الدولة ، أما إذا وقفت المنحة لا هنا يكون فيها تفكير لأن المبالغ كبيرة بالحيل .. عندك جامعة أم القرى ، فيه برامج أهلية للدراسات الإسلامية ، لكن تكلف الفصل الواحد عشرين ألف ، يعني فيه مبالغ كبيرة ،، تختلف من جامعة لآخرى .. بالنسبة للمسارات في قسم الدراسات ، من ناحية السهولة والله انصحك بالثقافة الاسلامية ، وهذه طبعا ليست في عبدالعزيز ولكن موجودة في ام القرى والإمام ، وغيرها ، وفيه تخصصات الدعوة لكن انتبهي للشروط عند التقديم.. وعلى فكرة الأمر يعود للطالب نفسه ، وميوله ، اللي يعشق الأديان يدرس العقيدة ، واللي يعشق استباط الأحكام يدرس اصول فقه ، ولكن مثل ما قلت لك يظل الثقافة هي الأفضل من وجهة نظري ،، إذا انتي جادة في انك تواصلي ياليت تحطي خطة من الآن تمشي عليها وتكملي بمثابرة وتخلصي بمعدل ، وعند التقديم وهذه الأمور وقبل ما تخلصي البكالوريوس أقولك على الخطوات اللي تسويها لأنه الظاهر تحتاجين للقدرات في أغلب الجامعات .. موفقه يارب """

-------

[براري]

^^

الله يعطيك العافية ويجزاك خير ، رغم أني ما حصلت اجابة لسؤالي
لكن عموماً خلاص بشيل الفكرة حالياً ، إذا تخرجنا ساعتها يحلها الف حلال .
شكراً جزيلاً ..

[see me]

ولا انا :)