شوفوا إش ردت الجــآمعة على:مآذآ تريدين منآ يا جامعة الملك عبدالعزيز؟!

[s0sah laz0zah]

المشاركة الأصلية كتبت بواسطة ~``lareeen``~ هلا أختي... بصراااحه اساس الغلط من التعليم ككل ماهيئونا حتى لغة مثل العالم والناااس مااعطونا على هذا كله بالنهاايه لما جينا عند الجاامعه ارفعت الجاامعه يدها بعذر انو مو مسئوليتها مسئولية التعليم كل وااحد منهم يرميها ع الثاني واحنا الضحيـــــــــــــه.... كلامك منطقي بس ودي أنوه على كذا شي... أولآ... قلتي اللغه... << بأقولك لا مو اللغه مثل مااتقولو كيف ناااس جاابت درجاات عاليه هذا اكيد ان الاسئله سهله وانهم ذااكرو... بأجي انا اسأل طيب كلهم ماشاء الله مثل ماذاكرو هم فالحين باللغه....؟؟؟ يعني اللغه مو عذر واللغه غلطتنا كلنا اول نااس احملهم الغلط هم التعليم ككل متى درسنا انقلش ؟؟؟ اولى متوسط صح...؟؟؟(( اتكلم ع النظام الحكومي مو الأهلي)) وكيف كانت كفاءة هالتدريس واهمية هاللغه <<< كانت مررة ماهي مهمه وفي يوم وليله صااارت مرررررررررررررررررة مهمه ولا بعد تدرسين كل شي انقلش<<< والله حراام عليكم يااهوه ترانا آآوااادم ولنا طااقه.... ثانيآآ.. طيب في ناااس ذااكرت اسبووع كاامل وانا غمتي((وجهي)) في الكتااب على بس 3 شاابتر وبالنهااايه درجتي نفس الاولى يااسبحان الله اروح احل الهوم ورك اون لاين 95% احلها صح ونفس الحاله مع الاسئله الموجوده بأخر الشباتر يعني هنا الغلط من ميـــــــــــــــن.....؟؟؟ واذا ع سالفة انهم يبيون يطلعووون اجيال علماء او او .. ((كل واحد يحط المصطلح اللي يبيه)) << وينكم لما كنا بالمدرسه ولا النبغاء يطلعون في اخر المشواار في تعلميهم بس وهم بالجامعات بس طيب لو جد كلامهم يبونا اجياال نبغاء اقلها يسوون مثل جامعات المملكه البااقيه خلو اختبار الدوري الاول تجريبي << لان ذا الشي من حق الطالب يعرف وشلون رااح يكون اختبااره مو مثل هالجاامعه ذاكرو ذاكرو وبس طيب اقلها اعطونا فكرة عن الاسئله لان تونا دااخلين تعليم جديد << لاتقولون مو شغلهم يعطونكم فكرة طيب ليه الجامعات الثااانيه خلو الاختبارات الاولى كتجريبي..؟؟ آسفه ع الآطاااله ردي للجااامعه وافكاار اهل الجااامعه مو لكااتبة الموضوع....

ردك قمة في الروعة
حبيت بس أكتب كومنتي واعجابي بردك

[رزان22]

صبرا جميل وبالله المستعان
اللهم لاتضيع لنا تعبا ولا سهرا
اللهم احفظ الفل مارك من غدر الالات

[bint aboha]

