احتاج نصائحكم يا طلاب وطالبات الطب [ عنوان مبهم ]

[ساعتي خربانه]

بناإاإاإاإاإت انا كنت حاطا براسي طب لكن تخيلو جبت بالانقلش 80. وبالاحياء دؤجة معفنة مرا مرا مرا تقريبن فوق 15 سوال ملحيته صح
والحين باقليلي اختبارين ميد تاني والنهائيي
ادري بتقولولي شدي حيلك ومن هالكلام بس كيف اشد حيلي وانا زاكرت وامهلكت وماهملت وجبت درجات ماتوقعتهاإاإاإ ابدن
انا مهما كنت بس ماوصل لهالدؤجا اول مرا احس اني كسلانا واحس اني موشاطرا بالثنوي نسبتي مرا واو

بناإاإاإات والله اكتب ونفسيتي شبة تعبانا وحتى اجازتي مني مبسوتا فيها وافكر ماسافر مع اهلي واقعد عند جدو

بس خايفا اقعد واحرم نفسي من ابسط حقوقي وهيا اجازتي ووناستي وبالنهايا ماجيب دؤجات زي الاختبار أول
حرمت نفسي من كل شىء

بناإاإاإت انا تعبانا مرا وابغا احد يرفع معنوياتي

• وابغا اسالكم الحين الطب والعلوم التطبيقية لازم بكل المواد اجيب 90 ولا كم اجيب بكل المواد وكيف يحسبو النسب الموزونة الي هيا تلاتة وتسعين وزي كدا م المعدل

انقدوني

[Dr.Passed]

شوفي حبيبتي انا ما احب التعصيب الحاله الي انتي فيها دي لازم تطلعي نفسك منها

انا سويت نفس الي سويتي ما حليت في امتحان الرياضيات جبت درجه مره سيئه هوا و الفيزيا
بكيت وجاني انهيار و اتنومت في الطوارئ ...سرت ما اكلم احد ...انا اهلي مسافرين عني و ادرس لحالي بس باقي الأهل موجودين ولازم ازورهم في الويكند...شويه شويه قلت روحاتي. سرت دايما مكتئبه وزعلانه وما ابغى احد يكلمني...خالي يتصل يقولي تعالي اخرجي من السكن شوفي الناس وجدي يخاصمني وستي تهزئني...خلاص سرت شبه معزوله وخليت الكل ياخد موقف مني وصدقيني ندمت

حسيت انها كانت أنانيه مني

حتى نفسي ما رحمتها من البكى و صدقيني سنه وحده علمتني كتييييير...اتعلمت

وانا ما ابغاكي تكوني زيي ولا تسوي نفس الي سويتو

انا طب دحين وحاسه بضغط بس معد سرت اسوي كده وحتى انتاجي ونجاحاتي سارت افضل ..درجاتي اتحسنت ...نومي اتحسن...سرت اخرج عند اهلي اعطي اهلي ونفسي حق

ريلاكس ما انتهت الدنيا...فرص الدنيا كتيره
لا سمح الله ازا ماقدرتي تخشي طب ...في خاص..في منح
وبعدين ربي قادر لو انتي إن شاء الله جايبه صفر يمديكي تخشي
يقدر يخلي الي تحط التخصصات يزلق أصبعها وهي تطبع الاسامي ويجي اسمك طب بالغلط وبإذن الله تدخلي

انا والله كنت زيك وامكن اسوأ بمراحل

وآخر السنه انا بنفسي قلت ابا ابن سينا و كانت انسبلي لأسباب عائليه

اصلا في يوم وليله ما تعرفي ايش يسير

هدي على نفسك شويه

ارحمي نفسك ما ينفع كده

اتعلمي البرود و الله لمن كنت زيك كانو كتير يقولولي نفس الكلام وكنت اخصرهم احس بيضيعو وقتهم وهما يكلمو فيا

شوفي حبيبتي ازا مشكلتك الإنجليزي دحين أجازه و انا مره مضغووووووووووووطه لكن مستعده ازا انا حرفع عنك و حريحك

...انا مستعده اشرحلك المنهج كلو وتسيري احسن منك مافي بإذن الله
شرحت لوحده على مشارف الرسوب وماشاءالله الفاينل جابت فل مارك و الله مازاكرت بس على الشرح
فيا حبيبتي فكري كل شي ليلو حل


و ازا حبيتي اديكي رقمي اشرحلك أحاول اشفلك وقت ولا اساعدك انا إن شاء الله ححاول

ريلاكس وخلاص بلا قلق عشان مو كويس على صحتك...انا كل ليله امتحان كنت منومه في الطوارئ من الي كان يحصلي...حاولي ما تعصبي ولا تخافي كده ...خدي الامور بهداوه

