هنا استفسارتنا عن الدكتورات 2014 - 2015

[Basma algHamdi]

السلام عليكم و رحمهه الله و بركاته

لاحظت الأغلب يستفسر عن أفضل الدكاترهه
فحبيت أعمل الموضوع لنستفيد و نفيد الدفع اللي بعدنا
بإنو نكتب تجاربنا معاهم و أي حد حاب يسأل يتفضل هنا
بالبداية في موضوع مرا قديم أستفدت منه للدكاترهه ححط رابطه
و كمان حعمل quote لبعض ردود البنات لبعض استفسارات البنات
و بعتذر لأنو ماعرفت اعمل quote مع اسماء العضوات مع كدا لا تنسوهم من الدعاء:$$

[Basma algHamdi]

الي تبي تعرف اي دكتوره لاي ماده في قسم الاحياء

bio 202 احياء عامة افضل دكتورة حسب اللي اسمعوا ندى ادريس وعائشة العلواني تدريس تمام واسئله على قد مذاكرتك وتخرجي من الكورس وانتي فاهمه تمام والبنات درجاتهم عالية معاهم انا اخذتها مع منال القطان تقرأ بس من السلايد واسئلتها الدوري الاول كان كله اختياري والثاني كلوا مقالي ! يعني مزاجية انا اخذت معاها a bio 200 امن وسلامة المختبرات المادة سهله وبساعة وحدة والكتاب صغير والمنهج عربي عادي اي دكتورة ماتفرق بس أبعدي عن حياة اسماعيل انا اخذت معاها وبصراحة مصعبة الماده وتطلب مع الدوري الاول بحث عليه 5 درجات والاختبار 25 وكمان تبغا بحث تمام ومرتب وفي الاخر فهرس عشان تاخذي الـ 5 كاملة وفي الدوري الثاني طلبت مطويات هيا معقدة الماده فأنصحك ابعدي عنها chem 230 كيمياء عضوية انا لسا مادرستها بس كل البنات اجمعوا على الدكتورة نجاة سنوسي لاتاخذي مع غيرها ابدا لان الماده ب 4 ساعات وخصوصا عائشه يهب<<اتوقع كذا اسمها المختصر خذي مع دكتورة نجاة او بلاش تاخذيها الحين bioc 371 كمياء حيوية عامة الماده سهله وحلوة بس طويلة شويه ولازم لها فهم البنات يقولوا دكتورة ألفت افضل وحدة ,,, انا أخذتها مع نجلاء اياز شرحها مو مرة بس لازم تعتمدي على نفسك وتذاكري اول باول واسئلتها على حسب مذاكرتك واخذت معاها a+ bio 221 وراثة عامة شوفي حبيبتي المادة لازم لها فهم تمام اذا تبغي تتخصصي هندسة وراثيه لانها تعتبر هيا الأساس انا اخذتها مع دكتورة عفت هيا بصراحة شرح مررررررة عدم ماافهمت منها ولاشي وتندمت اني اخذت معاها بس عشان ماأظلمها هيا كريمة بالدرجات وتأشر وتحذف بس للأسف ماتخرجي من الكورس بحصيلة علمية ,,,, نورة الزهراني يقولوا تمام وانتي براحتك bio 222 بيلوجيا الخلية الخلية لسا مادرستها بس ابعدي عن اسمهان مرررة لاشرح ولااسئله على كلام البنات والكل معاها مخسوف ,,,,,, اكثر البنات يقولوا منى الشريف شرحها تمام واسئلتها حلوة وكمان نورة الزهراني arab 101 و 201 العربي لازم تاخذي بس 101 ماتقدري تاخذي الاثنين مع بعض افضل دكتورة في العربي حنان حنفي وانا اخذتها مع امنه عسيري كمان كويسة واساسا المنهج مرة سهل الاسم والفعل والحرف والجملة الاسمية والفعلية وعلامات الترقيم

الثقافة هوا شوية طويل وبيتكلم عن الحضارة في اول الكتاب ثقافة 1 اصعب من ثقافة 2 ومع اي دكتورة مايفرق لانه كلهم عادي بيشرحوا واسئلتهم اختياري وماحد بيأشر او يحذف بس اذا قدرتي خذي مع سناء النجار شرحها مررة كويس وفي الاختبار تفتكري شرحها بالتوفيق دكتورة نهاد مصطفى قم قم جي صاحبتي كانت تدرس عند نهاد وتقول مررة تمام واسئلتها حلوة كمان