المشاركة الأصلية كتبت بواسطة oro لسلآم عليكم ورحمة الله وبركآته .. وعليكم السلام ورحمه الله وبركاته صبـــآحكم مسـآؤكم // فــــل... "كــآن السؤآل : مآذآ تردين منّآ يــآ جآمعة الملك عبدالعزيز...؟؟!!".. وأكيد شفتم وقريتم الموضوع .. 7 7 7 7 7 7 7 والجوآآب : أولآ ً : احسبوهـــآ صح .. "كـــل الصعوبة في الموضوع الكلآم بالإنقلش".. و"لآ المنــآهج ما خذينها بالثنوي .. وعــآل العـــآل .. ولآ أنكر إن كـآن فيه أبلات أسئلتهم أصعب من إللي كـــآنت تجينآ بالاختبآرات".. و عن نفسي .. الكميستري كـــآنت أسهل مآآدة .. " لأن أبلتي بالثنوي مآ شآء الله أفضل من ممتآز " .. << بالرغم من إهمآلي وإنني مآ أحضر محآضرآت ولآ أذآآكر إلآ إنني كنت أجيب..درجة.. حتى الفآينآل حليته من الشرح حق الثنوي.. " الحمدلله"... فــ الصعب يكمن باللغة .. و خلآص وتعودنـــآ مع الوقت.. صح كلامك وعين العقل بس هذا الغلط بعينه يعني ذحين يدرسونا بالإنجليزي بعد كل هذه السنوات من الدراسه بالعربي الله يعينا بس ــــــــ ثــآنيــًــآ : إللي تبغـــآه جامعة الملك عبدالعزيز .. ~{تبغى نـــآس طموحة .. مــآ يهزهــآ الصعب .. تبغى تخرج جيل يعتمد عليه .. لآ تنسووون ترآهـآ جامعة حكومية دآآخلين بلآش.. وفوق هذآ نآخذ مكآآفآآت.. "ونزلت النسب حقت القبول " وكـــل هذآ .. وإحنآ نقول "صعبوووهــآ إش هذآ ، يبغونا نرسب يبغون يصفون}~ يـــآ نـــآس فكروا بعقل لو كـــآن كل شيء يجي بالسهل .. كــآن الفآشل و النأجح "نفس الشي".. جــــآمعة المللك عبدالعزيز .. تبغى نآس سعوديين طآآآمحيين .. مجتهدييين .. تبغى تخرج أفضل جيل من عندهــآ.. { الجاامعة لأي شآب وشــآبة المستقبل .. : وهي تفهمنــآ إن المهمل .. والمتكــآسل والمتوآآكل .. والغير طــآمح وحــآلم مــآله مكــآن}~ إذآ أخذت أنا صيفي فالتقصير منّي أنا .. لأنني من البداية ما كنت .. الموآطنة الطــــآمحة لمستقبل واعد .. وإن كنت .. فأنا ما أشتغلت ع المستقبل .. وبديت أول بأول .. وأستمريت وأثبت لنفسي وللجميع إنني أقدر ومــآ من مستحييل.. يآآنـــــآس الدولة ما لها مصلحة تصعب شيء علينا .. !! عبآآطة ..!!.. يعني مدينآ مكــآفأآآت .. وجآيبين لك دكـــآتره ,, برواتب مدري كم .. كله هذآ .. وتقول يبغون يصفونــآ ويطردونــآ.. كــآن من الأسآآس ما قبلونــآ .. صح كلامك أنا فكرت كذا وأوقات أقول لا يبغوا يصفونا بس هذا السؤال اللي دار ف بالي إذا من جد يبغوا يصفوا أجل ليه يعطوا الشعب ذا كله مكافأت كان رفضوا اللأعداد هذه وقالوا من أجل أموال الدوله بس من جد كلامك عين العقل ــــــــــــــــــ ثــآلثأ وأخيرآ : أنا مالي مصلحة من هـالكلام .. "بس إنتوا فكروا فيها بجدية" .. إنت ما جبت كويس قدآمكم ترم مشينا نص الطريق قدامن نص .. نقدر نحسن .. ونتحسن .. ~ ونثبت للكل إننــآ قدهــا وقدووود.. ~ .. نثبت إن طلآب السعودية مو أقل من غيرهم .. ، نثبت لأنفسنآ ولكل إللي حولينــآ إننا نستحق .. ننجح ونستحق نحلم .. ونقدر ننجز.. بلآش شغل التحطيم إللي شغآآلين فيه .. ما جبنا ما خذين صيفي .. ما يفهمون ..أسئلتهم صعبة .. خلآآآآآآآآآآآآآآآآآآآآص.. " خلنــآ نقول : رح نثبت للكل إن بيدنـــآ الكثييير .. نسويه .. ونثبت للمسؤولين إللي قد يكون منهم الخطأ مو من الجــآمعة.. إن إحنـــآ هنــآ .. جيل يفخر فيه الوطن ، جيل يستحق إنه يدرس وينجح ويتعلم .. ويصير أحسن دكتور أو مهندس أو طبيبة أو معلمة .. ......".. لأنني لمست كثرت الموضوعاات اللي كلهاا شكآآآوي وتحطيييم كتبت هـ الموضوع.. وفيه مو ضوع بيتر فلاي نجل جدآ رآئع أهنيهــآ عليه بعنوان كن إيجـــآبيًــآ ..." وتستحق الشكر".. لكم أطيب تحية ...

هلا حياتي وربي كلامك يجنن ماشاء الله ويبعث ف النفس روح التنافس الله يكون بعوننا ويوفقنا

مشكوره ع الطرح الرائع و ع فكره مانسيت اللي أمس حصل ف موضوع ... وربي أمس

ماني قادره أنام من الضحك ههههههههه الله يسعدكي تقبلي مروري

برايفت <<< عرفت أسمك هههههههه

[..ريما..]

