ماهي طبيعة دراسة مرحلة الماجستير بغض النظر عن القسم

[سالي007]

للاخت نسمة امل و للكل غالبا ان لم يكن جميع نظام الدكتوراة هو نظام رسالة و الجامعات التي تطلب مستخلص و احيانا خطة بحثproposal هي الجامعات الاجنبية الاوروبية و الامريكية اما جامعاتنا فلا تطلب ذلك و انا بالفعل افضل الدراسة بنظام المشروع البحثي لانه يؤسس الطالب صح بعدين المواد الاختيارية بحسب ميول الطالب و هذا في اريحية اكثر ان الطالب يختار المواد بنفسه بعد الاتفاق مع زملائه و ترفع للقسم في نهاية كل ترم حتى تنزل المواد في الترم الذي يليه ثم يختاروا الطلاب ما يريدون
لا استطيع الرد بالخاص لان مشاركاتي قليلة و للشخص الي سألني الرد هو التالي تخصصي علم المعلومات من جامعة عزوز اي عبدالعزيز و المواد حلوه و دسمة لكن المجال الوظيفي شويه صعب اغلب زميلاتي بعد الماجستير يدرسوا انتساب مدفوع او عن بعد بنظام العقود اي لا توجد وظيفة رسمي الا بالقطارة مو معنى كلامي لا تدرسي بل على العكس واصلي يمكن يفتحوا تخصصات اكاديمية او الجامعة تفتح فروع انا الان عرفت انهم فتحوا فرع بالكامل و خليص و رابغ و في نية توسعات كثيرة العلم حلو و الدراسة تعطيك دافع تتعلمي اشياء و علوم حديثة المواد حديثة في قسم المعلومات اي لسيت تقليدية عشان كذا تغير المسمى في اغلب جامعات المملكة من مكتبات و معلومات الى معلومات او دراسات المعلومات الخطة مطورة و الاجباري 5 مواد فقط و الباقي اختياري ركزي في القراءة و حتعرفي كم عدد المواد المطلوب دراستها انا عشان سكنت المدينة بعد الماجستير ما توظفت لان القسم موش موجود بجامعة طيبة يقولوا حيفتح قريب و تفضلي اي سؤال عادي بس دعواتكم و هذا رابط المواد في قسم علم المعلومات
http://graduatestudies.kau.edu.sa/co...g=AR&cid=26693

[سالي007]

المشاركة الأصلية كتبت بواسطة رامـــا 2009 بعد أذن صاحبة الموضوع الله يخليكم اللي يعرف يجاوبني أنا معيده تخصصي ملابس ونسيج وأبغى أدرس الماجستير وشهادتي البكالوريوس اقتصاد منزلي هل لازم أدرس تكميلي في تخصصي وأنا أبغى أدرس في جامعة الملك عبدالعزيز وكيف مدة دراسة الماجستير مع التكميلي.

يمكن تدرسي تكميلي و يمكن لا لان حسب معلوماتي ان كلية الاقتصاد المنزلي في الجامعة هي تربوية اي تعطي البنات تربية عملي و كلية التربية فرع الرحاب هي تربوية ايضا قبل و بعد الانضمام يعني اختلاف المواد جدا بسيط لكن في معلومة غايبة عن بالك و هي انك تعتبري عضو هيئة تدريس و النظام في جامعة الملك عبدالعزيز ان الابتعاث اجباري لعضو هيئة التدريس يعني لم يسمحوا لدراسة الماجستير هنا في السعودية لانه يعتبر ايفاد داخلي و الزبدة احسن لك ادرسي برا لانك حتأخذي نصف راتبك بالاضافة الى المخصصات المالية زي اي مبتعث و على ايش تيغي تدرسي هنا انا كان نفسي ادرس برا لكن ما كان في احد يروح معايا هذا النظام الي انا اعرفه و الي شبه متأكدة منه و انتي اسألي و ربي يوفقك

[Dr.RERE]

س يعني لم يسمحوا لدراسة الماجستير هنا في السعودية لانه يعتبر ايفاد داخلي

سالي يعني مافي فايده من الي يدرسو ماستر هنا ولا كيف :(

مافهمت

[* أرجوان *]

دكتووووووووورة سااااااالي :)

الله يوفقك ويسعدك ويدخلك الفردوس الأعلى ويحقق لك كل أمنياتك في الدنيا والآخرة
من جد أفدتينا
المنتدى كان كله إشاعات وما صدقنا تجي وحدة مجربة تعطينا من خبرتها
جزاك الله كل خير يا قلبي :)

[نسمة امل]

الله يوفقك ياسالي ويسر دربك ويحقق مرادك ............ويعطيك حتى يرضيك............................

