ضع إستفسارك عن كلية العلوم الطبية التطبيقية هنا وستجد الإجابه

[eeaassaa]

المشاركة الأصلية كتبت بواسطة extreme انا اريد ان ادرس قسم مختبرات طبية ايش رايكم اقدم في جامعة ام القرى ولا عزوز كيف تعامل الدكاترة في جامعة عزوز هل هم معقدين تصل عقدتهم الى تحميل المواد كيف طبيعة السنة التحضيرية وهل هو صعب الى هذه الدرجة عندكم نصائحكم تهمني ارجوكم لاتبخلووو علية بتكسب اجر ودعوة حلوة مني الله يحفظكم

شوفي انا عن نفسي اقولك جامعة عزوز لانها الجامعة الافضل تنظيميا وتعامل الدكاترة يختلفون مو كل اصابعك زي بعض اما بخصوص السنة التحضيرية ما هي ذيك الصعوبة لكنها تحتاج تعب من اول الترم واكرر اول الترم وحاولي انها ما تضيع منك درجات واغلب موادها فيها باونس تكفين تكفين واللة محتاج الدعوات كثييييييييييييير

[Butterfly Hope]

المشاركة الأصلية كتبت بواسطة amal.s.a وعليكم السلام بخصوص التغذية صراحة مااعرف عنها كثير.. اما بخصوص مادة التشريح اللي هيّ الاناتومي.. مرة ماتخوف بالعكس قمة المتعة في هذه المادة.. واحنا تقريبا لين نص المنهج كنا نشووف الأعضاء الحقيقية يعني حقت ناس .. بس بعد السيل والمطر ماصرنا نشوف شي لأنهم انعدموا .. فما أدري على سنتكم حتكون مجرد دراسة نظرية او ممكن تشوفوا حاجة .. بس من جد كل شي يعتمد على هذه المادة .. وجدا رائعة ومو صعبة لأنو هيّ مجرد تحفظي أماكن وأسماء في جسم الانسان .. وبالرااحة تجيبي الاي والاي بلس .. والفسيولوجي اللي هيّ علم وظائف الأعضاء،، هذه المادة يبغالها مخ نظييييييف .. ومذاكرة أول بأول .. والمادة حلوووة .. بس من جد مايبغالها لعب .. والدكاترة اغلبهم جيدين .. وفيه امكانية انو يدرسك دكتور .. وان شاء الله مافي صعوبة من ناحية الانقلش..الدكاترة بيدخلوا كلمات عربي في الشرح اذا مو كله وبس المصطلحات اللي تكون بالانقلش.. وعموما مافيه صعوبة .. ودحين في الإجازة اقرأي حاجة ،، سجلي في دورة المصطلحات الطبية مررة حتفيدك .. وبس..

مررررررررره شكرا قلبوووووو الله يسعدك طمنتيني ع التشريح بس برضو اخاف اشوف جثه قدامي الله يسهل ويقوي قلبي ياااااااااااارب<< خوافه
والله اول شوفت جرح اخوي الصغير في المستشفى كان بيغيرولوا الشاش جاتني دوخه وما قدرت اوقف بس عشان طالعت فيه ^_^

وشكرررررررا ياعسل ان شاء الله اشد حيلي في الفسيولجي :)
الله يعين الجميع يااااارب ويوفقك ويسعدك ياعسل

مررره شكرا ياعسل بس ممكن اذا فيكي تساعديني بشي اقراه او كتاب يفيدني واذا عندك المصطلحات دي تعطيني هيا او اي شي ومررررررررره شكرررا ياقماري
جزاك الله كل الخييييييييييييير يااااااااااااااااااارب

دمتي بود ^_^

[M!SS Lara]

كم عدد سنين الماجستير والدكتوراه؟؟

[Loly Licious]

يالله وربي كنت اتمنى ادخل ذي الكلية بس انا مارح استسلم لاااازم ادخلها ان شاء الله

[Amal.S.A]