صح لسانك

[ORO]

" يآآهلآآآ بكم جمييييع..."..

وأرجع وأقول ..إختلآف الرأي لآيفسد القضية لكن نهضة البلد مرهونه بأجيآلهــآ"

[Mohannad Al-zahrani]

نحن نشتكي من بعض القرارات التي لا تثبت الكفائه بين الطلاب .. بل هي مجرد تعقيد ..

مثل
1/ منع استخدام الآله في اختبار الماث ؟
2/ الوقت الضيق جدآ .. صحيح ان الوقت ساعتين .. بس متى نبدأ ؟؟ ومتى ننتهي ؟؟
ممكن لو تحسبوها تطلع ساعه ونص !!!

[ORO]

الآلة ما منعت ممكن السبب من اللي راقب عليكم..
الوقت ممكن صح..
لكن .. ارع اقووول احنا ممكن نعم نهضة وممكن نعمل تدهور .."والقرآر" .بين يدينا

[DeMaH]

كلامك فيه صح وفيه خطأ يعني اللي ما يجيب درجاات ولا ماينجح هو مهمل ومو

مجتهد لا طبعااا انا عندي حلم وطموح وابي اوصله واجتهدت وذااكرت وكل شي بس الأسئله هي

المشكله المشكله مو بالمنهج بالنسبه لي ولا باللغه المشكله بأسئلتهم المختله اللي يحطوونها وبوقت

الاختبار لكل ماده ( فيه ناس كانوا متعودين على اسئله صعبه بالثانوي يمكن ماتفرق معاهم اسئلة

الجامعه ) ومو الجامعه اللي تبغى مننا شي اللي جوا الجامعه هم اللي يبغون الدوله شي اكيد تبغانا ننجح

ونصير شي حلو في المجتمع .

[Mohannad Al-zahrani]

الآلة ما منعت ممكن السبب من اللي راقب عليكم..

آسف أختي فالقرار أتى من منسق الماده .. بمعنى من قرار إداري عاام ... وليس مختص بقاعه أو دكتور ..

علمآ أن السبب كان ..
" في بعض الطلاب استخدموا الآله في الغش !"

طيب ياعزيزي يامنسق الماده .. كما نعرف وتعرفون .. أن الطلاب تم تقسيمهم .. في قاعات ..
فلماذا لم يتم حرمان الطالب الغاش هو لحاله ..!!
هل التعميم مريح لكمـ ؟ أمـ هناك أسباب مجهوله بالنسبه للطلبه ؟!

عزيزي .. الأسلوب الذي تم اتخاذه "المنع الجماعي"
أرى من وجهة نظري أنه صفر في اليسار !
...لاحظ الأسلوب وليس القرار !

لماذا ؟؟
بكل بساطه .. لأنكم لن تردعوا ذلك الطالب الغاش ..
فكأنكم تقولون .. طريقتك قديمه .. دور غيرها !!

والله لا أقصد من طرحي تعذيب الغاش الذي قد يكون مضطرآ ..
القصد .. حماية له ولغيره ..

أتمنا أن يتذكر كل غااش ..
" بغشكـ اليوم .. تطعم أبنائكـ المال الحرام !"

ومن أراد التوسع في مسألة الغش شرعا .. فهناك العديد من العلماء .. أختر من شئت وأسألهـ!

بالتوفيق ..

[التفاحة الذهبية]

