لكل طالب مستجد وبيبدء مشواره

[winnie]

السلام عليكم ورحمة الله وبركاته

اكيد الحين الكل ضايع وحايس ومو عارف ايش يسوي
وفيه بعد ناس خايفين....لكن انا احب اطمنكم...واقولكم لاتخافون ولاشيلون هم
ترا السنه التحضيريه سنه حلوه وفيها صعوبتها وسهولتها بعد...لكن اللي اول بأول يذاكر راح يعديها بكل سهوله وبمعدل حلو

عمومآ انا طالبة انتساب عادي...يعني مو تعليم عن بعد...لكن حبيت اكتب هنا..
لاني كنت اتمنى اني تعليم عن بعد...ع اساس اضمن 40 درجه قبل دخولي الاختبار
وهالاربعين من الاختبارات الدوريه والحضور وغيرها<<طبعا لانكم راح تحضرون محاضرات

لكن احنا ياطلاب الانتساب مانحضر اي شي..نكتفي بهالكتب اللي تجينا ونذاكرها كلها
والحمدلله عدينا على خير...

انتم شدوا حيلكم ولاحد يخاااف..لان كل هالمرحله مرينا فيها....والله يوفقكم ياااارب

واي سؤال عن المواد او غيرها انا جاهزه..

[الساهر1976]

هلا والله
الله يعطيك العافية بالنسبة لموادالسنة التحظيرية ابيك تساعدينا بمواقع لتحميل الكتب من النت

[M86]

يا مرحبـــــــــــــــا وياهلا ـــ winnie

أول شي يعطيك العافيه على مشاركتنا السنه الجديده و روقتينا كذا
لكن ياليتك كتبتي المواد و أيش حكايتها و مدى صعوبتها
و تبيني لنا ايش المهم و من ناحية الولى بالمذاكره يعني

و ما تقصورن أنشاء الله ،،، الله يوفق الجميــع

[winnie]

اهلين وهلا فيكم اخواني

بالنسبه لتحميل الكتب ماعندي خلفيه فيها ابدآ.....وبصراحه اول مره اعرف ان الكتب تتحمل من النت
انا برايي الافضل تشترونها

اما بالنسبه للمواد من ناحيه الاسهل والاصعب ..انا راح اكون معاكم صريحه لأبعد حد
(تحليل كمي,,رياضيات,,تحليل احصاائي,,مباديء الاحصاء)<هذه المواد العلميه طبعا
وبصراحه يبيلها جهد..لان بعض المواد القوانين ماتجيك في الاختبار مثل التحليل الكمي والرياضيات
هذه تعتمد على الطالب وفهمه للماده وللقوانين(ملاحظه الرياضيات لاحد يعتمد على الحاسبه لانهم منعوها علينا في الاختبار)
اما بالنسبه لمبادء الاحصاء والتحليل الاحصائي<هذه راح تجي ورقه ملحقه للقوانين مع الاسئله بس ماتغنيكم عن فهم القوانين ومعرفتها بالتفصيل عشان ماتضيعون في الاختبار
(الاختبار راح يكون سهل ممتنع.يعني اللي مذاكر عدل عدل راح يعدي ان شاءالله)
بالنسبه لأنجليزي..راح يكون انجليزي1..للترم الاول..انجليزي2 للترم الثاني
بصراحه بالنسبه لي كان الانجليزي روعه ودرجاتي فيه عاليه..يمكن لاني احب هالماده..لكن اللي عنده خلفيه بالانجليزي راح يكون سهل وحلو عليه
وبيكون مقسم للريدنق وللقرامر...وركزوا ركزوا على الريدنق والكلمات اللي بالقطع ممكن تجي كلمه ويسألوا عن معناها بالانجليزي.(بس ترا سهل)للي مذاكر عدل
وراح يكون فيه مادة لغة عربيه..اللي هي النحو..بصراحه انا ماحب العربي عشان كذا كان صعب عندي
ونصيحتي لكم تفهمون الماده عدل..لان بصراحه يبي لها جهد كبير خصوصآ كان فيه طلاب حملوها

وفيه ماده الثقافه الاسلاميه..هذه ماده حلوه وفيها اشياء في ديننا ونعرفها من قبل...بس للأمانه اقولها لكم..اسئلتهم كانت دقيقه جدآ..يعني لاتخلون ولاسطر الا وتذاكرونه
اما بالنسبه لماده مهارات اتصال(اقولها لكم بالفم الميان...هذا ماده قمـــــه في الروعه لأبعد حد..وكل من طلع من الاختبار تبعها..كان يبتسم...لان الماده تلمس من حياتنا العاديه والاجتماعيه وغيرها يعني يتستمتعوا وانتم تذاكرونها..وانصحكم تحتفظون بالكتاب لانه حلو بصراحه)

