آخواني طلاب كلية رابغ ممكن سؤال ؟! ابي اكمل دراستي..

[ساره تبوك]

والله يااختي مااحطمك بس هاذا الحاصل معايا ............كالتالي
انا خلصت دبلوم هندسة حاسب من كلية المجتمع ثلاث سنوات وانا اكرف................... على امل انشاءالله راح اكمل بكالوريس
سالت اقدر اكمل .............طبعا قالولي لا مافيه لذلك اختك بدات دراسه من اول وجديد وتخصص مختلف والحمدلله على كل حال
انتي اسالي وشوفي يمكن تغير شي واتمنى لك التوفيق

[طالبه مع وقف التنفيذ]

اهلين اختي ساره تبوك تسلمي على ردك

طيب انتي حاولتي مع جامعة عزوز ولأ تبوك علشان تكملي ؟!

وترى الله اعلم المعدل له دور في إكمال الدراسه ..انتي كم معدلك وكم لك متخرجه ؟

اللي اعرفه انتووو عندكم بجامعة تبوك التجسير بس مدري متى يبدأ..وتم الاعلان عن نظام التجسير بجامعتكم قبل سنه

وانت كنتي الظاهر مخلصه السنه الاولى بجامعة عزوز ..

عموماً الله يكتب مافيه الخير يارب والله يعيننا هذي هي الدنيا يبغالها صبر


شاكرررررره لكي مروك وتواصلك و لله ينجحك ويسهلها عليك ويعطيك الصحه والعافيه يارررب ...

[bader10]

المشاركة الأصلية كتبت بواسطة طالبه مع وقف التنفيذ السلام عليكم ورحمة الله وبركاته مساء /صبااااح.. الخيرات ع الجميع انا عندي استفسار وياليت تجاوبني عليه بلييييييييز موضوعي هو اني ابي أكمل دراستي الجامعية انا عندي شهادة دبلوم متوسط من كلية المجتمع تخصص (علوم اداريه ادارة مكتبيه) ومدة دراستي ثلاث سنوات ومعدلي ماشاء الله فوق الـ 4 بفضل ربي وتوني مخلصة الدبلوم قبل كم شهر .. سؤالي اقدر اكمل دراسة في الجامعه انتظام ( عن طريق نظام التجسير ومعادلة المواد )؟؟ فبالله عليكم اللي عنده جواب يرد .. الله يوفقكم نفسي اكمل دراستي :) عطوني امل في الحياة وجزاكم الله خير ...

انا متخرج من احد الكليات السعودية ....وبرضه بشهادة دبلوم والثاني على دفعتي.....ورحت للجامعه قبل سنتين شئون الانتساب...وكذا قسم اخر....كل الموظفين قالولي مافيه ولا مادة نقدر نعادلك اياها
ولكن انتي المستفيده اذا درستي من اول وجديد ....قولي لي ليش
لأنه إن شاء الله بتجيبين معدل عالي وخصوصا في السنه التحضيرية بما انه عندك اساسات قوية...ويمكن بعض المواد اللي انتي اصلا درستيها بكلية المجتمع اصعب من المواد اللي في جامعة الملك عبدالعزيز....فانتي المستفيده في حالة انهم ماحسبولك ولا ساعه
ولكن ولكن
حاولي قد يكون يختصرون عليكي وقت ويخففون عليكي من الرسوم
الغريب انه جامعات برا السعودية عادلوا لي ساعاتي اللي درستها كلها...او اغلبها....وجامعه في ديرتي مارضت
فاضطريت اكمل انتساب وخفت اخسر وظيفتي اذا سافرت

[هررررم]

كلام الاخوان صحيح وبصميم كملي الله يوفقك لان عندك اساسيات قوية .......الله يقويك

[طالبه مع وقف التنفيذ]

اهلا اخوي bader10 شاكره لك تجاوبك معي ..

ايه كلامك اخوي في محله وفي بالي انا عارفه ان دراستي انتظام بكلية المجتمع راح تساعدني كثير ان شاء الله بالأنتساب
بس انا ابي اعمل بالأسباب واشوف اذا بيعادلو لي ولا شلون علشان مايبقى قدامي إلا الإنتساب والله يكتب مافيه الخير

الله يعينا ويوفقنا جميع يارب وتفرج علينا وعليكم ياارب ..
مشكور اخوي بدر على ردك الله يسعدك ويوفقك ويسهل لك اختباراتك ويحقق لك ما تتمناه

[طالبه مع وقف التنفيذ]

هررم تسلم على ردك الله يسعدك ويوفقك ويسهل لك اختباراتك ويحقق لك ما تتمناه