Bio 202 احياء عامة د. ندى ادريس مررره كويسه واخلاق بس تعطي انقلش بس حييييل تساعد البنات كمآآن د. ابتسام باوزير + د. فاطمه العطرجي كويسات Bio 200 امن وسلامة المختبرات د. منى الراعي مررره كويسه Chem 230 كيمياء عضوية مآآ اخذت الماده وبصراااحه ما اعرف مين افضل وحده Bioc 371 كمياء حيوية عامة د. الفت لو نزلت الماده عندها خذيها بدون تردد Bio 221 وراثة عامة د. عفت الجديبي و د. نوره الزهراني Bio 222 بيلوجيا الخلية انا اخذتها مع منى الشريف صراحه هي افضل الموجود اهم شيء ابعدي عن اسمهان Arab 101 و 201 عربي 1 يمدحون حنان حنفي بس ما جربتها

معمل الأحياء الاحياء هذآ معمل لحاله بدون مادة مع شذآ و صفاء الحبشي مرة كويسين

معمل كيمياء خذي مع حنان هوساوي ووحده نسيت اسمها مدري ايش الشيخ المهم الثنتين مررره كويسين وتضمني معاهم الـ a+

منال حمزه كردي القطان لانها تصععععب المادة بزيادة انا درست الاحياء الدقيقة عند نهاد قمقمجي ومرا كويسة ومنال البنات كانوا يشتكوا منها الامن وسلامة درست عند امل النجار طيبة وكويسة ماشي الحال الاحياء العامة درست عند منال القطان الاسئلة بالاختبارات زفت وتجيب انقلش مع انه المادة عربي وراثة عفت هذي احسن الموجودات مع انها شرحها مو حلو بس طيبة وتعطي درجات العربي 101 درست عند امنة عسيري كويسة مافيها شيء الكيمياء الحيوية دكتورة الفت ما يبغالها كلام احسن وحدة بالكيمياء الحيوي شرح واختبارات العربي 102 مها خطيب معيدة وشرحها جميل مافيها شيء بالتوفيق :)

[Basma algHamdi]

-
-
-
-
-
-

المشاركة الأصلية كتبت بواسطة جيزان الثقافة هوا شوية طويل وبيتكلم عن الحضارة في اول الكتاب ثقافة 1 اصعب من ثقافة 2 ومع اي دكتورة مايفرق لانه كلهم عادي بيشرحوا واسئلتهم اختياري وماحد بيأشر او يحذف بس اذا قدرتي خذي مع سناء النجار شرحها مررة كويس وفي الاختبار تفتكري شرحها بالتوفيق

معمل أحياء 281 أخذته مع أ.سمر خان كانت ممتازة جدا والحمدلله وأصلا العملي سهل فما يحتاجلو يعني الكيمياء العضوية .. أخدتها مع د.نور باسودان لكن للأمانة ما أنصحك تأخدي المادة عندها. أمن وسلامة مختبرات مادة خفيفة و جميلة أخدتها مع أ.عائشة العلواني ألتزمي بوقت المحاضرة والمشاركة تأخدي a+ بإذن الله أحياء عامة 2 الدكتورة اللي درستني هي أتقاعدت لكن أغلب اللي بيدرسوها كويسين معمل كيمياء عامة بسيط المعمل وجميل ما أفتكر اللي درسوني فيه لكن حتى بإختلاف الأستاذات البنات بيجيبو علامات عالية

بس للتوضيح و التطمين ;-) كيمياء عضوية المادة صح سمعتها مش حلوة ويقولوا صعبة لكن انا عن نفسي كانت من اسهل المواد في الحقيقة لو تحبي تاخذيها خذيها مع الدكتورة سميرة مصلي او الدكتورة احترام قشقري كل الدكتورتين متمكنات من المادة تماما يعني مستحيل تتعبي في الفهم معاهم انا كنت مع الدكتورة سميرة ، للأمانة ادعيلها كل ما افتكرتها فعلا كانت بتشرح بذمة وتحذف اللي مش مهم وتسهل علينا كثيييير قد ما تقدر يعني ما خفت من المادة نهائيا ، والحمد لله درجتي في المادة حلوة جدا الدكتورة احترام حضرت لها كلاس مراجعة ، حتى هي متمكنة جدا وصحبتي كانت بتاخذ معاها وكانت تمدحها كثير يعني الدكتورتين هذولي لو اخذتي عندهم تضمني a+ إن شاء الله بس ذاكري تمام ولا تراكمي ، المادة دسمة شوي ، وربنا يوفقك