بعدها راع يكون ماده مهارات التفكير..تقريبآ مثل مهارات الاتصال لكن في اختلاف في بعض الاشياء
لكن(الاسئله راح تكون دقيقه ايضآ)ونصيحتي لكم..لاتخلون اي فصل حتى لو قالوا محذوف

نجي لاخر ماده الللي هي الحاسب
بالنسبه لي كان ماده سهله لان معي دبلوم حاسب ولي خلفيه فيه عشان كذا ماتعبت فيه كثير
لكن اللي عنده معلومات عن الحاسب او متعامل معاه دائمآ راح يعرف يجاوب بكل سهوله
(وبكل امانه اقولها..الاسئله جتنا اغلبها عملي...يعني خطوات ..او صورة زر..او نافذه..يعني من هالنوع)
هذه هي موادنا.....اكيد راح يكون فيه اختلاف في المواد او مواد جديده راح تنزل لكم
ونصيحتي لكم...ذاكروا اول بأول....من تجيكم الكتب على طول أبدوء فيها...عشان ترتاحون اوقات الاختبار...لان الاسئله للي مذاكر فقط..مو بس مطلع على الماده على السريع..لان اسئلتهم دقيقه

ارجو اني افدتكم والله يوفقنا وياكم يارب

[M86]

يا حبيتــــــــــــــــــــــــــــــــــــــــــــــ ــــــــي والله أنك رويتي عطشي من دخلت المنتدى
يا سلااااااااااااااااااااااااااااااااااااااام عليــــــــــــــــــــك يا winnie
ياختي روحي ربــــــــنا يفرجها عليك وين ما تكون هذا الكلام الي نبغااااااااااااااااه
بكل موضوع حاطه رد ايش المواد ،،، ياختي كذا الواحد يعرف كوعه من بوعه
لا لا لا ،، أنتـــــــــــــــــــــــــــــــي بجد خطيره والله فرحتيني و خرعتني بنفس الوقت
انا عقدتي شي فيه حرف الضاااااااااااااااااااااااااااد <<< يعني رياضيات
و بطني الحين قاعده تلعي فـ الله يعين بس بجد بجد
يعطيـــــــــــــــــــــك ألف عافيه ،،، وما قصرتي

والله يوفق الجميــــــــــــــــــع يارب

[zez0o0]

السلام عليكم ورحمة الله وبركاته

اخواني عندي سؤال محييرني تكفون ساعدوني الله يجزاكم خير

انا الجامعة قبلتني تاهيلي بدون رسوم ودوامي بليل مسائي
وانا ماخذ مكافئات
ابي احول الترم الثاني انتظام واخذ مكافئه هل ممكن اني احول الترم الثاني ولالا

[غاوية دراسة]

جزاكي الله ألف خير اختي winnie
والله ماقصرتي ووكفيتي ووفيتي
وكده بردتيلي قلبي الله ييسرها عليكي لاخر ترم يارب
....
وازيدك من الشعر بيت نقص علينا مادة بكل ترم بالسنة التحضيرية
هي مادة .. ECON 114 و ECON 115
لانها دمجت مع الرياضيات والله اعلم باخبار الجامعة برضو

[winnie]

ايه صح انا بعد سمعت ان فيه مواد جمعوها في كتاب واحد..وهذا طبعا احسن لكم بكثييير


اختي M86..واللله الحال من بعضه انا اكره شي اسمه رياضيات
بس احب اطمنك..تراها سهله..وعشان اطمنك اكثر..انا ادبي اصلا وجبت في الرياضيات 80من100
يعني انتي بس شدي حيلك

وانا والله ياخوان اذا قلت لكم شدوا حيلكم وكذا...مو عن اخوفكم..بالعكس....بس لان اللي يذاكر اول بأول راح يكون عليه كل شي سهل


اما بالنسبه لك اخوي..zez0o0
بصراحه انا ماقدر افيدك بسؤالك..لكن اتصل على هالرقم وراح يجاوبونك على اي شي تبغيه
هذا رقم الجامعه026952222

[Mr.ahmed]

يعطيكي العافيه winnie
إهتمام تشكرين عليه ويدل على شهامتك وطيب أصلك
لاعدمناك ..

[winnie]

المشاركة الأصلية كتبت بواسطة mr.ahmed يعطيكي العافيه winnie إهتمام تشكرين عليه ويدل على شهامتك وطيب أصلك لاعدمناك ..

مشكور اخوي..الله يعافيك

مانبي غير الدعاء لنا ولكم