[سالي007]

ارجوان و نسمة امل تحت امركم و شكرا للدعاوي الي يتقبل منا و منكم بعدين يا دكتور rere انا تخصصي بالبكالوريوس انجليزي و كنت ابغى ماجستير انجليزي لكن وقتها القسم ما فتح و اخترت معلومات اذا تبغي انجليزي ادرسي برا احسن لك لان اللغة لازم من اهلها هذا رأيي مو معنى كلامي لا تدرسي هنا بحسب ظروفك بعدين بعثات برنامج خادم الحرمين يبدأ التقديم فيها بشعبان اذا الشروط تنطبق عليك سجلي و ممكن من هناك تغيري التخصص و لو انه يقولوا فيها صعوبه مو قصدي ان الماجستير هنا ما ينفع لا و الله بالعكس بس احس اللغات و الادب لازم برا بعدين ترى اغلب ان لم يكن جميع الدكاترة و الدكتورات دارسين برا يعني مستواهم عالي جدا اما بخصوص ردي انا قصدي انه نظام الجامعة انه عضو هيئة التدريس لازم يدرس الدراسات العليا بالخارج أي ابتعاث خارجي و لا يسمح بايفاد داخلي أي دراسة الماجستير هنا طبعا لعضو هيئة التدريس فقط اما الطلاب و الموظفين بكيفهم و انا الان مرشحة للدكتوراة ببريطانيا طبعا انا اخترت حاسب الي بس ادعوا لي انهم يوافقوا ابغى لغويات ترى متأزمة من عدة امور اسرية حالت دون ابتعاثي و الى الان ادعي ربي انه يحلها دعواتكم و تحت امركم أي سؤال

[راكان1400]

ربي يكتبلك اللي فيه الخير سالي ويحقق مرادك

بالتوفيق للجميع,,

[النورس الابيض]

اختي سالي الله يوفقك ويسعدك ويرضى عليك ويحقق لك أمنياتك دنيا وآخرة
وينك من زمان تنورينا وتفيدينا
طيب انا الحمدلله قبلت لدراسة الماجستير في علم المعلومات ايضاً وسؤالي هنا طالما انك ماستر معلومات ايضاً :
كيف كان وضع الدراسة ؟ومين اللي درسوكم من الدكتورات والدكاترة؟ وما الصعوبات التي واجهتيها؟

ادري اني كثرت اسئلة لكن والله ماصدقت الاقي واحدة اجتازت الماستر في نفس تخصصي تقدر تفيدني في الموضوع الله يعطيك العافية

[سالي007]

المشاركة الأصلية كتبت بواسطة النورس الابيض اختي سالي الله يوفقك ويسعدك ويرضى عليك ويحقق لك أمنياتك دنيا وآخرة وينك من زمان تنورينا وتفيدينا طيب انا الحمدلله قبلت لدراسة الماجستير في علم المعلومات ايضاً وسؤالي هنا طالما انك ماستر معلومات ايضاً : كيف كان وضع الدراسة ؟ومين اللي درسوكم من الدكتورات والدكاترة؟ وما الصعوبات التي واجهتيها؟ ادري اني كثرت اسئلة لكن والله ماصدقت الاقي واحدة اجتازت الماستر في نفس تخصصي تقدر تفيدني في الموضوع الله يعطيك العافية

ازيدك من الشعر ابيات مو بيت كل الي درسونا احنا يا البنات الدكاترة يعني لا يوجد دكتورات و المحاضرات بالشبكة يعني احنا و الشباب نأخذ نفس المحاضرة و ودي افيدك بالاسماء لكن شكل القوانين تمنع ماني عارفة كيف بس خلي الاسماء اخر شي و ان شاء انزل موضوع عن ماستر المعلومات قريب و اي سؤال تفضلوا تحت امركم يارب يوفقكم و من على الى اعلى يارب في الدارين

[رامـــا 2009]

مشكوره يادكتوره الله يجعله في موازين أعمالك حبيت أوضح لك أنا دارسه البكالوريوس في كليه التربيه في محافظه تابعه لجامعة الأميره نوره بالرياض والابتعاث مااقدر عليه لأن المحرم طبعا رافض السفر برا أنا أبغى أدرس الماستر في جامعة الملك عبدالعزيز ياريت توضحين لي الخطوات الي أتبعها عشان أقدم على الماستر الترم الثاني والأوراق المطلوبه ولكي مني جزيل الشكر .