خادم الحرمين يصدر قرارا بتأكيد منع السينما

[نص دافوره]

اكسترااااااا

اللهم أرينا الحق حقا وأرزقنا اتباعه وأرينا البااطل باطلا وأرزقنا اجتناااابه

[northstar]

المشاركة الأصلية كتبت بواسطة soma al7elwa هييييييييييييييي اخيرا طلع في احد بصفي شايفين يا هنودة ودافنشي؟ p=

والي يحب النهايات المفتوحه
التي تحتمل عدة احتمالات

[soma al7elwa]

أنا من النوع الي يندمج بقووووة مع الفيلم

وخيالي واااااسع بشكل رهيييب

تلاقيني اضحك وابكي من قلبي كأنو صايرلي منجد

ومامتي وبابتي لما يشوفوني يقولوا الحمدلله على نعمة العقل p=

يعني لو اتفرج فيلم نهايتو مفتوحة تلاقيني اجلس شهر افكر ايش المفروض يصير؟

طيب دحين هوا لو صار كدا حيكون كدا

ولو ما ضار كدا حيكون كدا

وزي كدا حجلس في معاناة مع نفسي

:''(

بس برضو تعتبري في صفي لانو مو نهاية حزينة p=

[المسلم العربي]

أحمد الله عز وجل أن عافاني من مشاهدة الأفلام..

والأولى أن نهتم بنهايتنا نحن وآخرتنا بدلاً من الإنشغال بمشاهدة الكفار في أفلامهم بما فيها من مخالفات..

(المرء مع من أحب) صدق رسول الله عليه الصلاة والسلام

مجرد خاطرة

[Ali The Humble]

تعازي الحارة لمناصري السينما ...

بالنسبة لي ما احب الافلام .....They just suck

[شــفــافـــة]

المشاركة الأصلية كتبت بواسطة soma al7elwa أنا من النوع الي يندمج بقووووة مع الفيلم وخيالي واااااسع بشكل رهيييب تلاقيني اضحك وابكي من قلبي كأنو صايرلي منجد ومامتي وبابتي لما يشوفوني يقولوا الحمدلله على نعمة العقل p= يعني لو اتفرج فيلم نهايتو مفتوحة تلاقيني اجلس شهر افكر ايش المفروض يصير؟ طيب دحين هوا لو صار كدا حيكون كدا p=

واللهي كأنك تتكلمي عني

وفي ناس تتعب معايا ,, تشرح لي ونحلل ونتناقش واحياناً نتخاصم
ومين في صف مين ,, والمفروض ايش يسير ,, ومين الغلطان ومين الصح
وه بس فديتهم
واذا الفيلم أثر فيني مرة ,, أجلس أيام وأيام أفكر فيه
وكل ماافتكره أحكيه الي جنبي لو اني حكيت له القصة عشر مرات
وفي افلام لها نكهة ذكريات حلوة ,, لو اشوفه ستمية مرة ماأمل منو
زي فيلم just friends

[:. مآء السمآء .:]

واللهي كأنك تتكلمي عني وفي ناس تتعب معايا ,, تشرح لي ونحلل ونتناقش واحياناً نتخاصم ومين في صف مين ,, والمفروض ايش يسير ,, ومين الغلطان ومين الصح وه بس فديتهم واذا الفيلم أثر فيني مرة ,, أجلس أيام وأيام أفكر فيه وكل ماافتكره أحكيه الي جنبي لو اني حكيت له القصة عشر مرات وفي افلام لها نكهة ذكريات حلوة ,, لو اشوفه ستمية مرة ماأمل منو زي فيلم just friends

صح في افلام أبداً ما تتمحي من الذاكره و مهما اشوفه ما أمل و كأنو أول مره
زي sweet november


بس اختلف معك ما أحب النهايات السعيدة أبداً عشان كذا أنا أكره الافلام العربي :s

[متطلع]

اقتباس نورث في ردها هذا مررررررررررة حسيته من القلب :) !!!