المشاركة الأصلية كتبت بواسطة butterfly hope مررررررررره شكرا قلبوووووو الله يسعدك طمنتيني ع التشريح بس برضو اخاف اشوف جثه قدامي الله يسهل ويقوي قلبي ياااااااااااارب<< خوافه والله اول شوفت جرح اخوي الصغير في المستشفى كان بيغيرولوا الشاش جاتني دوخه وما قدرت اوقف بس عشان طالعت فيه ^_^ وشكرررررررا ياعسل ان شاء الله اشد حيلي في الفسيولجي :) الله يعين الجميع يااااارب ويوفقك ويسعدك ياعسل مررره شكرا ياعسل بس ممكن اذا فيكي تساعديني بشي اقراه او كتاب يفيدني واذا عندك المصطلحات دي تعطيني هيا او اي شي ومررررررررره شكرررا ياقماري جزاك الله كل الخييييييييييييير يااااااااااااااااااارب دمتي بود ^_^

هههههههههههههه

مرة لاتقارني الجثة بالجرح ..

تعرفي انو الجثة اللي تشوفيها مخشبة وحالتها حاااالة .. ومافي أي دم ومافي قرف ..

بالعكس نمسكها كمان ..ايش أحلى من انك تكتشفي اللي داخل جسمك وتمسكيه ..

أنا عن نفسي السنة اللي فاتت في الاجازة دخلت دورة مصطلحات طبية ..بنات ثالث طب الله يوفقهم نظموا هذه الدورة ومرررررة والله استفدت منها كثيييييييير ..

فيه كتاب حق مصطلحات طبية ..بعدين اديك معلومات عنه .. مرة حلو ومبسط ويديك شرح سهل وبطريقة حلوة لجسم الانسان وأي شي طبي..

وكأني قرأت موضوع في المنتدى أظن في قسم التحضيري على المصطلحات ..

[M.Alnawar]

الماجستير والدكتوراه ماهي موجوده في الكليه دحين
لكن طبعا في الخارج فيه
وعلى حسب التخصص والدوله تكون سنوات الماجستير والدكتوراه
لكن غالبا المتوسط
سنتين ماجستير وسنتين دكتوراه
وقد تزيد

بالتوفيق

[є7ѕαѕ σηtћά]

لو سمحتوا ابغى اعرف كم مكافأة الامتياز ؟؟

[Butterfly Hope]

المشاركة الأصلية كتبت بواسطة amal.s.a هههههههههههههه مرة لاتقارني الجثة بالجرح .. تعرفي انو الجثة اللي تشوفيها مخشبة وحالتها حاااالة .. ومافي أي دم ومافي قرف .. بالعكس نمسكها كمان ..ايش أحلى من انك تكتشفي اللي داخل جسمك وتمسكيه .. أنا عن نفسي السنة اللي فاتت في الاجازة دخلت دورة مصطلحات طبية ..بنات ثالث طب الله يوفقهم نظموا هذه الدورة ومرررررة والله استفدت منها كثيييييييير .. فيه كتاب حق مصطلحات طبية ..بعدين اديك معلومات عنه .. مرة حلو ومبسط ويديك شرح سهل وبطريقة حلوة لجسم الانسان وأي شي طبي.. وكأني قرأت موضوع في المنتدى أظن في قسم التحضيري على المصطلحات ..

هههههههه الله يعين يااااارب مشكوووره ياعسوله على كل شي :)
ان شاء الله اشتري الكتاب مرررررررررره شكرا
احترامي و ودي ^_^

[سسكرهـ]

مسسـآء الخير

آنـآ طالبه انقلبت في كليه العوم وكانت رغبتي كليتكم

لو ابغا احول لكم بعد سنه زي ماسمعت

ايش لازم يكون تخصصي في العلوم

احياء ولا كيميا حيوي

لان اسهل شئ الاحياء عشان ارفع معدلي ..

جاوبوني وجزاكم الله الف خير

[Amal.S.A]

المشاركة الأصلية كتبت بواسطة Butterfly Hope هههههههه الله يعين يااااارب مشكوووره ياعسوله على كل شي :) ان شاء الله اشتري الكتاب مرررررررررره شكرا احترامي و ودي ^_^

اسم الكتاب ..The Language of Medicine
وبالتوفيق ..
والعفوووو