د.حسنين cpit285 الرسم بالحاسب

[طموعه]

السلام عليكم

لو سمحتو ابغى اعرف كيف اسلوب الدكتور في الاسئلة ؟؟

لانو مررره مايقول الا رؤس اقلام من الكتاب !؟؟

[الحمادي2009]

اختي طموعه
الدكتور حسنين البرهمتوشي
انا اخذت مادة عنده 322cs طبعا الدكتور ذا لابد اول شي انك تكتيب معاه في كل شي يقولة وبعدين اسئلته موحدة يعني لو عندك اسئلة لسنوات من قبل اكيد رايح تجي مشابهة لها بالتمام والدكتور ماينخاف منه تحسين شكلة يخوف بس مرة لذيذ ودمه سكر بس لابد تكتبين معاه ولا يخرج اختباراته عن شرحة واسئلته السابقة ..
وشكرا

[Mafia_620]

والله شووفي انا بآخد الماده دحين دا الترم عند الدكتور حسنين والماده كمان شبكه مع البنات _وبالنسبه للدكتور واسلوبو يمدحوه يقولو مو معقد وشرحو مرره اوكي_بس انا شايف انو الماده جداً دسمه وكل مايعدي بكم نقطه يقول حاشرحها بعدين بالتفصيل اذا مافهمتوها

[طموعه]

مشكور اخوي الحمادي

مافيا :
انا كمان باخذ عنده دحين وعشانوا كل شويا يقول بعدين !!
مو عارفه اسلوبوا يعني كل اللي يشرحو اكواد ؟؟ الاختبار كله اكواد ؟؟؟

طيب محد عنده اسألته ..؟؟؟؟؟؟؟

[Agent]

المحاضرة الجاية راح يقول....

اصبري..

[عذب الحنان]

وعليكم السلام ورحمة الله وبركاته
/
ياهلا بـك ،،،
بالنسبة للدكتور / الحسنين البرهمتوشي
أدرس عنده في شعبة بس مو شعبة اللي فيها البنات ...
الدكتور ما شاء الله عليه فاهم ويفهم وانا قبل هذا هو مشرفي الأكاديمي ..
الدكتور / أعتقد انه مركز على كتابة الأكواد وذلك انه في كل محاضرة يشرح الكود ويفصفصه

وثاني شيء مركز على التعاريف ... يعني إختياره راح يكون إختياري بناءاً على النظري وكود يا تتبع أش راح يرسم ؟ أو أنه نكتب كود عن مثلاً ( دائرة أو مربع أو مستطيل ) أو أكتب كود وظيفة....


هذا اللي أنا ألاحظـه منه . المادة دسمــه بشكل كبير لكن راح تكون سهله إذا كان الواحد فاهم شوي من الأترام اللي راحت عن الجافا .. والأكواد أعتقد مو صعبه مثلاً [ الدائرة أو المربع أو أي شكل ] له كود متى نحطه ؟ ومتى نسوي كذا ؟ هذي أهم الأسئلة اللي تساعد على فهم الكود وتسهل لنا نكتب كود ...

اتمنى اني وصلت لك ما فهمته من الدكتور
بهذا تقبلي ودي

[processor]

انا حاليا منزل المادة مع الشعبة الي فيها البنات
وملاحظ الدكتور مركز على الاكواد كتير لاتنسو في اختبارين معمل
والكويز الي قبل الاجازة اكيد كوود بس ماني داري ليش مايبى اختبرنا في نفس المحاضرة
والاسبوع الجي في كويز معمل
الله ايعين

[طموعه]

شكرا لكم

والله ييسر لنا الاختبار الجاي

ومرره ما اتوقع انو مجرد كوز من كلامو اليوم

[ابوفاس]

والله ماني عارف هو كويز ولا اختبار الدكتور ماهو راضي يوضح (بس شكلة اختبار)والله يعين

[Mafia_620]

اليوم اختبرنا ولله الحمد:dبس احلى شي لما ندخل الاختبار وماندري هل هوا كويز ولا دوري!!!! بس اتوقع انو دوري لأنو 20 سؤال واختبار موحد وجامع الشعب كلها ومكتوب في ورقة الاسئله انو exam والله يستر انا كلمته بعد الاختبار قلتلو اختبار ولا كويز !؟ قال على حسب درجات الطلاب اذا كانت كويسه رح يعتبر اختبار واذا كانت سيئه نوعاً ما فحيكون كويز
الله يعمل اللي فيه الخير