التحويل في الرياضيات

[iLaamz]

السلام عليكم ،،

انا حطوني في الرياضيات عند استاذه نجوى جميل شمس الدين احرارخوجه
وسمعت عنها انها مرره مو كويسه وابغا احول عند دعاء قاروت او ليندا الزبن

وابغا ارقام مكاتبهم وكيفية التحويل 😿

[mero_algh]

شوفي انا عند استاذه اسيا امين زقزوق اذا طلعت كويسه حولي عندها بس خلينا نستفسر عنها اذا في وحدة تعرفها تقولنا كيف هيا 👌.

[Mirinoxd]

آسيا زقزوق أنا كنت عندها تدريسها ممتاز ولما تشرح تشرح الأساسيات كمان ودا يفيد الي مو متأسسين مزبوط ف الماث
لكن في المقابل حتكون بطيئة حبتين عن الباقين وتآخذ اكسترا يعني محاضرات اضافية لازم تحضروها عشان تلحق مع باقي الدكتورات
وتقبل أي بنت تحول عندها الله يديها العافية وما تحاسب على الحضور والغياب
بس زي ما قلتلكم الي بتحول عندها لازم تتحمل الاكسترا يعني حتاخدو محاضرتين في اليوم -الاكسترا تكون من 12 ل1-

وليندا الزبن ممتازة كمان والي معاها كانو يقولو انها تشرح سريع وتعطيكم الزبدة يعني وماشاء الله يمدحو شرحها
برضو رانيا الحربي كانت منسقة المادة ويمدحوها وكمان نهلة الدواليبي

[شواطئ البحر]

عشان تحولي تروحي عند منسقة المادة وتعبي نموذج التحويل

[mero_algh]

المشاركة الأصلية كتبت بواسطة mirinoxd آسيا زقزوق أنا كنت عندها تدريسها ممتاز ولما تشرح تشرح الأساسيات كمان ودا يفيد الي مو متأسسين مزبوط ف الماث لكن في المقابل حتكون بطيئة حبتين عن الباقين وتآخذ اكسترا يعني محاضرات اضافية لازم تحضروها عشان تلحق مع باقي الدكتورات وتقبل أي بنت تحول عندها الله يديها العافية وما تحاسب على الحضور والغياب بس زي ما قلتلكم الي بتحول عندها لازم تتحمل الاكسترا يعني حتاخدو محاضرتين في اليوم -الاكسترا تكون من 12 ل1- وليندا الزبن ممتازة كمان والي معاها كانو يقولو انها تشرح سريع وتعطيكم الزبدة يعني وماشاء الله يمدحو شرحها برضو رانيا الحربي كانت منسقة المادة ويمدحوها وكمان نهلة الدواليبي

شكرا ي قلبي 😩💜💜.

[أُنـثــﮯ مـــلآئـكيـة]

روحي للدكتورتين اول اسبوع واطلبي تحويل ودي
عندك استاذه هدى افندي و ليندا الزبن من افضل الاستاذات الي يدرسوا ماث برأيي

[نُـهَـى]

وعليكم السلام

ممكن التجويل ودي بحيث تروحي للدكتورة اللي تبغي تحولي عندها وتكلميها وإذا وافقت تكلمي دكتورتك الأساسية وتشوفي توافق

دكتورة آسيا زقزوق شرحها مرررة حلو بس عصبية حبتين
وتشرح بالتفصيل وتغطي كل شيء ماشاء الله
عشان كذا تحتاج تاخذكم محاضرات إضافية

بالتوفيق