[ساعتي خربانه]

الحمدلله انك دخلتي الطب ودخلتي الي تتمنيه وعقبال الكل

بس بسالك كيف بعدين جبتي درجات عالية ودخلتي الطب
وكم كل مادا لازم اجيب فيها

[محمد عماد]

كنت بكتب لك رد طويييل وبوضح لك اشياء مهمة
بس المنتدى علق وضيع الي كتبته

بكرة ان شاء الله بعيده لك

موفقة ~

[Dr.Passed]

انا ما دخلت طب في عبد العزيز حولت ابن سينا
كنت جايبه 80 في الفيزيا و الرياضيات مو داخل مع مواد الطب

انتي إن شاء الله يمديكي بس اسمعي كلامي و الله عارفه حالتك تبغي تنقزي نفسك خدي نصيحتي

انا الي كان يخرب عليا النكد الي اسوي لنفسي ولا بالراحه الحمد لله الميه اجيبها ...درست في مدارس اجنبيه وعارفه كل حاجه بالانجليزي يعني ماكان في شي جديد عليا الا قلييييييييل

وصحباتي الي ما عندهم لغه جابو اعلى مني و إحنا كلنا ناس دافوره ماشالله ومن جد نزاكر الين ما خلاااااااص نموووووووووووووت

بس اداءهم بسم الله ماشالله لا الاه الا الله يارب يزدلهم ويبارك عليهم..كانو افضل مني بكتير

لا تخريبي على نفسك ...انتي لاتفكري في الي راح بس فكري قدام
ايش الشي الي انتي سويتي غلط عشان ماتسوي في الامتحان الجي ؟؟؟

اعرفي غلطاتك لازم تعرفي غلطي في ايش في الامتحان الاول

علاقتك مع الدكتوره لازم تكون مررررره كويسه اتكلمي معاها بعد الكلاس ...لا تغيبي..اكسري الحاجز بينكم عشان تحطك في بالها عشان تفكر فيكي لمن تجي تبا تراعي الكلاس في الدرجات ولا في السبيكنج لازم تحسيسيها باهتمامك الشدييييد و عمرك لا تغيبي والصقيلها قدام اقعدي

المواد التانيه ما اقدر اساعدك فيها انا مخي مو حسابي ..بس اللغه ازا تبي اشرحلك او في شي واقف ولا احل معاكي نمازج ممكن اساعدك...بس زي ماقلتلك عندي اوراق ازاكرها قد شعر راصي بس ازا حاخفف عنك وحاريح بالك انشاءالله أحاول ما اقصر

وزي ماقلتلك قوي ثقتك بربي و الله ما تعرفي ايش يسير بكره النهار
قومي صلي ركعتين وأدعي و افتحي صفحه جديده وايجابيه مع نفسك
مو ناقصك شي...غيرك قدر يخش...ليش انتي يعني الي محتقدري؟

اتمنى انك تاخدي بكلامي و تسمعيني مارديت وقلتلك كل دا الا لأني حاسه بيكي وما ابغاكي تكوني زي ما كنت في التحضيري..لسا ماشفتي شي..لازم تكوني قويه و ابرد منك مافي ولا حتتعبي كتير اسمعي نصيحتي

وان شالله يارب تكوني من المقبولين في الطب وتفرحي وتفرحي اهلك
لا تخافي...كلو مكتوب انتي بس اعملي وربنا معاكي انتي بس هدي

[Dr.Passed]

دحين افتح رسالتك بس ارجع البيت ربع ساعه

[فتى تثليث]

كنت ابغى اكتب بس الاخت باسد ما قصرت..اللي رح ازيده انو خسارتك لدرجات لا تخليه عامل تهبيط بالعكس خليه زي درس بالحياه او تجربه مرت و ولت وانك فهمتيها كويس عشان تدفاديها مستقبلا..لولا الخطأ كان ما تعلمنا شئ..اتمنى اكون افدتك...وشكرا

[ساعتي خربانه]

شكرن لكم كلكم والله يسعدكم وبالنسبا للاخت باسد بجد تسلميلي

[Dr.Passed]

الله يسلمك

اقلك ترا ما جاتني اضافتك حاولي تضيفي تاني ولا ترسليلي رساله على نفس الايميل
انا جربت اضيف كمان بس مني عارفه ايش الحكايه

[ساعتي خربانه]

اوووووك