نـريـد هـذهـِ الأشيـاء

[روووني]

الله يعينكم الا الحمامات الله يكرمكم لازم تكون نظيفه عشان احس اني اتعامل مع بشر و اوادم مو استغفر الله العظيم

احنا الحمدالله مانعاني من هدي المشكله بتاتا المبنى مرره نظيف ويفتح النفس احب اخد كل محاضرات المواد العامه فيه ريحه الديتول لازم تشميها والله المبنى من نظافتو هوا وحماماتو لو طاح اكلك ترجعي تاكليه ماتقرفي ولاشي <<طبعا مع المبالغه هع هع لا من جد استغرب صراحه ليش مو كل الباني زيو مرتبه ومنوره ونظيفه اصلا حتى العاملات اللي فيه فلبينيات مرتبات ماتشوفيهم جالسين ابدا طول الوقت يشتغلو مو زي باقي المباني سريلنكيات ماغير يتضاربو مع بعض

بس مشكلتنا الوحيده نبغا كافتيريا محترمه جدا جدا اما البسطات اللي هناك حدث ولاحرج اكلهم مرره لااااا ويقولوا حيفتحوا كافتيريا بس ماابغا اتأمل لاني عارفه يومهم ب10 سنين
وكمان المبنى مرره بعييييد بس الحمدالله رحمونا وعملولنا بوابه بس لمن نبغا نروح التاسع ابعد مبنى عن 420 تتورم رجلي من المشي لازم يزيدو في القولف كارز

واللي منرفزني اكتر ايام الاختبارات الفاينل جيت بدري عشان اكمل مزاكره وكنت حدخل المبنى اللي تجيني واحده لو سمحتي اختبارات في المبنى قلتلها طيب انا حطلع في الاستراحه او الجلسه اللي فوق قالتلي لا ممنوع!!
طبعت انا اتجمدت ايش اللي ممنوع انا حمسك كتابي وازاكر وفي الاستراحه مو جنب القاعات!!!
انا اشك انو جامعاتنا معينه دلوخ اغبياء!!
طيب فين نروح كل واحده تطردنا من مبنى لمبنى نجري طبعا مو بس ايام الاختبارات يطردونا حتى الايام العاديه بس مبنى 420 فقط ايام الاختبارات واحيانا كمان
طيب اعملولنا كافتيريات كبيره نجلس فيها ولا مبنى كبيييير كلو استراحات نزاكر فيه ونجلس نحل تكاليفنا فيه ونريح كمان واصلا اغلب البنات ماخدين المصليات غرف نوم مبطحين فيها هدا كمان منظر مرره مو حلو يعني مو واحده ولاتنين اكتر مره في المصلى اللي جنب الكافتيريا اللي قدام المبنى التاسع المصلى مرره صغير والبنات متبطحات حوالين الجدران يعني مافي مجال تصلي انا لمن شفتهم وجهي انقلب ايش المنظر داه ولا كأننا في رباط استغفر الله العظيم يعني لو واحده او اتنين اقول حرام يمكت تعبانه ولاشي مسكينه انا مااعرف عن حالتها اما لمن يكون اكتر من كدا مو معقول كل البنات تعبانين!!

والشي اللي يخليني اشك احيانا في عقليات البنات لمن تيجي القولف كارز حقلكم على موقفي انا وصاحبتي
مره من المرات واقفين بأدب نستنى القولف كار والحمدالله وصلت القولف كار بسلامتها ونجي انا وصاحبتي نبغا نركب الا تجينا واحده هيا وصاحبتها من اقصى المدينه تجري جري ويدونا كوع على بطوننا انا وصاحبتي ويركبوا مكاننا!!!
انا وصاحبتي انفجعنا اول شي من شكلهم العبايه طايره والشعر منفوش كلو عشان تاخد مكاننا ووالله دفتنا خفنا لانطيح على وجيهنا وكل مره نفس الحكايه تيجي تبغي تطلعي تجيكي واحده من الجهه التانيه تقفل عليكي طيب عيب انا جايه قبلك احترمي اني واقفه في الشمس من قبلك مرره قسما بالله مواقف كتييير ايش اقول وايش اخلي ولا تجيكي واحده حامل يدوفوها ويجلسو مكانها اصلا المفروض حتى لوجات بعدك زوقا وادبا تقومي وتخليها تجلس حرام البنت تعبانه!!