[Rana saad]

السللام عليكم
الله يسعدك حبيبتي basma الموضوع فادني ورتبت في راسي اسماء الدكتورات الكويسات
وانا كمان بكتب تجربتي في الاستاذات
*احياء عامه درسته عند اريج باخريبه جدا ممتازه وشرحها حلو انا مشى معاي شرحها كوني معاها محترمه تكون لك عسل.
*كيمياء حيوي اخذته مع هند الخطابي جدا ممتازه تقسيمها في الدرجات 20 دوري اول 20 دوري ثاني 40 نهائي و10 كويز تختبرك ثلاث كويزات وتعطيك افظل كويز ز
* معمل احياء 281 في الجدول مكتوب لي استاذه خديجه العمودي عمري ماشفتها الي درستني عنايه ابو النصر جدا ممتازه وعسل هالاستاذه .
* امن وسلامه احس ماتفرق اي استاذه اخذته عند بدريه عسيري
*عربي 1 اخذته عند سعديه العويني شرحها مره حلو وتدخل المعلومه في راسك بهدوء بس عشقها التكاليف والواجبات .
بس هذا الي نزل لي هالترم الباقي قفلت علي وبالتوفيق للجميع

[Basma algHamdi]

^ و يسعدكِ ياجميلة $:

احياء عامة : ندى ادريس
الشرح جداً سلسل و الاختبارات كانت موحدة
لكن تراعي و تدينا كويزات مرا سهله
ربي يسعدها .
آمن و سلامة - بدرية عسيري .
المادة مابيحتاج لها شرح جداً سهله
الاختبار كان يحتاج تركيز .
وراثة - مُنى راعي
قرأت كثير انو ناسبتهم الدكتورة و شرحها جيد
لكن بالنسبة لي العكس لأني مابحب الجينيوم
و اختباراتها الدروي الاول سهل
الثاني صعب و النهائي اصعب كمان .
الاسئلة عبارة عن :
قارني ، اكملي ، اختيارات ،
صح و خطأ ، مسائل ؟
علوم قران - سامية الجحدلي .
الأختبارات سهله و الشرح تمام
لكن انا ماكنت احب الحفظ فأستصعبت المادة .
معمل أحياء عامة - عناية ابو النصر
جدً جميل شرحها و اختباراتها واضحة الحمد لله .
كيمياء حيوي - ريم الأزرقي .
جداً مسهلة المادة علينا وو شرحها ممتاز
و للأن اختبرت الدوري الأول تمام الحمد لله .
ثقافة إسلامية - سمية البار
يسعدها ربي دي الانسانة تحببكِ بالمادة
و شرحها مرا ممتع .
عربي 2 - يسرى الغابني
جيدة الحمد لله .
نبات - فوزية اليوسف
شرحها كويس الحمد لله
و لسا ما اختبرت معاها
لكن متفائلة ان شاء الله :$
خلية - فايزة الفايز .
المادة ما استصغتها <~ اكره الجنينيوم
تشرح من السلايدات و السلايدات
غير عن الكتاب و لسا اختباري بكرا
ربي يعين

[طمووح آنثى]

الدكتورة خديجة العمودي ..
انسانة راقية وشرحها فوق الجمال تعطيك معلومات تستفيدي منها خارج المنهج وأسئلتها حلوة


موفقين

[candy_22]

السلام عليكم ممكن تفيدوني بخصوص بعض الدكتورات

دكتورة : فردوس معروف موسى بخارى
و دكتورة : أزهار عبدالله نجار
لمادة فطريات مين افضل و كيف شرحهم و الدرجات

ودكتورة :سماح عمر جمال نور
دكتورة : ولاء عيد عوده الاحمدي
لمادة فسيولوجي احياء دقيقة مين افضل
و شكرا

[candy_22]

الله يسعدكم محد يعرف شي عن الدكتورات
طيب دكتورة
نهاد محمود مصطفي قم قم جي
و دكتورة
أمل حامد حمزه النجار
الله يسعدكم ممكن احد يفيدني