المشاركة الأصلية كتبت بواسطة northstar اخي انا لم اقهر ولم اشعر بالاحباط لاجل السنما فانا افضل مشاهدتها لوحدي بغرفتي دون ازعاج لكن ما ااثار حفيظتي هو انشغال البشريه بصغائر الامور عن كبائرها اخي نحن في مصاف الدول المتاخره ليس لاجل السنما بل لاجل امور اخرى منها التجهز وحماية الوطن من اي هجوم فكري او عدواني مسلح و وايجاد وسائل لتوفيرالاكتفاء الذاتي احترامي لك اخي رغم اختلاف وجهات نظرنا الا ان كلا منا ينظر الى زاويه تكمل وجهة نظر الاخر

والرد هذا أحس دافنشي كان يبا يضارب مع الشاشة صراحة :

المشاركة الأصلية كتبت بواسطة da vinchi أولا ,, موقع لجينيات الشخصي ليس مصدر إعلامي موثوق ,, هو بالنسبة لك لأنك مؤدلج وهذا شي خاص بك ,, فياليت من المشرفين اللي صجونا بالمصادر واتخذوا من هذه الحجة عذر لـ حذف ما لا يتماشى مع أهوائهم الشخصية يحذفون الموضوع مع علمي المؤكد أنه لن يتم لكن أريد أن أقول خلو عندكم ذرة حيا ,, ثانيا ,, وهل منع السينما من العمارة في الأرض؟! وهل الإنكار على مطالبات بافتتاح السينما في البلاد من قبل الشريحة الكبرى من المجتمع من العمارة في الأرض؟! ,, هذه الشريحة التي أغلبها من التكنوقراط الذين بخدماتهم تسير كافة قطاعات الدولة من أصحاب العلم والخبرة التقنية وليس من لا هم لهم سوى الإنكار هنا وهناك على سفاسف الأمور وترك أكبر القضايا التي تشغل الأمة وكبائر الذنوب والا حيلكم بس على الضعوف ,, تقدر تنكر على مؤسسة النقد وقطاع البنوك تعامله في الربا؟؟ ,, هل تعلم ما هو الربا أم أعطيك درسا فقهيا فيه؟؟ من التافه والمضحك والسطحي والمشتغل بالهوامش الآن؟؟ أنا اعلم وأتمنى أن تعلم أنت أنك وأنا مجرد دمى يُتحكم بها من أعلى ,, فمرة نرضي هؤلاء على حساب هؤلاء والعكس ,, وأنت جاي فرحان أنهم منعوا السينما ,, هي هي هي يلا نحتفل يلا نفرح ,, كل الناس تتابع أفلام والقنوات في ازدياد وبالمجان ,, وأسعار الشبكات المتخصصة كل ما لها ترخص ,, يلا افرح! يا ليت بس لو تنكرون على الشركات المستثمرة هنا في البلد ومن مال الوطن ولا تدفع زكاتها للفقراء والعاطلين بدل الإشتغال في أمور سخيفة على حد قولك من سينما وخلافه ,, سلام

كل الردود حلوة ولها وجهات نظر مقنعة ، لكن أنا عن نفسي أصطف مع سماح السينما ،

وعندي سؤال بسيط لكل من يرى المنع : بأية حق يمنعوها ؟؟ ليش يمنعوها ؟؟؟ هل هي حرام بذاتها ؟؟؟ لأني حسب دراستي للدين أرى إن حكمها حكم الدش ، ليش ما منعوا الدش ؟؟ لأنه ممكن نستخدمه في الحلال ،

كيف نستخدم السينما في الحلال ؟؟؟

الحين لو واحد بدوي جاء دخل السينما وشاف فيلم غربي وشاف الحياة عندهم كيف ، ناس فاهمين في الدنيا وكيف يتعاملوا مع بعض ، ما حيتفتح عقله ويحب يتحضر ولا حيكره التطور ؟؟

يعني ممكن نستخدم السينما في إننا نطور بلدنا .

بيني وبينكم هو احتمال بعيييييييد إن الناس حتفتح عقولهم بسبب فيلم لكنه برضه احتمال وارد ، ومرة بعد مرة التحضر اللي نحلم فيه حيجي يوم ، لكن مو بعقول ما تبغى تكنولوجيا بالمرة ، حلالها على حرامها !!!

الأصل في الأمور الإباحة ، يعني المفروض السينما بذاتها حلال ، إيش بينعرض عليها يرجعلنا !!! وطالما إنها حلال فما لأحد حق إنه يمنعها . والله أعلم ترى الفتوى من راسي وإذا أحد يبغى يصحح يتفضل !!!

ومن الآخر عشان الختام يكون مسك: هي خطة كبيرة بتصير واحنا محنا دارين عنها شيء على قولة نورث .

ومشكور على الموضوع بس اتوقع ينحذف صراحة :( مشوا حالكم ، حالكم يمشي ...