السلام عليكم ورحمة الله وبركاته
خلونا نتكلم زي الكبار
لأننا كبار ولا؟!؟!؟!
لو
(مع إنو لو تفتح طريق الشيطان
ولكن من باب أخذ الحيطة والحذر من الأخطاء السابقة)
صراحة
لو كنا نذاكر يوميا، وأول بأول، أول ما نرجع من الجامعة للبيت، وما نراكم الدروس
لو كنا بعد كل محاضرة، نحل أسئلة الشابتر المتعلقة بالجزئية إلي شرحتها الدكتور/ة
لو كنا نسأل الأستاذ/ة على أي سؤال ما عرفنا طريقة حله، وما تكاسلنا أو تهاونا ولا قلنا "هوا سؤال واحد جت عليه، أو هذا مرة صعب ومستحيل يجي في الاختبار، ولا مو لازم"
لو كنا قللنا نومة العصر إلي توصل للعشاء!، وسهر الليالي إلي مالهم داعي
لو كنا بطلنا تضييع الوقت لغير المفيد (تلفزيون مثلا، أو أي شي غيره)
لو كنا ختمنا المادة إلي علينا، قبل الامتحان (زي أيام الثنوي)
لو كنا ذاكرنا المادة *من قلب* بدون تأفف، لأننا لما نتأفف نخلي عقلنا الباطن يرفض يساعدنا، لأنه وللمعلومية، بس 20% من عقلنا يشتغل، و 80% عاطل عن العمل، وهذا هو العقل الباطن، إذا حفزناه على العمل حنجيب الفل مارك -بإذن المولى-، أما إذا حبطنا نفسنا، وقتها العقل الباطن ما راح يعمل، وطبعا هذا الشي مو في صالحنا، وراح يزيد همنا هم، ولذلك لازم نعطي نفسنا رسائل إيجابية تخلي عقلنا الباطن يشتغل قولوها بعالي الصوت (نقدر نجيب راسك يالفل مارك)
لو بعدنا عن الناس السلبيين إلي يحبطونا (وهذي أقولها من واقعي الشخصي، لأنو كانت عندنا دكتورة كنت أشوف شرحها يدخل القلب ويطلع ع المخ مباشرة، وبعد ما سمعت بنات خلفي يتكلموا عنها بأنها ما تعرف تشرح، والمادة صعبة ووو... ومن ذا الكلام، صار كلامها ما يدخل أذني أبدا رغم إني ما أعرف ذولي البنات والله أحلف أيمان إني ما أعرفهم وعمري ما تكلمت معهم بس أثرو فيني بكلامهم << يعني سدوا أذانيكم عن اللقافة ولا تسووا زيي هههههههه)
وقبل هذا كله
"رأس الحكمة مخافة الله"
لو أطعنا ربنا وما عصيناه
لو ما لبسنا العبايات ..أوه آسفة، قصدي الفساتين المزركشة والمطرزة والملونة والضيقة
لو ما كشفنا وجهنا يلي ربنا أمرنا ما نلبس الخلخال، وهو في الرِجل، عشان ما ينسمع له صوت، وتحمل الوحدة ذنب إلي سمعها غصبًا عنه، فما بالكم بالوجه وهو أساس الفتنة
لو هدينا ألوان الشنط الفسفورية الفاقعة والملفتة
لو ما تعطرنا، إذا كان إلي يودينا وإلي يجيبنا سواق أجنبي
والكلام مو بس للبنات كمان للعيال
لو بطلوا ترقيم البنات في الأسواق والأماكن العامة، مع إنو هم الغلطانات، ولا إش يودي ولد لوحدة متحجبة تمام ومو باين منها شي!!!، أصلا إلي يشوفها بس، يحس لها هيبة في المكان، وهذا مو معناته إن مالهم نصيب من ذا الغلط، لو ما سمعوا وسوسة إبليس ورفاق السوء، ما كانوا كسبوا ذنب!!
لو بطلنا سماع الأغاني إلي في البيت والسيارة والجامعة كمان!!
لو وقفنا الغيبة (الحش) والنميمة (نقل الكلام بغرض إثارة المشاكل)
لو بطلنا الغش! والتهاون في الحديث "من غشنا فليس منا" أي لم يتبع سنتي، وهذا مصيره ما يشرب من حوض النبي صلى الله عليه وسلم <<صلوا عليه
لو صلينا فروضنا في وقتها وما قلنا "باقي آخر سؤال" ولا زي بعض ناس ما أدري كيف عايشة حياتها، وتقول "باقي آخر مقطع في الأغنية"!!!!!!!!!!!
لو ما أغضبنا أمهاتنا، ولا آبائنا، وما حرمنا نفسنا من دعاويهم الطيبة
لو تصدقنا بجزء من المكافئة
واللولوات كثيرة (يعني لو لو لو حبات كثير) عدّو واغلطو
فلو كل واحد عد الأخطاء إلي ارتكبها هذا الترم بس، وزاد لها المعاصي فراح يتأكد من كونه هوا أولا وأخيرا الغلطان
لا تقولوا الأستاذ/ة ما تشرح تمام، هذا قلتوها وأرجع أعيد، الدروس إلي ناخذها دحين، نفس إلي أخذناها بالثنوي، يعني ما يحتاج من الدكتور/ة إنها تشرح، إلي عليها تعمل ريفرش (refresh) للذاكرة فقط لا أكثر حتى اللغه مهي عذر أبدا حتى على إلي ماعنده لغة لو ذاكر أول بأول راح يفلح
ولو وقّفنا هاذي المعاصي كلها، والذنوب إلي جنيناها بسببها
بيكون وقتها ربي راضي، وأهلي راضيين، وأي دعاء ندعيه راح يستجيبه
بالذات لو انتهزنا الأوقات المجاب فيها الدعوة