سوري طولت عليكم كتيييير بس صراحه موضوعك يابيوكيميائيه خلاني اخرج اللي في قلبي ههههههه

لا ويزعلوا كمان لمن نقول جامعه عزوز ويقولو احترموها جامعه المؤسس<<قسما بالله لو يدري المؤسس حيزعل انها تكون بأسمو<<خخخخخ

[شااانيل]

يالييييييييييل ما طولك

[بيو كيميائية ^_^]

المشاركة الأصلية كتبت بواسطة мαѕooяy قبل مآعقب على موضوعك يآبيوو , آنآ مع بحر الحرية في هذه النقطه وبقوه, للأسف للأسف الطالبآت عليهم الغلط كلوووآ , آحنآ كبآآآر آصغر وحده فينآ كم عمرهآ 18 والا 19 !! و للحييين دورآت الميِآه مآهي نظيفة عندنا !!!!!! وربي حرآم , يعني من جد من نآحية النظآفه يبيلهم توعية يبيلهم فهم آحنآ بمكآن تعليمي لازم نحآفظ عليه,, بصرآحة آقترح انو نشوف صرفة نوزع ورق ترشيدي والا نعلقه عند بآب دورآت الميآه ! اتكلم جد ! لانوآ شيء يقهررررررر ! وربي الواحد يروح يتوضـأ يقرف نفسسسسه بصرآحة آ’حيآنآ من القرف آحسسس لو آني آخرر الصلآه للبيت آشرف وآنظف !! يآنآس آحنآ آمة النظافه , حتى يآبيووو لو تكلمنا مع الاداره آنهم يحطوآ مثلا عاملة بكل دورة مياه ايششش الفآيدة اذا السبب فينآ آحنآآآ !! وهي مسكينة روح مخلوق زينآ زيهآ ! معناها على كذا بتنظف دورة المياه اكثر من 20 مره باليوم والله حرام حتى الطلاب صلآة ايش !؟ كل هذآ خوف على الصلآه لو تأخرت دقيقه ثانية عشان تستخدم دورات المياه بوعي !! تبين توعين شعب سعودي ماإعتقد راح نقدر المهمـ هي ماتنظف إلا نهاية الدوامـ يعني بس مرة في اليـومـ أعتقد مافيها شيء لو تنظف كـل ساعتين أقلها تنشف المـاء هي صحيح بشر مثلنا ولازمـ نرحمهـا فيصير الناس يعرفوا يحافظوا على دورات المياهـ وأيضًا تنظيف كل ساعتين / اما الكآفتيريآآ شيء إبدآآآآع مآدري ايش آفسر وايش آقول فيهآ ؟؟ لا ويتكلموآ بدون نفس معآكي آرحمونآ يآهو آسعآرهم عآدية بسس الاكل بصرآحة المفروض يكون قد السعر ., شيء يقرف , وبعدين رآيبس كووووم وكآفتيريا اللي مقابل مبنى 12 كووم ثاني ماتوقع تآبعه لهم ,, شيء مقرررف اصلا شكلوآ مو حلو , والطعم يآآآآآآآآآع , والله السآندوتشآت والتووست كلوآ وووع , الواحد يطلع من المحاااضرة مخه موووقف جوووعان ! علشآن كذآ نضطر نآكل آي شيء والا هذآ مو اكل صرآحة ,, آتمنىىىىى من قلبي انا والبنات نكتب كل المشآكل وواول الايآم نتوجه فيهآ للشئوون والا للعميدة نفسهآ والا آي مكان مسئوول ! والله فكرت السلطات والفوآآآكه يآآآآآآآآآآآآآآرييييييت سلطة فوآكه حلوه وتدنن آحسسن من السآندوتشآآت اللي تسد المخ سد خخخخخ اللآبآآت صدمتيني صرآحة حتى اللآبآت اللي وآجههـ كل طالبة بقسم العلوم !! والله مشكلة انا للحين مآشفتهآ بس شفت لآبآت الحآسب !! حدث بلآلآلآ إإإحرآآآآجآآآت كلهم مخرفييين هع ,, ! كمبيوترآت يآعالم مآهي ظآبطه تيب كيف ايش نسوي؟ المفروض تكون مظبطه وكاملة بكل البرامج اللي نحتاجها احنا ,,! اتذكررر يوم نسوي برزنتيشين وقفنا انا و3 بنات عرضنا بسبب انو مافي برنامج يشغل فيديوو ويوم جبت البرنامج معايا ,, هع عشان يتثبت محتاج نت !! عاد والنت محرم علينا خخخخخخخخخ ووالله شيء مقرف بيبووو , قوليلي مين الجهة المسئولة بالظبط عن هالاشياء ؟؟؟! لآن ودي آروح آنآ والبنات اذا تعاونوآ معايا مو آروح لوحدي يعطوني ملفي ويقولولي برآ بيووو يعطيك العافيه ياقلبي على هالكلام !! بطله ! واتمنى التغيررر خاصة قرف دورات الميآآآآه

