أوراق تجارية وافلاس ،،أو،، قواعد ونظريات فقهية ؟؟؟؟؟؟؟؟؟

[Law Student]

السلام عليكم ورحمة الله وبركاته

احتاج رأيكم في هذة المادتين اضيف
اوراق تجارية >>> مع دكتورة أمل
أو قواعد ونظريات فقهية >>> مع الدكتور مازن الحارثي ؟؟؟؟؟؟؟

الله يسعدكم يارب ايش هيا المادة اللي اضمن فيها الدرجة a+ وتكون سهلة ،، انا عارفة انو الاثنين مادتي تخصص ويحتاجلها مذاكرة بس احتاااااااااااااااج ارفع المعدل ومستعدة اذاكر بس يطلع بفايدة وماتترصدلي درجة بالحظ

وعلى فكرة المادتين بنفس الوقت

إن شاء الله تكونوا فاهمين قصدي ..

الله يوفقكم يارب ويسعدكم

[:::Zaza-.-MaZaza:::]

وعليكم السلام ورحمة الله وبركاته

واللهي كنت محتارة زيك كدا بززبط وكل شوية اجيبها يمين واجيبها شمال بس مني عارفة ارسى على ايه خصوصا زي ما قلتي انو الاتنين في نفس الوقت بس الحمدلله اليوم رسيت على بر واخترت قواعد ونظريات
للاسباب التالية :
1: القواعد والنظريات حسب ما سمعت انها مادة دسمة وفيها تفاصيل ولكن د. مازن سمعت انو مسهلها جدا جدا من جميع النواحي حتى انو يستبدل الكتاب بمذكرة ملخصة وصيغة اسئلتو موضوعية بس يمكن مشدد شويا على الغياب وعليه 10 درجات ودا نظام يتبعو بعض الاساتذة الرجال في توزيع الدرجات ولو انو من حق الطالب ان يغيب على الا يتجاوز غيابه 25% من نسبة المحاضرات الا انو الحمدلله مسالة ضبط الغياب بالنسبة ليا بسيطة ..
.
2: اوراق تجارية ايضا حسب ما سمعت انها مادة دسمة بس انو د. امل شرحها ممتاز واسئلتها متنوعة مابين المقالي والموضوعي ودقيقة في التصحيح وما استبعد ان يكون نظامها في توزيع الدرجات زي اغلب الدكاترة النساء تطلب بحث او تكليف وانا بصراحة اشوف لو انها حتطلب بحث بالنسبة ليا البحث يستنزف مني جهد ووقت رهيب ولو انو مفيد .

ولذلك في تقديــــــــــــري انو القواعد اسهل من الاوراق والله اعلم ....

3: صح انو الاوراق التجارية حتفتحلي مادتين الي هما ملكية صناعية وبحث وتدريب على عكس القواعد والنظريات ما حتفتحلي شي الا انو المواد الي حتفتحها الاوراق لسى بدري عليها يعني ما ححتاجها ولا بعد سمسترين تلاتة
غير انو كانت رغبتي في السمستر دا اني اخد اصول فقه مع د. مازن بخاري وطبعا زي ماشفتي د.مازن ما نزل ولا شعبة لا عندنا البنات ولا عند حتى الاولاد واخر شي سمعتو انو ما حيرجع يدي المادة لانو حيكون مشغول مع طلاب الماستر .. ف بصراحة مرررة لمت نفسي اني كنت أأجل المادة كل سمستر ف انا ما اضمن انو د. مازن الحارثي يرجع يعطي المادة وخصوصا برضو الي سار في مواريث انو كنا متوقعين د.هاني عبدالشكور وبعدين طلعت المادة نازلة مع دكتور مختلف .. وايضا حتى لو نزلت بعدين مع د. الحارثي انا ما اضمن جدولي السمسترات الجية ممكن تيجي شعبتو معاكسة لجدولي ..