وبالنسبة للدرجات الغلط إلي أخذتوها
سواءا تصحيح يدوي (مافي إنسان معصوم من الخطأ)، ولا آلي (اليوم ثلاجتنا خربت)
روحوا أسئلوا عنها بالهداوة
"عضوا عليها بالنواجذ" << عارفة إنو معنى هذا الحديث شي ثااااني، بس ما لقيت كلام أقوى منه
بس أقصد، لو متأكدين من إنكم حليتوا في الإختبار كويس، وشكيت/شكيتي إنو التصحيح فيه غلط أو الآلة خربانة، أسأل ولا تتهاون
الحق حق والساكت عن الحق شيطان أخرس
وأنا ما أنوه إنو روحوا تضاربوا مع الأساتذة، لأنه زي ما قلت في البداية
إحنا كبار
والكبير عاقل
والعاقل يفكر
فلو فكرنا بطريقة، نقدر نقنع الدكتور/ة تعيد تصحيح الورقة، بدون ما نخليها تثور وتعصب
فبكذا بإذن الله راح تتعاون معانا، وإذا قالت بعدين فلازم نعذرها، يمكن مشغولة، يمكن خارجة، يمكن تعبانه يمكن ويمكن ويمكن "التمس لأخيك سبعين عذرا"

أغلب إلي قلته صح
وماحد يقدر يخطئني، إلا إلي يكذب على نفسه وبس
ما أقول كلامي تفاخرا
لا والله
يعلم الله إني جالسة أكتب هذا الكلام من 12 الظهر والآن 12:40 تقريبا، أمسح وأحط أمسح وأحط، ونيتي صافية << إحم إحم طبعا بسبب إني ما أعرف أعبر
أبغا أغير نفسي، وما حبيت تغلطوا غلطاتي
لأن الكلام إلي كتبته، كنت أشوفه أو أسويه (مو كله ولكن معظمه)

كنت أحسب الجامعة سهله
كلها 4 مواد (لأني خطة ب)، والكلام مكرر نفس الثنوي <<يعني يعني، لو ما ذاكرت فأنا ناجحة لأني درسته أيااااااااااااااااااام الثنوي، أو حتى راح أختم الكتاب بيوم وليلة
ما كأننا ننسا (مو يعني انمحى، بس يبغاله تذكير)، وإنو المفروض، بما إنو الكلام متكرر نفرح للأننا حنكون فاكرين ولو جزء بسيط من دروس الثنوي، وراح ننتهي مذاكرة بسرعة بعدها نسوي إلي نبغاه
وإنه جزء صغير بس إلي ندرسه كل يوم، يعني لو تراكم عاااادي نقدر عليه << كذب
وصرت مستهترة، إلى ما طاح الفاس بالراس << هوا لسا ما طاح، لأني ما شفت الدرجات بس عارفة نفسي
صرت أقول لأبويا كل ما يسألني عن درجاتي (لسا ما شفتها، بس ترى لكل جواد كبوة) << أخفف الوضع لا أبويا يذبحني
يقوم يقول (ولكل حمار عصا) << شاك إنه في الموضوع إنّ ههههههه

وعلى العموم كل إلي كاتبه ربي بيصير
لأنو قضاء وقدر
ولا يرد القضاء إلا الدعاء
فلو ربي راضي عني
وأمي راضية عني
وأبوي كمان راضي عني
وأنا سويت إلي عليا بإخلاص وتفاني
فما راح تمنعني جامعة أو أستاذ/ة ولا آلة، من حقي
"احفظ الله يحفظك، احفظ اللَّه تجده تجاهك، إذا سألت فسأل اللَّه، وإذا استعنت فاستعَنْ باللَّه، واعلم أن الأمة لو اجتمعت عَلَى أن ينفعوك بشيء لم ينفعوك إلا بشيء قد كتبه اللَّه لك، وإن اجتمعوا عَلَى أن يضروك بشيء لم يضروك إلا بشيء قد كتبه اللَّه عليك، رفعت الأقلام وجفت الصحف"
وإن إنظلمت
فمالي غير ربي ينصرني على من ظلمني
بس مو كل شي نرميه على القدر
يعني المفروض نآخذ بالأسباب
يعني
نذاكر ونجتهد ونبتعد عن المحرمات، وبكذا وبإذن الله ، تتحقق الآمال
والسلام خير الختام