أعتقد لأني ماأدري الشوؤن والصيانة

المشاركة الأصلية كتبت بواسطة نسيم الوجود مسوري ..ليه حتى هذآكـ كلامـ ..هذيكـ منآفخه عليّ مو كلامـ بعد لاوماادري اش قصتهمـ يبون ينصبون عليّ ولا يبون الفكه .!! ..تاخذ وحدهـ ورقتي ورقه خمسه بعدي وتعطي الطلبات من الاخير للبنات ويوم تجي عندي تقعد تطآلع فيني بنص عين وتقولـ : فيييييييييييييييين ورقه آنتآآ ..!! يعني لو ادخلـ عندهآ دآخلـ وآحشرهآآ بزآآويه وافقع وجههآ بتعرف وين راحت الورقه..افتكـ من زحمه الكآآشير والمضارب وتجي هي تقولـ وين الورقه ....!! الله يخارجنآآ نسيمــ

صح صارت لي كذا مرة

وتحسسك كأنك تطرين مو دافعة فلوس

المشاركة الأصلية كتبت بواسطة شااانيل يالييييييييييل ما طولك

[My World]

ليش الجامعه ماتسوي ادارة للاشياء زي هذي
يعني يسوون مباني اكثر وتكون على مستوى مو مشي مشي
والكفتريات لو يفتحون مجال للشركات غير رابيس ((كرهت رابيس ))
:)

[بسمة جوري]

التصوير بالنسبة لكلية التربية بس محلين تصوير على اكثر من 10 الاف طالبة والله زحمه واحيانا استحي اخذ من البنات يعني هم وقفو في الزحمة وصورو وانااخذها باردة مبردة

نطالب بمكت ب تصوير ثالث ورابع ايضا

[بيو كيميائية ^_^]

^^^

مافهمـت عليـكـ

ايش تقصدي بالتصوير

[Jarood moon]

^
تقصد تصوير الأوراق
في المكتبه ومبنى 13
..
رجوعاً للموضوع ..
بصراحه هالمشاكل كلنا نعاني منهـا وبقوه بعد
وعلى موضوع الحمامات اعزكم الله الشي المستغرب .. ليش حمامات 420 دائماً نظيفه وحلوه وتفتح النفس
والمباني الثانيه اللهم لا تعليق ..
هو العاملات اللي في 420 جايين من عالم ثاني ولا يمكن البنات اللي في ذاك المبنى غير والله اعلم
..
عالعموم الف شكر عالطرح \وان شاء الله نلقى حلول في القريب العاجل

[Smaile]

كل شي قلتيه صح الا الحجاااات لاااااااااااااااا خلوهم تكفون والله نافعين نشتري موية وببسي ولبان خخخخخخخخ واحنا خارجين من الدوام

[اسمـاء محمد]

بنات جامعة ام القرى وهي جامعة ماهي كبر من جامعتنا فيها مقهى بارنيز

واحنا رابيز ومادري الاكل نظيف

ليش ماتفتح فروع مطاعم فاست فود

مو يستلموا فلوس منها
والا لازم نروح السوق وناخد واو نطلب

مررررررررررررررررررررررررة حاله


مكان يكون للصلاة مرتب ونظيف مافي

[x_bent njd_x]

الله المستعاآن , ,