4: واخيـــــــــــــــــــــرا جدولي فيه بعض المواد الي اجمع غالبا كل من اخدها انها دسمة واغلب موادي احد وثلاثاء وبصراحة عملت حساب الاختبارات الدورية وخصوصا النهائية في انو ممكن يصادف انو تجيني مادتين في يوم واحد .. فلو لا سمح الله صادف مادتين في يوم او حتى لو مواد ورا بعضو اسمو المواد نوعا ما بين السهولة والصعوبة ف يكون في موائمة بينهم ..

معليـــــش مرررره طولت بس عشان توضح الصورة اكثر وعشان ان كمان بصراحة تهت بين المادتين.. وعموما اغلب كلامي مبنى على القيل والقال ف مو بالضروري كل الي قلتوو يكون صح .. وانتي استخيري وان شاء الله تختاري الي فيه الخير .. بالتوفيق ..

[بنت الجامعه ^_^]

zaza
مممممممم وجهه نظرك مقاربه لوجهه نظري بس حسيت ان الاوراق التجارية اهم كماده خصوصا انها متطلب وانا محتاجه افتح مواد زياده لاني عانيت هالترم مو لاقيه مواد اضيفها والي لقيته كله صعب ودسسسم جدا !
فلمن تكون امامك خيارات اكثر الترم الجاي بيسهل عليك وضع الجدول

على العموم نستخير وربي يكتب الي فيه الخير !
والاوراق التجارية سهله مع دكتوره امل مثل ماسمعت وانها اسهل من القانون التجاري والله اعلم !!
فقلت اتوكل على الله واخذها

[:::Zaza-.-MaZaza:::]

^^^^

حبيبتي اوراق تجارية ايش حتفتحلك بحث وتدريب وملكية صناعية وانتي زي ماهو واضح انو دا السمستر الخامس ليكي فما اتوقع ابدا طبعا انو مادة البحث والتدريب حتكون من خياراتك للسمستر الجاي ولا الي بعدوو... غير انو ملكية صناعية عشان تفتحيها لازم تكوني ماخدة(( اثبات)) واوراق .. فلو منتي ماخدة اثبات وحتاخديه السمستر الجاي ف ما حيمديكي تضيفي الملكية الصناعية.. ف الاوراق كدا كدا ما حتفتحلك شي الا على السنة الجية ..

غير انو د. امل موجودة ان شاء الله ما حتروح مكان وحتى لو د. سوزان اخدت المادة ف الدكتورتين ماشاء الله ممتازين .. اما د. مازن الواحد بصراحة مايضمن انو يلاقية بعدين خصوصا انو مو بس هوا الي يعطي المادة في محمد زين وماشاء الله في استاذ جديد اول مرة اسمع بيه بدا يدرس المادة عبدالله منذر شي زي كدا مني فاكرة اسمو .. غير انو عشان احنا ما عندنا اكتفاء اساتذة نساء بيدرسونا رجال يعني الحكاية دي مو دائمة ممكن فجاءة تلاقي سار عندنا اكتفاء وبصراحة حسب ما سمعت انو د. مازن ما يتفوت ..... وفي النهاية زي ماقلتي استـــــــــــــــخيري والله يكتبلك الي في الخير ..

[اسير الحزن]

الماده الى اذا شديتى وماغبتى فيها وتجيبي فيها a+ قواعد ونظريات عند الدكتور الفاضل مازن الحارثي

موفقه

[روووني]

والله حتى انا مرره زعلت لمن شفت منذر وسار عندي تعارض بس اتوكلت واخدت الاوراق خفت انها الترم الجاي ماتمسكها مدري يمكن ازا اتأكدت انو امل حتعطي الاوراق الترم الجاي اغير رأيي واخد قواعد!!
جدولي احسو مضروب ويمكن اخد اثبات عشان تفتحلي مواد الترم الجاي
الله يستر وبس

[Law Student]

زازا مزازا وبنت الجامعة واسير الحزن ورووووني الله يسعدكمممم يا ربي دنيا وآخرةةة والله كلامكم جدا جدا جدااا ولكن للاسف برضي محتارة