〓 كَـيــنونَــتي ♥ ♡

[ُزمرد]

البوم بابا ناداني اساعده ماسك علبة وقلي حطيها في المطبخ وغسلي يدك يابنتي! نبه عليا 3 مرات اني انتبه لا انحرق واغسل يدي !
اتسائلت ايش الشيء الخطير دا .. طلع بالنهايه .. حبيبنا الكلور إكس

ههههههه اتمنيت وقتها يكون بابا معيد في لاب الاورقنك :(

اتوقع ماحيخليني اسوي ولا تجربه
في مواد من غير ما افاعلها مع شي بس بمجرد اني احطها ف التست تيوب .. ع طول الانبوب يسخننن ويطلع منه بخار حارق ..!

كم انا صبورة :|

[ُزمرد]

مؤخراً اكتشفت اموراً تهددني بالخطر :| ..
1- الصابون الجاف وخاصه مساحيق الغسيل!
2- موسم تناثر حبيبات اللقاح

:(

[ُزمرد]

هههه قآل بشتري فار عشآن أتدرب عليه لِ لآب الفارمآكولوجي !!.. وكل ما أخويا يقولي "يالله سرينآ نشتري" اقله لا خليهآ بكرا

×_× حآسه ب رعب فظيع

أحس إني ح أكل ع رآسي اكتر وحده خصوصاً واني كنت أتريق ع صحباتي العام .. لما كان عندهم فيران =(

يآرب سهلهآ من عندك

انا قوية و ح يمديني ان شآء الله

عآدي وإيش يعني امسك الفار واعطيه إبره :)

[ُزمرد]

بريسكوڤو .. أكره هذا الشعور :)
" وكثير " يحصلي .. بعكس الدي جاڤو نادراً مايحصل بس احسه شيء حلو :)

الدي جاڤو .. تفسيره العلمي منطقي جداً قريب عرفته _ بينما تفسيره اللي قرأته من زمان مبهم واقرب للخيال من الواقع .. " إن الروح تسافر إلى بعد آخر وتشوف المستقبل..،،، إلى آخره.. " حكي فاضي " :)

[ُزمرد]

نفسي ادرس بِ الهند أو روسيآ علم الطاقه بحكم انها اكثر الدول معرفة بهذا العلم
بس متى ؟؟ :(
الواحد بعد البكالوريس وراه ماستر و دكتوراه ..،،
والباراسيكولوجي لو درسته و اتعمقت فيه ح ياخد كل وقتي وعمري


بحكم ان تخصصي صيدلة ف وظيفتي هي علاج الجسد ..
الباراسايكولوجي ح يكون علاج للروح :)
نوعاً ما في رابط بينهم ان شاء الله ح يجي اليوم إللي اجمع فيه بين العلمين ..

[ُزمرد]

....... كنت اتابع .. جِهة سياسية عالتويتر بإعجاب شديـد!!!
ومرة اتجرأت "غردت" وعبرت عن موضوع سياسي بكل جديه
فجاءه حصلت ريتويت من الجهة دي + فولو من ناس كتير عاللي كتبته .. حسيت في اي لحظه ح يدق باب بيتي ويعتقلوني

[ُزمرد]

غاز الكيميتريل .... " قضية تستحق المتابعة " !!!!!!

شيء مُخيف :)

[ُزمرد]

Sunday - July,8

صحبتي گان عندها حفلة ونسيت تشتري الحَلا ف اقرب شيء گان سعد الدين بسرعه خرجنا وأول ما وصلنا لقيناهم قفلوا المحل خلاص :/

المشكلة ان الضيوف فِ الطريق جايين .

صحبتي قالت للسواق خلاص يامحمد ارجع البيت
قلتلها اصبري اصبري !! امشي ننزل نجرب حظنا << لمحت موظف جوا المحل

نزلنا و دقيت الباب بگل أدب وإحترام .. Tik Tik Tik "

فتحلنا الموظف : سوري يا آنسه بعد الصلاااا
انا وصحبتي قلنا ب صوت واحد : الله يخلييييگ !!
وعملناله الpop eyez

.

طبعاً حزن علينآ و دخلنا هههههه السؤال اللي محيرني .. هل لو گنا اولاد گنا ح ندخل ولا لاء D:

[ُزمرد]

ذِكرى قديمة ،،

في شخصية اصبحت مُحايدة ب حيآتي لظروفٍ ما.. ما اكره هذي الشخصيه ولا ااحبها عادي
هذا حال الدنيا . دوام الحال مِن المحال .. اياً كان ماعلينا

نسيت أو تناسيت whatever , كل شي بيننا سواء مِن خير " ك ذكريات حلوة ومشاعر " او سواء مِن شر " گخيبات الأمل الكبيره والصدمآت والغموض ..

كل شي ماعاد له وجود بِبالي إلا جمله وحده ..

مره من المرات طال الكلام بيننا لين ما اذن الفجر وانا وقتها كنت مواصله من اول.. ف قلت للشخص خلاص انا ح انام لما اصحا اصلي مني قادرة مرررررا :( !!

سكت الشخص وقال : ماادري .. بس انا عن نفسي ما ح ارتاح الا لو صليتها .. ماحقدرانام:)


بصراحه اتأثرت تأثير!!! واستشعرت قصوري
حرصت من بعدها اني ماانام ابداً وانا مأخرة صلاة .. والله كل مااتكاسل اسمع الجمله ف بالي !! تحمسني وتخليني اقوم ع طول


حلو ان احد يترك بصمه ايجابيه تؤثر على حياتك بِجد :)


يارب سامحني على قصوري وثبت قلبي على دينك 3>

[ُزمرد]

بُگره عندي إختبار ،، و للآن اشاور نفسي ، آذاگر ولآ لآ ،، :|


« شعور صعب الواحد يِذاگر بالصيف :( »